رواية بتندمين يا بنت و السبب نظرتج هذي كاملة

السبت , بتندمين , بنت , يا , رواية , هذي , نظرتج , كاملة

رواية بتندمين يا بنت و السبب نظرتج هذي كاملة

مثل ماعودناكم عند اكتمالها بالردود نوفرها لكم للتحميل الجوال بصيغة txt
والرواية انا متأكد انها راح تعجبكم مثل ماعودتكم في بوح عشاق
والرواية واقعيه مثل ماروتها كاتبتها


واتمنى ان ارى مشاركتكم وتواجدكم المشرف اللي تعودت عليه منكم

..
..
وقفت الدريوليه عند بوابه المول ..ونزلت روضه والبنات من سيارتها المرسيدس v12 ..اللي كانت هديه من ابوها فـ عيد ميلادها ..
حدرن البنات من الباب الكهربائي ..واول ماحدرت روضه وجهت نظرها للمكان اللي ياما خافت منه وحاولت تتحاشى جميع محاولات اهلها لـدخول هالمول بالذات.. ..والسبب طبـعاً مجهول ..!

حمده : روضه يزوي انا بسير أطالع المحلات وانتن ؟
يزوي : حتى انا أبا واااايد بدل ..
.
اما عن روضه فـ كانت سرحانه بـ عالمها المجهول ))
حمدوه ويزوي .. :روواضي نحن نرمسج ..!
روضه : هاه .. شو ..اسمعكن ..!!
حمدوه :بتسيرين ويانا ..؟!
رواضي : لا بسير كـارفور .. !
حمده صرخت : روضه لا تقولين لي تبين غسولات دخييل والديج ..
روضه : هههههه هيه ... يلاا بااي بينا الفون ..
.
حمده ويزوي يدرن بعناد روضه فـ ودرنها
.
تعريف بـ الشخصيات حسب الظهور حاليـاً ..
روضه :بنت بو سالم ..(18سنه) احلى بنت ممكن العين تشوفها ..عليها جسم مرسوووم رسم .. وطولها يصل تقريبا 173سم .. و شعرها يصل الى تحت الظهر ولونه بني فاتح... لها هيبه تفز لها القلووب ..ولها عود موز يغري كل ناظر (خصرها ) مع طولها وخصرها كانت كـ احد العارضات العالميات ...وماتخلى ابد من الدلع ...وعليها عيون عسلية ناااعسه..وتمتاز ببعض من الغرور ..
حمده : بنت بو عبد الباسط .. (18 سنه ) ..ابيضانيه البشره .. ولها خصر خفـي ف يتناسب مع طولها الي يصل الى 166 سم تقريبا .. ومع العلم انه حمده تقريبا اقصر بـ شوي من روضه ويزوي .. عيونها بنيه غامجه ..ولها عنق طويل مما زادها طابع استثنائي جميل جدا (يعني خبااال).. كانت حمدوه بمواصفاتها هاي تملك احلى جمـال ممكن الواحد يتخيله ..
اليـازيه : بنت بو راشد ..(18سنه) ..ابيضانيه البشره ..وجسمها يشابه جسم روضه وحمدوه بـ الضبط لكن يزوي اطول بـ شوي من حمدوه يعني طولها يـصل الى 170 سم تقريبا .. مع العلم انه يزوي تمتاز بـ عيون سود وكبار مع رموشها الطوال .. وعليها غمزه فخدها اليسار اللي من تضحك او تبتسم تظهر وتسحر كل من يطالع على ابتسامتها لانها اتزيد من جمال يزوي فوق ما هي جميله ... وشعرها يصل لحد نصف الركـبه ويمتاز بـ لون اسود غامج .. كانت ايـه فـ الجمال ..وربي اكرمها بـ الجمال الي يسـحر العيون ..
(على فكره الوصف حقيقي والله يعلم عليه اني مازيدت اي شئ من ويايه )

.
.
سارت روضه صوب قسم الاغراض الشخصيه حضرتها تبا غسولات
( ع فكره روضه مريـضه بشي اسمه غسولات )
مشت لحد ما وصلت لـ مكان الاغراض الشخصيه وبدت تختار الغسولات الي متعوده تشتريها ...
رواضي بخاطرها : لا هالغسول مب من النوعيه الاوك .. احسن شي اختار واحد والباجي بأخذه من جفنشي احسن واضمـن..!
خلصت مختاره الغسولات ومشت بتتحرك لمكان ثاني ..
وهي بطريجها تمشى بهدوءها المعتاد ... ومنزله راسها بـ الارض ..
ردت ع وراء بسرعه بعد ما كانت بتصدم فـ واحد طووويل ..! ..
صرخ بويها االريال اللي جدامها : انتي ما تطالعي جدامج هاااه
روضه منزله راسها وحتى ماكلفت عمرها تطالع عليه : ................ " لاتعليق "
الشاب : صج قله ادب مخليه عمرج محترمه ومنزله راسج عسب تصدمين فالشباب لكن شو اقول من شكلج مب اصول تراج الا زلمه .... صج وقحه ومافيج ادب .. اجلبي ويهج يالحيوانه .....
( كان يسب بشكل ويتوقع عقب هالرمسه ومن شكل روضه انها بتصيح لانها لحد احين منزله راسها..)
الشاب : احسن لا ترفعين راسج لانج مسوده بويهج يا السباله ..
.
( الشاب يتريا روضه ترفع راسها ويطالع دموعها مايدري انه اكبر اهانه لروضه انه احد يطالع دموعها .. احين هذا يطالع دموعها )
روضه بخاطرها : روضه لازم ترفعين راسج لازم تراوينه انه محد قدج لازززم .. انا براويه
.
( تحاول ترفع من معنوياتها عسب ترفع راسها فويه الريال .. لانها تخاف تطالع بعيون اي شخص كان ..! )
.
روضه لا زالت الافكار تدور بخاطرها : انتي ترومين .. ترومين يلا روضه انتي قويه ترومين
.
سحبت كميه من الهواء ..ورفعت راسها وطالعته بنظره تحدي وعيونها كلهـــــــا تحدي وغروور وكــره واشمئزاز من اللي جدامها
( وكانت معروفه يوم تتطالع الشخص بها النظره يكره عمره من نظراتها )
... انصدمت من اللي جدامها كان فقمه الوسامه مب بس فقمه الوسامه الا فوق الوسامه ..
كان ابيض البشره وعيونه على البني الفاتح و محدده باللون الاخضر الي لما تندمج تعطي لون زيتوني خااااارق ... شعره لحد نص رقبته .. طويل وشوي نحيف.... ومن عيونه يظهر الغرور والثقه بالنفس )) ...
.
بس روضه ابدا ما اهتمت بشكله كل همها انها تراويه منو هي ..!
.
يوم طالعت عليه وع عيونه خافت يعرف انها لابسه قناع الغرور والتحدي ويكشفها .. بس طالعت العكس بعيونه ( الصدمــــــــــــــــه ) ..
عرفت انه منصدم كان يتوقع منها الدموع مب الغرور والتحدي ..
.
خوزت عيونها بحركه تمرير من اليمين الى الشمال وكانت هالحركه شرات ما الواحد يوم يكون متقزز من شي وخوز عيونه ..
مشت بكل ثقه وكملت طريجها وكانت لما تمشى الكل يطالع عليها وع مشيتها لانها كانت قمه الانوثه والدلع ..
كان خاطرها تطالع ع وراء بس ماتروم... الشي من تمر عليه مستحيل ترد تتطالع عليه لانه تعتبره شي انتهاء ومستحيل ترجع تعيده << يلعن ام الغرور
مرت من حذال شاب كان الظاهر يطالع عليها وع هاك السبال بو لسان وسخ استغربت منه ومشت .. وفهمت انه شهد الحدث << متعوب عليها ..

سارت عند قسم الحلويات << لابد منه ..
وكان حذال هالقسم شله شباب مرت من حذالهم وسوت طاااااااف .....ومشيتها كانت تدل على الشخص اللي واثق من نفسه ...مع انه عيونها بالارض بس حست بنظراتهم وقالت بخاطرها : طالعو لانكم اول واخر مره بتتطالعو شراتي << أم الثقه
وفجأه ما تسمع غير ....!
هاك عمري خذ منه وتوح عذب فؤادي كان ترتاح >> حمدوه يتصل بك ..
روضه : مرحبا الساع ،
حمده : مرحبا ملايين ولا يسدن فذمتيه
روضه : ادري انهن مايسدن ههههههه
حمده : اووف ع الثقه وينج انتي احين هاااااه
روضه : ليش فيه شي ..
حمده : هيه بنيي وياج
روضه : جريب من قسم الحلويات ..
حمده : اوك احين بنيي
روضه : بند ت الفون ورجعت تختار الحلويات اللي تحبها ..
ثواني ويين حمده ويزوي : مرحبا الساع
روضه : المرحب باجي ولا هان
حمده ردت ترمس يزوي : لا ياحبيبتي اكيد فيه شي مستحيل مني والدرب
روضه : شو السالفه ؟!
يزوي : وربي متأكده ان السالفه فيها إن ....
روضه اطرش فالزفه خخخ : شو السالفه ..؟؟
يزوي : ويت رويض
روضه : رويض فعينـــــــــــــج
حمده : هههههه ليش تقولين رويض تعرفين انها ماتحب حد يقولها رويض ...
يزوي : بروحها ظهرت جيه ..
روضه الفضول بيجتلها : قلت لكن شو السالـــــــــــفه
يزوي : انا بقولج طالعي يوم ياين عندج هني مرينا على شله شباب يالسين يرمسون عن واحد الظاهر انه ربيعهم.... وسمعت واحد منهم يقول .. طول عمره عاش يضارب البنات ويكرهن ويسبهن يعني حضرته يستانس يوم يطالع دموعهن بس ييت بنت اليوم وادبته ويقولج تيبس مكانه ...
روضه لحد احين مصدومه معقوله ؟؟! ... لا ما صدق ...
روضه انفجرت مررره وحده : ههههههههههههههههههه هههههههههههههههههه
( وحطت ايدها على حلجها حركاتها هاي ) هههههههه ههههقهه ههقهققه
( ملاحظه : روضه اذا بدت تضحك مستحيل تسكت لحد ما تتيـها الكحه )
يزووي : اييييييه جـب
حمده : روضه بلاج السالفه ماتضحك ؟! ...
روضه تضحك ومحطيه ايدها على حلجها ..
حمده : بس روضه
مرت من حذالهم شله شباب وروضه ماتروم تسكت من الضحك يلسوا يطالعون عليها نزلت راسها عسب مايقولون تضحك لنا ..
روضه : كح كح كح ههههه كح كح
حمده : الحمد لله
يزوي : مابغت تيي هالكريهه ( تقصد الكحه )
روضه : كح كح كح
مشن البنات عسب روضه تحاسب و هي حذال الكاونتر روضه لحد احين تكح ..
روضه : كح كح استغفر الله ..
حاسبت الفلبينيه من ( الفيزا كرت ) مال روضه وشلت الاجياس الدريوليه مال روضه .


ظهرت من البوابه ووجهت نظرها لسيارتها الي موقفه حذال البوابه ..
كانت تبا تركب بس لفتت نظرها سياره فخمه مرت من حذالها نزل منها هندي وفج الباب الي وراء ويي من وراها شخص ما كانت تتوقعه..
.
روضه بخاطرها : بو لسان وسخ هههههههه << هالبنت مافيه منها
ركب السياره بس ما انطلقوا ....سوت طاف وركبت سياراتها ..!
رواضي ترمس الدريوليه : يلا go ..
حمده : الله طالعي الموزراتي اللي جدامنا لونها طرر
يزوي : صح واايد نايس
روضه بخاطرها : ههههه لوتدرن انه هالموتر حق بولسان وسخ ، لاوبعد دريول يسوق به الظاهر مايعرف يسوق ، لا شو مايعرف يسوق عيل كل واحد يسوق به دريول مايعرف يسوق عيل انا ماعرف اسوق الا اعرف ، الا بس خقاق وولد مليالديريه اكيد خخخخ ، وفجأه ظهرت ضحكه روضه : ههههههههههههه
حمده ويزوي يطالعن مستغربات هي بلاها تضحك ..
حمده : ماقلت شي يضحك ..
يزوي : ولا انا
روضه تغير السالفه : بنات انا يوعانه ..
حمده : حتى انا والله واايد يوعانه ..
يزوي : عيل بنطلب اليوم من البيتزا هت ومنسير بيتنا
روضه : لا بيتنا مافيه احد كل الشباب برع ..
حمده + يزوي : اووك
وقف دريول حمدوه حذال البيتزا هت ..
روضه : حلفت العشاء عليه
حمده : عادي انا مفلسه
روضه : حشى مابيحلفن ههههه
يزوي : حلفت عليج تشترين العشاء
حمده + وروضه : ههههههههههههههه
روضه نزلت عسب تشتري العشاء ..
اول ماحدرت سارت ع الكاونتر عسب تتطلب
طلبت بيق تشيز بيتزا حجم كبير و باستا وخبز بالثوم ووايد اشياء وماشاء الله تاخذ وماتهتم بالبيزات تعتبرها وسخ دنيا ..
وحاسبت وعقب قالتلهم انها بتسير السياره وبعد مايخلصونه يوصلونه السياره ..
.
وهي تمشي تحس بشي وراها ..... التفتت بس ماشي نقلت عيونها لمكان ابعد تطالع منو هـ الشخص اللي يطالعها بس ما لقت اي شخـص ...
.
رفعت راسها وهي ظاهره من المحل جان تطالع واحد يمر من حذالها وكان يطالع عليها وبنظرات تقطيع بس ماانتبهت له مووووول لانه كان وايد سريع ..!
روضه بخاطرها : ياربي شو هـالناس ماشي شغله غير يخوفون الناس ..
(تنهدت وسارت بـ تركب) ....
بس سمعت شئ استغربت منه ييها صوت من وراءها : بتندمين
( حركه راسها بسرعه عسب تعرف منو .. هـ الشخص بس اختفى بسرعه البرق ..
روضه ما اهتمت او بالاحرى برود اعصابها يجتل ...
ركبت واول ماركبت قالت يزوي : بلاج ماتركبين بسرعه
حمده : هههههه يالسه تستكشف
روضه : ايــــــه جب لا احين ما اخليكن تتعشن
يزوي : مذله السالفه هاااه
حمده : والله الظاهر جيه السالفه ..!
عقب دقايق وصل العشاء وانلطقت الدريوليه للـبيت ..!
.
وصلن البيت ونزلن بس روضه ماكانت على بعضها عسب جيه تأخرت ونزلت اخر وحده ....
حمده ويزوي داخل الحوي بس روضه بعدها حذال الباب اللي مجابل الشارع ماتدري ليش حست انها لازم تلتفت.... واول ما التفتت
اكبــــــــر صدمه بحيــــــــاتها !!!!!!!
/
\
/
\
/
\
بيـت بو رآشد ..!
آلحريم كانً متيمعات فيـه ..!
.
المياسه : امايا انا لازم اسير احين بيمر عليه سعيد ،،
ام سالم : لا يا بنيتي يلسي شوي لحد ماتتي خالتج وبنتها عواش ...!
المياسه : ليش وين سارت ؟!
ام سالم : تقول وحده من ربيعاتها الجديمات عازمتنها وسارت وياها ..

تـعريف بـ الشخصيات حسب الظـهور حالـياً ..
المياسه:بنت بو سالم البجر وااايد طيوبه ودومها تحل مشاكل الكل وقلبها عود وابيض وكانت تمتاز بـ جمال لا يقل عن أختها روضه وشمـا .. !
ام سالم : حرمه بو سالم عمرها يقارب بين الاربعينات .. كانت هي مصدر الجمال الي انخلقن منه بناتها الثلاث واولادها الثلاثه .. مع كبر سنها كانت دائما توصف بـ جمالها وكشـختها الدائمه .. والبرستيج الذي لايخـلو منها ..

\
/
\
/
\
/
\
/
الميـلس العود ...
مكان تجمع الريايل ...!
.
سيف يالس ع لابه كـ العاده .. /..
/..منصور يالس يرمس ربيعاته .. كـ العاده ..
X box /.. محمد وعبدالباسط يلعبون
/..حمد يالس يتضارب ويا ربيعه فـ الفون ..

محمد ياه اتصال وظهر بس عقب مارد نفسيته تغيرت 180 درجه استوت زفت ..
وطبعاً الاتصال هو السبب !!!
.
تعريف بـ بعض من الشخصيات ..! **
محمد:..ولد بو سالم ....21سنه يدرس بالجامعه ومعروف بغروره و كبريائه ووسامته ..
حمد: ولد بو سالم ...19 سنه ريال محبووب وطيبته الي غالبه ع شخصيته وماشاء الله ربي عطاه من الجمال ما يكفي ,,
سيف: ولد بو راشـد.. 25سنه احلى واحد من اخوانه الشباب وايد طيووب بشكل ماتصورون وقلبه عوود وابييييييض والكل يموووت عليه .. وعنده خبره جدا قويه فـ الكمبيوترات >>فديته هههههه.
منصور: منصور:18 سنه عليه جمال اللهم لا حسد ذذذذذبوحي من الخاطر طويل وابيضاني وعيونه وساع وسود وعليه قصه شعر جنه شعر بنات من حلاته ماشاء الله ..
.


\
/

\
/
\
/
\
فـ الشــــــــــــــارع ..!
ويــــــا روضه ...
.
روضه مصدوومه لحد احين ..
ييت من بعيد موزراتي وقفت حذالها وانفتحت الجامه اللي ورا وظهر لها شخص ماتدري ليش من اول مره شافته حست انه بتييها منه المشاكل ..
الشاب : ههههههه مصدومه صح.... عادي لاني حطيتج فـ بالي وصدقيني بتندمين لانج تحديتيني ..
وهاا اقل شي اسويه.... و اول خطوه اسويها هي اني اعرف بيتكم ...
(وسكت وعقب فتره كمل )
لا والظاهر بنت عز ماشاء الله بس صدقيني مب عليه انا الفيصل ...!
( كانت كل رمسته انا وانا مغرور بشكل ) ...
روضه توها بس فاقت من من الصدمه يالسه حذال الشارع واذا حد يا اكيد بيفهم غلط ..
بسرعه ييت بتحدر البيت بس وقفت مصدومه من اللي سمعته ..
الفيصل : الظاهر انج من البنات المغرورات بس صدقيني بجسر هالراس اللي عليج مع السلامه يا حلوه ..
روضه تموت ولا انه احد يهددها ، الموت ارحم ولا احد يفرض قوته عليها
.
التفتت عليه بسرعه وضحكت ضحكه سخريه منه وعيونها كانت تتجول بالمنطقه
بـ غرور ....وابد ما كانت مركزه عليه ..!
تخاف تطالع بعيون اي شخص من بعد اللي استوى فيها قبل اربع سنوات ))
الفيصل انقهر من حركتها ...
الفيصل : الظاهر هالمره البنت اللي بتعامل وياها غير عن كل مره ..
روضه لا اراديا قالت : اكيد غير لانه محد شراتي ..
الفيصل سكت يسمع صوتها كان مبحوح وذبوحي بالقوه ....
.
(وع فكره يوم تخاف او تتضايج ينبح صوتها ) ..
.
مسكت لسانها شقايل انا ارمس واحد غريب ...
بحياتها ماسوتها احين سوتها ويا واحد مايتسمى ..

الفيصل : ههههه ماشاء الله الغرور عمى لج عيونج..بس يلاا انا براويج منو الفيصل الـ .
روضه ماعطته فيس والتفتت على الباب عسب تحدر البيت يعني عطته ظهرها انرسم بويها شبح ابتسامه ..
ويتها فكره جهنميه يعني ...صج بتقهره ...
.
وهي تمشى بتحدر البيت زادت من نعومه مشيتها فوق ماهي مشيتها صارخه من الانوثه ( تعرف تأثير نعومتها على الشباب ) << هذي الناس الواثقه ولا بلاش ..
اول ماحدرت من باب الحوى يت بتحدر البيت بس قالت بتطالع اثار الحركه اللي سوتها بسرعه سارت ورا الشير ويلست تطالع سيارته الموزراتي بعدها موقفه فالشارع يعني لحد احين مصدوم من الحركه .. لا اراديا ضحكت ع هبالها ..
.
ياها من وراءها صووت : ايييييييه بلاج..؟!
طااااااح قلب روضه فـ رويلها ..والتفتت بسرعه ..!
يوم طالعت اللي جدامها قالت : اششششششششششش
يزوي : والله قلبي قارصني مادري ليش حاسه انج مسويه بليه ...
.
و أول ما انتبهن حمده ويزوي ع اللي فالشارع ماصدقن ..،
يزوي : هذا اللي بالمول مب جيه ؟؟!
حمده : الا هو بشحمه ولحمه
يزووي بسخريه : سحرتي الولد وتبعج لحد البيت ههههه
حمده : ههههههههههههههه
روضه : شر البليه مايضحك ..
روضه وتباهن يسيرن عسب لاتتورط ويطالعها هالوسخ : يلام نسير جناحيه
حمده ويزوي : يلاااا ...،،
حدرن البنات البيت بس البيت فاضي ..
روضه تزقر البشاكير : ميشيـــــــل ، انجي ، ســالي ، تيـــنا ، روز .. وينكن ؟!
yes what do you whant ..? محد ظهر منهم غير انجي :
روضه : حشى شو هـ الاسلوب الدفش قولي يس miss روضه مب
؟!!yes what do you whant
حمده : روضه سويتيها سالفه ، أنجي وين ماما ؟! ،،
أنجي بـ عربيتها المتكسره : ماما كبـبير .. يسير ويا هدا ماما انتا ..!
حمده : هيــــــــه ويا امايا !
Yes انجي :
روضه : والمياسه وشما ؟!
انجي : المياسا روخ خلاس .. سما فوق !
يزوي : هيه المياسه سارت ويا ريلها ..
انجي : yse
روضه : بلاكن كل ما تقول شي رديتن تكررنه ..؟
.
البنات سارن فوق ويا جناح روضه ..!
الجناح اول ماتحدروه صاله عوده وحذاله مطبخ اوروبي صغير مفتوح ...
وحجره نوم روضه ، وداخل الحجره ستور صغير ( للملابس ) يعني حجره تبديل وحمامها وانتو بكرامه وايد عود نصه ومفتوح والثاني مسكر يعني حمام نظام امريكي ..
يلسن فالصاله وحطن العشاء فالارض ..
حمده : مانبا طاولات
يزوي : صح احلى نيلس فالارض ناكل
روضه : لا بالله الاتيكيت راااااح
حمده + يزوي : ههههههههههه ..
فرت روضه عبايتها داخل حجرتها ولبست بجامه من برمودا اسود وعليه بودي علاقي ابيض .. وشعرها كالعاده نصه مرفوع بشباصه والبعض منه نازل بطريقه خبال ....
بدن ياكلن وانواع الخبال وحركات الاستهبال اللي كانن يسونها ..
روضه غصت : كح كح احم واي هههههه
حمده : هدي اعصابج .
يزوي : الاكل موجود مابيشرد ههههههه
روضه : لا تخيلن الاكل يسوي ريول ويشرد بتطالعون حمده ويزوي وراه ههههههه
حمده : يالحيواانه شو قالولج هاااه
يزوي : لا ودريها اصلا هاي مامنها فايده خبله ما اتوقع منها شي ، بس بيني وبينج ( وتخفف من صوتها ) والله والله راح اركض ورااه لحد ما ازخه شو الدنيا لعبه يشرد خخخ
حمده وروضه انفجرن ضحك ع خبال يزوي : هههههههههههههههههههههههههههههههه
كح كح هههههههههه
( انت الغلا بد الملاين في خاطري يا اعز انسان روحي وروحك صدق روحين ذيج سوى حب طول الازمااان ) >> قلــــــــبي يتصل بك ...
رفعت روضه الفون وردت ع المتصل ...
روضه بلهفه : بابا حيااتي اشتقت لك ،،
بو سالم : وانا فديتج
روضه : ابويه هاليوميين موول ما اشوفك شو هالحال
بوسالم : وربي غصب عليه مب بأيدي تدرين الاشغال ماتخلص ومب شركه وشركتين موزعات ع كل الدول ..
روضه : الله يعينك بس ولو ليش مودر حبيبه قلبك رواضي ..
بوسالم : فديت رواضي وربي اشتقت لها ..
روضه طارت من الفرحه : يعلى ماخلى من هالقلب الطيب
بوسالم : صح ياالوتيه نسيتيني !؟
روضه : امر ، لبيه ، عنووني ؟؟!
بوسالم : هههههه قولي حق امج انا اليوم بتأخر لان الوفد الروسي ويايه ،،
روضه : ليش ما اتصلت عليها ولا زعنان منها هآه
بوسالم : ياالملقوفه فونها مبند مادري بلاه ؟!
روضه : اوك فديتك تامر امر .. من عنووني ...
بوسالم : يلا فديتج مع السلامه
روضه : ربي يسلمك من كل شر ، فمان الله..
بندت عن ابوها والضحكه شاقه الحلج ..
يزوي : حشى حشى حشى بطيرين من الفرحه
حمده : اخ اخ لا طيرين ....

** تعريف بـ شخصيه بو سالم .
بو سالم : ريال ربي وهبه بـ بالمال الوفير ويملك نصف الشركات العقاريه .. وغيرها من الشركات المختصه في جميع انحاء العالم .. يعني بالمختصر يمكننا ان نطلق عليه مليالدير ..
قلبه ابيض ويحب الخير للكل الناس ..
وخاصتا بنـته الصغيره روضه الي مستعد يخسر كل العالم عشانها ..!
.
روضه بصدق : آآآه امووت عليه اعشقه احبــــــــه
يزوي : صوبنا يابوج صوبنا !!
خلصن البنات العشاء وحمدوه غيرت ملابسها هي ويزوي ويلسن ع الـTV اللي بصاله روضه وحمده ع لاب روضه فاجه المسن ..
يزوي يالسه تطالع فلم اجنبي اما روضه فـ تكرهه الافلام الاجنبيه فـ حسسها بالملل ..
روضه بملل : مم بغير جو انا فالبلكونه
بلكونتها كانت تطلع ع الشارع وحذالها شيره طوويله ممتده من تحت لحد فوق ونصها داخله فالبلكونه شكلها خبال وحذالها كراسي وطاوله .. يلست روضه فالكرسي وتطالع السيارات اللي تروح وتيي وسرحانه بعالمها قبل 4 سنوات ...
\
/
\
/
\
/

\
/
بيـت بو رآشد ..!
أم راشد : بو راشد قالي انه يوم الخميس ان شاء الله كل العيله منسير المزرعه هآه عاده ما اوصيكم قولن حق البنات والشباب ..
أم سالم : هيه والله من زمان عنها هالمزرعه
أم عبدالباسط : ان شاء الله كل شي منرتبه رواحن مب شرات اخر مره البشاكير خربوا الرحله ..
أم سالم : ويديه الساعه 10
ام عبدالباسط : والبنات ماردن بعدهن
ام سالم : تلقينهن رادات بس احين ويا روضه
أم راشد : هيه صح اكيد ويا روضه
ام سالم: برايهن ويانا مافيها شي
ام عبدالباسط: اخاف حمدوه اتثقل عليكم ؟..
ام سالم : لا والله فديتها مول مالها حس
ام راشد : برايها يزوي ترد احسن
ام سالم : ويديه لا والله يابوج مابترد بتيلس ويا خواتها برايها ..
ويلسن يتناقشن مره ثانيه فالمزرعه وشو سوى الريايل وغيره
\
/
\
/
\
/
منصور + حمد + عبدالباسط + سيف : كلهم بالمقهى ما عاد محمد من هاك الاتصال انجلب حاله مره وحده ...
عبدالباسط :عبدالباسط:25سنه هو البـجر لـ بو عبدالباسط ..
خريج جامعه اكسفورد ...ومملوح بـ شكل .. ومايخلو ابدا من المرح الي معطر دايم الجو ..
/
\
/
\
/
\
بيـت بـو سالم ..!
ويـــا رواضي ..!
روضه من ترجع ذاكرتها للماضي لا اراديا تتكور على عمرها من الخوف تتذكر كل حركه كل كلمه كل شي ..
وياليتها لو ماتذكرت اي شي ..!
روضه صحت من عالمها الحزين الغامض بضربه حصى استغربت من هالغبي اللي جيه يسوي محد غير منصور وحمد ..
روضه بخاطرها : وربي مب متفيجه لحركاتهم التافهه بس قطع ع تفكيرها ضربه حصى ثانيه ... . رفعت راسها شوي وجسمها كله تحت لانها من دون شيله وبيجامتها ..
أول ما طالعت اللي فالشارع يتها صدمه قـويه .... بس الجانب الثاني العكس استانس على حركتها ...
يتها حصاه ثالثه بس هالمره ملفوف على الحصاه رساله ..
روضه ميته خووف خلاص شو هالجراءه ؟؟!!!
فتحت الرساله وهي بالارض يالسه عسب مايطالعها اللي بالشارع ...
نص الرساله ..
(( أنزلي بسرعه لا ألم عليج كل هالعالم وبتكون فضيحتج على ايديه بســــــــرعه يلا ماباج تتأخرين
تحياتي : الفيصــل
))
روضه انرعبت من هالريال صدق وقح لا ومب جيه وبس فـ رسالته نوع من التهديد ...
روضه وبهمس : انا براويك تهدد روضه بنت احمد مدت ايدها للطاولة إلى حذالها ومسكت مذكرتها والقلم وكتبت ...
( أخر زمن انت تهددني والله حاله ولا تحلم انزل لانه هالشىء بأحلامك بس )..
ولفت الرسالة بوحدة من الحصاي إلى حذالها وفرتها تحت كانت تطالع ردت فعله باردة جدا بعد ما قرى الرساله ..!
.
بس فجأة طالعته يمسك فونه وما ثواني الا يدق فونها برقم غريب .!! روضة بصدمه :الحقير سواها ..
وظهرت شوي من عيونها وطالعته يسويلها حركه بآيده (ردي ع الفون ) بسرعه ..
(فهمت حركته لانه جان يآشر بآيده على حجرة اختها يعني ناوي على فضيحة اذا ما ردت )..
رفعت السماعه : ............... " ولاتعليـــق "
الفيصل :ما بغيتي تردي ما عليه عادي لانه شكلج عنيده ومغروره وتعشقين التحدي فوق ما اتصورت بكثير .. بس حبيت اقولج اترياج تحت وراء حديقتكم واذا ......
(ناوي يهدد)
صح نسيت ما تحبين حد يهددج بس تعرفين اذا ما نزلتي ابوج اول واحد بتوصله رمسة ما تعيبج ولا تعيبه يلا نترياج يا دلوعة ابوج ..
.
وانهـى المحـادثـه بضحكه خـبيثه ...!
.
(روضة خلاص كله ولا ابوها مستعدة تتحدى العالم بس ابوها وامها اهم ما عندها ما تروم )..
(استغفرت ربها وذكرت الادعية الي تعرفها عسب تحفظ عمرها ) ...
روضة :الحمد الله حمدة ويزوي فالصاله يعني اسهل عليه ..
(خذت عبايتها وشيلتها وحطتها بجيس وجنها نازله المطبخ )..
.
ظهرت من حجرتها ومرت على الصاله بس حمده ويزوي ما انتبهن ..
روضة :اوف الحمد الله (وظهرت من الجناح طيران على الميلس الجانبي )..وحطت الجيس بالطاولة وظهرت منها العباية والشيله ولبستها عدل ..
ظهرت من باب الجانـبي للـفله على الحديقة يلي وراء البيت ..
.
خذت نفس عميق وظهرت من باب الحديقة على الشارع يلي وراء بيتهم مب إلى جدام .....
.اول ما ظهرت طالعت الفيصل جدامها وويها فـ ويه وبسرعه رجعت خطوه لـ وراء ..
الفيصل ضحك لا اراديا: ههههههه لا وبعد تستحي ..
(احين روضة تمنت لو كانت ميته ولا انحطت بها الموقف ...
وكرهت نفسها زود ليش انها مريضه وما تقدر تغطى ويها)..
.
الفيصل :لاتصدقين عمرج وايد.... حبيت اقولج يا روضة بنت أحمد انج بتندمين ليش انج تحديتي الفيصل بن الـ ...
روضة تعمدت انها ما تظهر اي حركة يعني ما جنه استوى شئ ولا حتى قال اسمها الكامل....
بس كانت صدق مصدومه شقايل عرف اسمها الكامل فهالفترة القصيدة ..
.
الفيصل :هههههه على بالج انج بتقصين عليه؟! يعني جنج مول مب مصدومه ..!
اما عن روضة فـ لحد احين حتى ما رمست و رآسها بالارض ..
الفيصل : روضة احسن لج تنفذين إلى اقولج عليه يا ورب الكعبه ما شي يردني عن ابوج..
يتريا جواب من روضة بس روضة لاحياة لمن تنادي ..!
برود اعصابها يجتل وبقوة بعد ..!
الفيصل يطالع عليها ومقهور من برود اعصابها جنه احين ما قال شي مووووول ..!
الفيصل : ودري عنج هـ البرود..!
بس تفاجى من حركة روضة ..!
.
روضة مشت وودرته بحاله ...>>صج قويه خخ
يت بتحدر البيت بس الفيصل جان اسرع منها ومسكها من ايدها ..!
روضة توترت وبالقو بعد .. ما يعيبها اي شخص يلمس لها ايدها..
.
الفيصل يتريا روضة تلتفت بس ما شي رد كانت معطيته ظهرها وهو ماسك ايدها ..
(روضة حمدت ربها انها وراء البيت (الباب الخلفي ) لانه كله اشجار عند الشارع يعني هي احين تحت الشيرة واي شخص يمر ما يطالعها هي والفيصل لانها مب ظاهرة والاشجار مغطيتهم ) ..
الفيصل عصب وبالقو من اسلوبها البارد ... لحد احين معطيته ظهرها ..
(الفيصل سحبها من ايدها بقو وقربها من صدرة يعني ظهرها لازق فصدره وقرب حلجه فأذونها :لا تحديني اسوي شي ما ايي فـ بالج !
(روضة خلاص ميته من حركته الوقحه .. انفاسه تحس بها فـ ويها و اذونها ).. الفيصل يكمل : الظاهر انج ما بتردين عليه ..!
روضة كانت تعرف انه يبا يسمع صوتها وعسب جيه لحد احين ما ردت عليه
(العناد والتحدي بيورطها ها البنت )..
.
(الفيصل وصلت العصبيه وياه حدها ... لانها روضة مول ما تتحرك ولا ترمس ولا شيء)
فيه برود اعصاب جيه عاده .. ما اتوقع شي برود اعصاب شرات برود اعصاب روضة ..
.
سحبها من ايدها وسار حذال السيارة ..
روضة من الزيغه رفعت رآسها وقلبها تزيد دقاته تحس بقلبها بيظهر من مكانه .. الفيصل :اركبي بسرعه..
روضة تحرك عمرها تبآ تفلت من ايده .
الفيصل : يعني ما بتركبين عادي ..!
مسكها من ايدها وبـ آيده الثانيه نزل لها رآسها ويلسها بالكرسي وصك باب السيارة بالقو..
روضة خاطرها تموت فـ هالساعه خلاص دقات قلبها من الخوف كل مالها وتزيد ..
.
الفيصل ركب بسرعه سيارته وضغط على البترول ..!
كانت روضه تطالعه يمشي من الشارع للشارع بس ما فاهمه وين بـ يوديها
.
روضة منزله راسها وكاتمه خوفها عسب ما يستغل خوفها ..
حست فيه انه لف رأسه يطالع عليها ..
الفيصل :يعني ما تين غير بالقوة حلو والله عيل ..
شكلج من النوع يلي مب اي شخص يتحكم فيه بس صدقيني مب عليه بتندمين يا روضة ..!
اول ما قال اسمها حست بخوف ما تدري ليش يا ترا من المستقبل ولا هالعيشة والجحيم إلي تصارعه كل يوم بداخلها ..
الفيصل يتريا منها رد بس هالبنت تقهر بالقو مب جنه حد يرمسها ..
(يالله برودها يذبح )
وفهم الفيصل انها مستحيل ترمس بالقو فـ سكت ...!
عسى تيي منها وترمس وتريحه ..!
روضة بعد تفكير والخوف يلعب بداخلها لعب مب طبيعي :أنا ما سويت لك شيء عسب تسوى فيه جيه ..!
الفيصل من الصدمه التفت عليها بسرعه واخيرا رمست
بس روضة كانت منزله راسها ولا رفعته ..!
.
الفيصل بثقة عمياء : لانج تحديتيني وأنا متعود محد يتحداني بدال هاكي النظرة الى عينج عطتني اياها صدقيني بـ تنزل من عيونج الدموع وانا الفيصل الــ ..... .
روضة بكل هدوء الدنيا وبرودها :ما أنولد الى ينزل دمعه من عين روضة بنت أحمد ..
الفيصل خلاص صج انقهر منها هي الوحيدة الى عرفت تقهره وهي أول شخص جيه يخلي الفيصل ينقهر منه ..
الفيصل يحاول يخوفـها :هههههههه تدرين هالطريج وين اخرته ..!؟
روضة خلاص بتموت والتفتت لا اراديا تطالع على هالمينون ...
واول ما كـان بيلف يطالع عليها ردت نظرها تطالع الطريج بـصدمه ......!
روضة بخاطرها :اعرفه وين أخرت هالطريج زين ...
هذا الطريج للشركة ابويه ..
روضة جنها مول مب خيفانه وببرود يقهر :شو طلباتك (قالتها بنبرة خالية من أي خضوع للي حذالها )..
الفيصل :صدقيني ما عندي طلبات بس ابا ابوج يطالع دلوعته الصغيرة ويا منو !!
روضة تعرف انه ابوها اليوم وياه الوفد الروسـي ..!
.
بس استغربت والي حيرها هالريال شو عرفه انه ابوها فالشركة ..
روضة :بس ابويه مب فالشركة ..!
الفيصل :هههههههه تحاولين تجذبين عليه ابوج احين ويا الوفد الروسي ..!
(وطالع عليها بنظرة سخرية )..
روضة بخاطرها : اتوقعت وربي انه يعرف هالحــــــقير ..
روضة بهدواءها المعتاد وصوتها الى من يوم تخاف او تتضايج ينبح :شو طلباتك..؟!
الفيصل :تأسفي (قالها لانه يعرف انها مستحيل تتأسف ).
روضة ضحكت بهمس يعني ما تنسمع ..
الفيصل :ليش تضحكي قلت شيء يضحك .؟
.
روضة مضايجة وايد لانها ويا ريال غريب فـ قالت : أخويه الفيصل لو أنا مكان اختك او أي بنت من هلك بترضى عليها تكون مكاني بـ روحها ويا ريال غريب ..؟!
الفيصل ضحك بسخرية : اقول لا تيبين طاري هلي وخواتي بلسانج الوسخ ..
الفيصل واايد جرح روضة بهالرمسه ..
روضة ما وضحت انها منحرجه من رمسته .. روضة : لا تحلم اني اتأسف لك انا اميه وابويه ما تأسفت لهم احين اي واتأسف لك انت (يوم قالت انت تعمدت تقولها بأشمئزاز )..
الفيصل وقف حذال شركة بو سالم وطالع روضة وروضة خلاص تحس بعمرها بطيح مغمي ..
الفيصل ضحك : هههههههه اترايي احين برمس ابوج ..
.

الفيصل وقف حذال شركة بو سالم وطالع روضة وروضة خلاص تحس بعمرها بطيح مغمي ..
الفيصل ضحك : هههههههه اترايي احين برمس ابوج ..
وضة :أخويه الفيصل انا قلت لك شو طلباتك بس ابويه خله بعيد ..!
الفيصل : طلباتي ابا اشوفج ذليلة جسيره تحت ريولي ..
روضة لا اراديا قالت : تحلم ..!
الفيصل : احلم هآه أوك طالعي شو بسوي ..َ!!
فج الباب وقلب روضة تزيد دقاته وتحس ساعتها جريبه بس مستحيل تنزل بعمرها حق اي انسان ..
نزل الفيصل من السيارة وعلى البوابة يلس يرمس الحارس ثواني ما اختفى الفيصل ..
روضة : ياربي ارحمني يا ربي استر وربي مالي ذنب .
يلست روضة تدعي حق ربها وفجأة حست دمعه حارة تنزل من عينها من العذاب إلى تعيشة الكل يتمنى يطالع روضة جسيرة منذلة الكل يتمنى يطالع دموع روضة الكل يحقد على روضة الكل يستمتع بتعذيبها بس هي صابرة صبرت يوم الكل تخلى عنها حست انها بدت ترجع لماضيها الاليم بدت تتكور على نفسها من الخوف من الماضي والذكريات الي تدور فبالها ما حست غير انها تفيق من ماضيها وتطالع الفيصل يظهر من الشركة ..... ووياه ابوهاااا ..!
ابــــــــــــــــــوهاااا ..
روضة : خلاص يا روضة انسي كلمة ابويه خلاص ..!
تطالع الفيصل الضحكة شاقة حلجه وبوسالم ماسك له ايده ما تدري ليش ما تعرف تحقد على الناس الي يأذونها ..
ما ثواني ويي الفيصل ويركب السيارة وما اسرع ما اختفت منه الابتسامه ..!
روضة بهدوء تحسد عليه : شو سويت ؟؟!
الفيصل ما يرمس !!
روضة سكتت من الصدمة اكيد نفذ إلي بخاطره اكيد ..
(وليش ما تخليتي يا روضة عن غرورج وعزة نفسج تضحية لاابوج بس روضة تعتبر الموت ارحم ولا عزة نفسها تنداس) ..
ظلو بطول الطريج محد يرمس دقايق ووصل الفيصل بيت قوم روضة ..
الفيصل : انزلي ..
روضة متحطمة خلاص فـ نزلت من دون اي كلمة وبسرعة حدرت البيت ..!
اول ما وصلت للحديقة خافت تحدر الفله ..وحد يطالها بالعباية ..وكنت حذالها يلسة كراسي فسحت عبايتها وهي تطالع اذا واحد من اخوانها يي وبسرعه فسخت شيلتها وحطتهم تحت الشيرة إلي بالحديقة ..
..( عاده ما تصريفه تحت الشيرة هع ),,
حست بحركة وراء الشير ما تدري شو هـ الصوت اول ما رفعت راسها وراء الشير اذا بشخص ما توقعته ...
روضة شهقت من الزيغة وحطت ايدها على حلجها ...............................!!!!
\
/
\
/
\
فوق ويـا يزوووي وحمدوه ..
يزووي ترمس حمدوه الي كانت فاجه المسن :ايييه حمدوه فجي ايميليه لا يكون الربع حادرين ويتريووني
حمدوه تصرخ:اقول جب ابا اركز ..
يزووي بقهر:دخيلج يا ام التركيز .. منو ترمسين عسب جيه صاخه
حمدوه :حبيبي ..منو بعد ربعاتي اكيد
يزوي: انا شاكه بـ المووضوع انهن ربعاتج
حمدوه:اجلبي ويهج مب متفيجه .... قلتلج ماعرفت اركز
يزووي بـ بـرائه عسب ترحمها حمدوه وتجلب برموشها شرات الاطفال : بليييييييييييذ
حمدوه :لاتسوووي هـ الحركات ما برحمج ..
يزووي:اؤؤؤؤؤؤؤؤؤله مافيج قلب ..منو يطالع هـ العيون ومايرحمهن ..!
حمدوه :اقول بـ تنجبين ولاشوو .. الخاله وحده ..
يزوي: انا خاله يا الدغمه
(وتنش يزوي ترفس حمدوه ..وحمدوه تصرخ ..)


"يزوي طلعت فوق كرشت حمدوه "
حمدوه:انزززلي من كرشتي
يزوي:ماااابااا
فجأه صرخت حمدوه:ويـــــــــن رواضي ..؟
\
/
\
/
\

روضة من الزيغه تمت مكانها ها شو يابه هني ؟؟!!

روضة : .....

الفيصل : شكرا على الصوره وبآي ..

روضة لحد احين ما فاهمة السالفة هذا شو قصده صوره .؟؟

الفيصل اختفى مرة وحدة .. وروضة ما فاهمة شو قصده بس يوم تطالعت ع عمرها بـ بجامة النوم البرموده قصير والبودي العلاقي روضة من الزيغه صرخت : لااااااااااااااااااااا

الفيصل سمعها وهو يركب السيارة وضحك ...

روضة خلااص حست عمرها رخيصة وصورها وياه وابوها خلاص تنساه لانه اكيد الى قاله حق ابوها مب شوي ..

روضة : ياربي انا شو ذنبي ربي ارحمني وآلهمني الصبر يا رب ..

روضة بسرعه طلعت الجناح مالها أول ما حدرت من الباب الجناح حمدوه ويزوي يالسات فالصاله وبسرعه يين صوبها : وين كنتي ؟؟!

روضة :................(خلاص متحطمه ) .

حمدة : روضة وين كنتي وايد خفت عليج ساعتين مب ظاهرة ؟!!

يزوي : من قلتي لنا بسير البلكونه اختفيتي وين سرتي .؟

روضه ســــــــــاكته ..

يزوي : روضة ارمسي دخيل والديج شكلها مصيبة فوق راسج ؟؟

حمدة : يا رب استر ..بلاج ؟؟

(حمدة ويزوي وروضة جنهن تؤام كل اسرارهن ويا بعض ..حتى الكل لما يطالعهن يقولهن انتن تؤام )..

روضة بزيغه : صورتي ويآه !!!

حمدة : منو ؟؟

يزوي بزيغه : منوهااا ارمسي ..روضة ارمسي ..

روضة قالت لهن السالفه من اول ما كانت فالبلكونة لحد ما صورها في الحوي ..!

حمدة : يا ربي احين شو السوات .

روضة : وابويه اكيد اني طحت من عينه

يزوي :بس انتي مالج دخل فـ السالفة .

روضة :بس ابويه ما يدري انه مالي دخل عسب جيه بيفهم غلط ..

حمدة : والصوره ؟؟

روضة تمددت فالغنفه الي بصالتها من التعب وحطت ايدها على راسها ..

( صدق هالبنت عاشت عذاب محد شافه )..

روضة تنهدت بقو : آآآآآآآآآه والحل شو السوات ؟؟!

حمدة : نقول حق حمد ؟؟!

روضة : لا مستحيل ..

يزوي : انتي ينيتي ؟؟!

روضة : انا بتصرف ويت بس ثواني وبيي ..

حمدة ويزوي : ع وين ؟؟

روضة : انا اعرف شو بسوي بس انتن ترين هني ..

حدرت روضة حجرتها ومسكت فونها واستفغرت ربها ..

روضة : يا ربي سامحني ما قصدي وربي ارمسه بس لازم اعرف شو مصيري ..

روضة سارت صوب البلكونه ويلست حذال حافة باب البلكونه لانه الباب جان مفتوح ..

اتصلت ع اخر رقم من الاتصالات الواردة .. ودقت عليه ..

روضة تتريا ما شي رد محد رد ..

دقت مره ثانيه عقب تعب شديد رد : آلـــو ..

روضة من سمعت صوته ما تدري ليش حست بصوته الحنان نابع منه بس تصرفاته العكس تماما ..

روضة وصوتها المبحوح : اخويه الفيصل انا دقيت عسب اعرف شو طلباتك لانك اكيد عقب ما صورتنيه فخاطرك نية ...

الفيصل مب مصدق .. الصوت أنثوي...

ولا يعرف اسمي غريبه هالرقم محد يعرفه غير الشباب ...

يعني البنت من وين يابت رقمه ؟!والبنات يعتبرهن وياه وسخ دنيا ..

الفيصل سحره صوتها المبحوح إلى من تتضايج ينبح : منو أنتي ؟!

روضة : أنا روضـة .

اول ما قالت روضة حست بأشمئزاز اول مره بحياتها تقول حق واحد اسمها ..

الفيصل كان شاك انها روضة لانها البنت الوحيد اللي تحدته .

الفيصل :هآه شو عندج خير يا أم الشباب داقه بنص الليل بالله عليج فيه بنت ناس وقبايل تدق على واحد بهالوقت هآه ..؟!

(الفيصل كان متعمد جيه يقولها لانه يعتبر نفسه لحد احين واايد عطف عليها وعاملها برقة ... وبس ما يدري ليش ..!)..

إذا جيه رقه عيل شو خلى حق الدفاشه ؟؟!!خخخخخ .

روضة سوت طاف حق رمسته لانها واثقه من نفسها اكثر من اي شخص بهالعالم ..قالت عسب تقهره : من انت لاجل تحكم مقاديري كلك على بعضك ما تسوى ربع نعالي وتعمدت تضحك ..(و بندت فـ ويهه ).

روضة ما تدري ليش سوت هالحركه هي محتايه تعرف شو بيسوي : يا ربيه ياروضة ليش ما سكتي آوف .

ومن جهة الثانيه الفيصل محترق وبيموت من القهر اول مره بحياته حد جيه يرمسه متعود الاهتمام من الكل حتى البنات الي يغلط عليهن هن يتأسفن ويردن يحبنه ..وكمل تفكيره وقال : بس هالروضه غير , غير عنهن كلهن هالبنت من البدايه كانت صعبه ...

هههههه يالفيصل قالولك لا تحاول فيها بس ما رضيت صدقيني يا روضه بتندمين بتندمين وأنا الفيصل الـ .............

ردت به الذاكرة قبل تقريبا 6 ساعات ..

الفيصل : آلــــو

محمد : مرحبا طال عمرك ..!

الفيصل : محمد اباك تعرف معلومات عن بنت فـ هالبيت انا بعطيك موصفاتها وانت اتصرف عاده اوكي ..

محمد : حاظر طويل العمر ..

الفيصل : هذا عنوان البيت ومواصفاتها ...........

محمد : من عيوني بس ساعة وقت والاسم الكامل والعمر وجميع المعلومات وياك ..

الفيصل :بسرعة اترياك .

عقب ساعة اتصل محمد ..

محمد : مرحبا طويل العمر

الفيصل :مرحبا الساع هآه بشر ..

محمد : ولو في مره ما يبت لك المعلومات اسمع الشيخ البنت اسمها روضة أحمد الــ .. عمرها 18 سنه وهالبنت اصغر وحدة فالعايلة وتعتبر كل حياة ابوها ..وايد عنيده بس ومغروره ومحد يتحدها ابدا ..وياما شباب حاولو فيها بس هي تصد الكل يعني بالمختصر المفيد البنت (صعبة ) ومستحيل بيوم من الايام يتحداها شخص وتخسر دائما هي الي تفوز بالتحديات ..

الفيصل : حشى محمد من وين يبت هـ المعلومات ؟!

محمد : رييعاتها والشباب آللي حولين بيتهم ...و واايد ناس .....ولو هاي اؤامرك.

الفيصل : انزين محمد مشكور بس اسمع اي اتصالات فالشركة ما اباها تتحول عليه اوك انا مشغول ..

محمد :ان شاء الله طويل العمر ما توصي .

(الفيصل صحى من ذكرياته ) ..

وهو مقهور من هالبنت بحياته محد قهره كثر ما احين مقهور من هالبنت ..!

ييت بخاطره فكره مجرد التفكير فيها يابت له السعاده ..

طرش للروضة ........

/

\

/

\

/

\

روضة كانت ويا قوم حمدة وقالت لهن على السالفة ويوم قالت له بيت الشعر ..

صاح فون روضة معلن قدوم رسالة ..!

اول ما فجت الرسالة صرخت من الزيغة : لاااااااااا

حمدة : سواها يا ربي .

يزوي : وربي توقعت عقب هاك بيت القصيد مستحيل يسكت لج ..

روضة مب مصدقه بس يالسه تطالع على شاشه الفون ...

صورتها وهي بالحوي ببجامتها واايد واضحه حتى خصرها وشعرها وكل شيء ظاهر والقهر عارضه جسمها جنها متعمده تتصور .

يعني صدق ضبطت وياه ..

" وكاتب تحت الرساله صورتج احين بتوصل لابوج واخوج سالم فوق ما ابوج مقهور منج وكاررهج بيكرهج وبيحتقرج زيادة ..هههههه

..تحياتي الفيصل ,, "

روضة ما تعرف شو تسوي من الزيغه اتصلت عليه ..

(أول ما طالع الدلوعه يتصل بك .. ضحك من الخاطر ها الي كان يباه ..كان خاطره يسمع صوتها

وقال فـ خاطره: اتصلتي ولا ما اتصلتي يا روضه ..

الفيصل : ألــــو .

روضة بدلع رباني : ليش ؟!

الفيصل انهبل خلاص هالبنت الدلع والرقه تقطر منها ....(اول مره بحياته يسكت وما يعرف يجاوب )..

روضة : ليش هآه حرام شو سويت فيك ..

أخويه الفيصل انا مستعدة اسوي الي تباه بس أبويه لا ..

الفيصل يحاول يغرس في صوته الرعب : أوك أنا بطرش لج رسالة عقب ساعة واباج تنفذينها بالحرف الواحد ..

روضة لا اراديا قالت : لا تيلس تهدد فاهم محد يخافك ..

الفيصل ضحك هالبنت ما شي منها صدق مغروره : اوك ما بنهدد بس اذا ما نفذتي صورتج ويا ابوج ..!

روضة : ليش انت خليت شي ما قلته حق ابويه قبل ساعتين .

الفيصل يتذكر واعتفس : هآه ..هيه صح هاك ما يعتبر شيء .

روضة :بعد ما شي فتنت حق ابويه وتقول ما شيء .

الفيصل : اقول انا وايد عطيتج ويه بآي ..

روضة بسرعه ترمس عسب ما يبند : أقول ..

الفيصل ما بند العكس يستغل الفرصه عسب يسمع صوتها :...

روضة تعرف انه معجب بصوتها ولو هو بيظل من الجنس الذكري يالي ياما احتقرتهم وتعرفهم ززززين ما زين ..خبلان وينقص عليهم بسرعه : اسمع ........

الفيصل سكت عسب يسمع شو تقول :.....

( بس انصدم انها بندت بويه ... فهم شو تقصد بأسمع قصدها اسمع الصفارة )..

الفيصل لا اراديا ضحك : هههههه كل ها عسب ما انا اابند ... لازم هي تبند وحتى هاي فيها اهانه بالنسبة لج يا روضة ...

...

ويـا رواضي ..

روضة تسمع تحت مزاعج ومباغم بس ما تعرف شو هآ ..؟!

(لما نزلت شوي من الدري جان تطالع منصور ومحمد وحمد يالسين فالصاله الجانبية ..ضحكت عليهم ..بس لاحظت هدوء محمد ..!

روضة ردت حق جناحها وقالت ليزوي وحمده عن قوم محمد بس البنات قالن ما بينزلن ..

روضة لبست فوق بجامتها جلابية ( ما شي منها هالبنت ) وحطت جيه بس شيلتها فوق راسها عسب لحد أحين ما تعودت على منصور يطالعها بدون شيله ....

يعني بالتدريج شوي شوي ..

( منصور اخو روضه بـ الرضاعه وعقب بـ تعرفون الباجي)


(حاولت تغير من نفسيتها عسب محد يلاحظ التـغير الي طرى عليها فجأه)


روضة وهي تحدر الصالة وتصرخ: شو تــــسون !

حمد ومنصور من الزيغه طارو فوق وردو ..

حمد : حشى جيه حادره جنج ينيه ..

منصور : صدق تقهر هالبنت ..!

روضة : هههههه صدقوني لو ما كنتوا تسون شي جان ما زغتوا احين اعترفوا شو كنتوا تسون يلا ...؟!

منصور : اجلبي ويهج ..

روضة : يا مسود الويه اجلب ويهي معليه ...

(روضة لاحظت هدوء محمد عسب جيه سارت يلست حذاله ولزقت فيه يعني جتفها بجتفه )..

روضة تهمس : حمودي بلاك ؟؟!

محمد : ولا شي ..!!

روضة : حمود ما عليه.. بلاك جيه اكيد فيك شيء ..!؟

محمد :عقب بقولج ..

حمد : هيييه شو وياكم تتساسرون هآه ..

روضة : انت جب احترم الى اكبر منك ..

حمد :احين انتي اكبر يعني ..؟

روضة : هييه طبعا بالعمر وبعد بالعقل طالعت عاده ..!

منصور : حمودي هزلت قوم راواها هاك اللعب الغاوي ..(قصده قوم اضربها )..

حمد : والله جيه الظاهر بقوم آلاعبها شوي ...

روضة : منصور يرحم لي والديك أخرس ..

أول ما قلت اخرس الكل ضحك عليها حتى محمد إالي ماله مزاج ..

حمد : نصوري هزلت قوم لاعبها ..

روضة : حمد يرحم لي والديك انجب ولا اييك الطراق ..

( محمد لا تعليق ساكت )

روضة : طالعوا ( تأشر على محمد ) على الرزانه والثقل والمريلة مب اليهال

( تأشر عليهم )إلي شراتكم ..

حمد ومنصور خلاص وصلت حدها وياهم نشو يسدحو روضة بالارض واحد يهدد واحد يضرب .. روضة ميته من الضحك : ههههههههه خلاص ودروني هههههه وآي بطني منصور يالخايس وخر ما اروم اتنفس .. روضة بدت تكح وتضحك : كح كح هههههههه كح كح كح ..

حمد بزيغه : منصور يالثور بتجتل البنت ما تروم تتنفس ..

منصور: تتدلع ودرها الظاهر قصت عليك يالثور

حمد : ايــــــــــــــه وخر عنها عندها ضيق تنفس

( أول ما قال حمد جيه منصور بسرعه خاز عنها )..

منصور : قول من ساعه جيه عنلاتك لو جتلتها شو بيسوي فيه بوسلوم بيذبحني ..

حمد : يالحمار ها آبويه شقايل تقوله جدامي بوسلوم ياخي حشم احترم (ويغمزله )قولها من ورايه مب جدامي ..

هني روضة انفجرت ضحك : هههههههههه يالحقير كله ولا ابويه وخر بس وخر

( يحليها بعدها مسدوحه ).

وجان يحدر بوسالم البيت ..

اول ما حدر قلب روضة بدا دقاته تسرع تطالع نظراته كانت مركزه عليها وجان تسمع بوسالم يصرخ ويــقول : ........ روضــــــــــــــــــــــة...

البــــارت الرابع ...
ومن اطوول البارتات فـ الروايه كامل ...
اول ما حدر قلب روضة بدا دقاته تسرع تطالع نظراته كانت مركزه عليها وجان تسمع بوسالم يصرخ ويــقول : ........ روضــــــــــــــــــــة...
روضه حست بـ خوف عمرها ماحست فيه ..صرخت ابوها جتلتها من الخوووف ..
بس انصدمت من الي سمعته معقووول انا فـ علم لا لا لا ....
بو سالم يكمل وبسرعه وبخوف حقيقي: بلاج غلايه الانيميا يتج ..عندج ضيق تنفس ؟
(روضة بخاطرها : ابويه ما معصب عليه بس اكيد خاف عليه لانه بالاخير انا بنته )..
بوسالم : غناتيه فيج شي..!
حمد : ابويه روضة ما فيها شيء بس انا ومنصور كنا شوي نلاعبها
(ويرفسها بريله ) مب جيه ..!
روضة : آآآآآي عورتني ..
بوسالم : حمد اختك مريضة جيه تضربها .
حمد : ما فيها شي شرات الحصان ..
بوسالم :قول ما شاء الله ويلا عن طولة اللسان ..
روضة بخاطرها ابويه ما زعلان عليه معقول .. معقول الفيصل كان بس يجذب عليه وما قاله ,,,,,
عسب جيه يوم قلتله انت فتنت حق ابويه اعتفس بس كان ها مجرد تخويف ..
روضة من الفرحه نقزت على حضن ابوها :باباتي ..
بوسالم : هههههههه
حمد : تاتاتا بديبا الافلام الهنديه .. ( وحرك راسه ) .
بوسالم : تو الناس يا بنيتيه .. وينج من ساعة ..!!؟
روضة : سرحانة فـ أحلى أبو بهالدنيا هو ابويه ..!
منصور يهمس : صوبنا ..
حمد : لاوالله صوبنا ما شي نحن حقنا .. ولا نحن ولاد عبود الاسود ..
منصور ما ارم يمسك عمره انفجر مره وحده :ههههههههههههههه
بوسالم : والله حاس انه حمد قال شي هالولد متى بيعقل ما ادري .؟!
بوسالم توه ينتبه حق محمد ..!
بوسالم : ولدي محمد ..؟
محمد توه بس يصحى من عالم الذكريات :ابويه انت هنيه ؟!!
منصور وحمد : تو الناس ..
روضة : ههههههههه .
بوسالم يلس وياهم شوي وعقب سار جناحه ..
وروضة سارت واول ما حدرت حمدة ويزوي كانً يطالعن فلم هندي
..ويلست وياهن
.
.
الساعه 4 الفير
وتقريبا محد راقد فـ البيت غير بو سالم وام سالم وشما والبشاكير ..
\
/
\
/
\
/
\
فجهة ثانيه شخص ما غفت عيونه يفكر فشخص ملك له كل ذرة فكيانه بس للاسف كان شرات عابر السبيل ..
محمد :آه خساره وقتا اقضيته معاج ؟؟...!!
محمد كان يطالع المسجات الجديمه في فونه ..
مسجات كان يعتبرها روحه وقلبه بس لاسف صاحبة هالمسجات خوانه ..
بدت ترد ذاكره محمد للورا ء قبل 12 ساعة ..
احبك واعشقك واهواءك وابقالك على ذكراك >>>((الروح )) يتصل بك .....
محمد بلهفة : مرحبا الملايين ولا يسدن فذمتيه ..مرحبا مرحبا ..
......... : محمد ..!
محمد بصدق : عيونه .. حياته .. روحه .. عمره .. آمري ..تدللي ..
الهنوف : محمد خلاص اباك تنسى رقمي وتنسي شخص كان اسمه الهنوف ..!
محمد مب مستوعب :الهنوف غلايه شو تقولين اكيد ها واحد من مقالبج مب جيه ..! قولي الصدق الهنوف فديت روحج انا اعشقج شقايل تبيني اودرج هآه لا مستحيل ما اروم .. اصلا الفكرة تخوفني مستحيل ..مستحـــــــــــــيل ..!
الهنوف : قلت لك انساني .. خلاااص انا مب لك تفهم شو يعني مب لك ..
محمد : الهنوف حــــرام عليج شو هالرمسه وحبي لج وين سار ..؟!!
الهنوف بكل قوة ودون احساس : اصلا ما كان شيء حب عسب انساه ..
محمد بصدمه : هآه شوا تقولين ..!
الهنوف : انا بحياتي ما حبيتك شقايل احين تيي وتقول نسيتيني
محمد : حسافة حبا اعطيتج اياه بس احين عرفت ليش كنتي تحبيني
( و فجأه ضحك )
اصلا انتي ما تحبيني ابدا ادعيتي حبج يالخاينه .. حبيتيني عسب بيزاتي ولمكانه ابويه فالدوله بس ..
هههههههه انا الغبي الي صدقتج لكن ما أقول غير الله يسامحج ..
صدقيني الله فوق الله فوق ..الله العالي بيتقم منج
(وبند بسرعة لانه كان صج متحطم )
نزل راسه ودموعه خانته خلاااص ما عاده يتحمل اكثر من جيه صح هو ريال بس حتى الريال يحس ويتعب ..
.
محمد يرد الى الواقع المر ويصحى من ذكرياته الاليمة ..
محمد :آه يالهنوف اخرت حبي لج سراب
"يا حسافة لكن ما أقول غير حسبي الله ع بليسج يالحقيرة " ..
( محمد اول مره بحياته جيه يظهر بها التحطيم محمد القوي المغرور الي كل البنات يتبعنه مب هو جيه يستوي فيه ..
ضحك : أنا السبب أنا يلي سببت لعمري جيه ..
قالولك يا محمد ودر هالسوالف ما رضيت بس انا ما كنت احبها فجأة فجأة مادري حسيت لاول مرة قلبي يدق .. بس دق حق منو حق الهنوف الغدارة
.. (يت بخاطره اغنية ناصر المنصوري )..
الله يسامح يوم في حقي اخطيت
ولا انا ما اسامح الدهر كله
ما اسامح يوم انته عني تغليت
وعذبتني سنتين من دون زله
خلني بزيدك يالغلا من الشعر بيت
حلفت منسى لين دمعك تهله
تقول سامحني وانا اقول يا ليت
مع السلامه روح مرضى المذله
غلطة زماني يوم طعتك وحبيت
وصارت حياتي دون شوفك ممله
اخلصت لك حبي وشوقي وداريت
وصدقت قلبي فيك اللهيشله
انسيتني ولا انت يعني تناسيت
معقول يرجع كل شي بمحله
حذ ذكرياتك بس من الحب مليت
الحفظ لك واللي تغليه غله
استسلم للواقع المر وغفت عيونه وهي تذرف دموع جرح اندمى وسط يوفه ..
\
/
\
/
\
/
\
اليوم آلثـاني ..
الساعه 8:12 ص
بيت بو رآشد ..
.
الساعة 8 الصبح ...
.
سيف يرمس امه : امايا وين اليازية ..!؟
ام راشد :والله يا وليدي ويا روضة بنت أحمد تدري وايد يحبن بعضهن جنهن تؤام ما يومن يودرن بعض الله يحفظهن ويدوم هالمحبه ..
سيف : آميـــــن ..بس والله مشتاقلها واايد من زمان ما شفتها ..
أم راشد :ان شاء الله احين بتي ..
سيف يدق ع حمد بس ما يرد (لازم راقد 4 الفير )..
سيف : ههههههه الريال راقد ..
ام راشد : منو...؟!
سيف : حمد بن آحمد ..
ام راشد : يا هالريال من زمان ما شفته ومول ما يسلم ولا يقول بيي بيت خالتيه ..!
سيف : ان شاء الله بيي اليوم ..
( عبدالباسط يحدر عليهم ...ام راشد وسيف يالسين بالحديقه ...)..
عبدالباسط :السلام عليكم ..
ام راشد :وعليكم السلام هلا والله مرحبــا الساع
اقرب فديتك اقرب ...
عبدالباسط :شحالج خالتيه ..(مجرد احترام )..
ام راشد :الحمدالله فديتك بخير وسهاله من يداك ..؟!
عبدالباسط:حالج مديم ..يسرج حاليه ..
ام راشد :الا وين امك ترا باجر السيرة ..
عبدالباسط :وين ..!
ام راشد :ويديه بنسير المزرعه .
عبدالباسط :ههههههه هيه المزرعه ..
ام راشد : تو الناس يا بوك ..
عبدالباسط :سيف شحالك ..!
سيف : تو الناس يالتيس ..؟!
عبدالباسط : أنا التيس ..؟!
سيف : لا الى وراك ..ههههه
عبدالباسط : محد ورايه ههههههه ..
سيف : الله ينطبك غبي ..
عبدالباسط : صح بتسير المزرعه ..؟!
سيف : أكـــــيد بسير ..
عبدالباسط : عيل وين حمود ومحمد ومنصور والشلة الفاسدة ..!؟
سيف :راقدين كلهم ..
عبدالباسط : عيل يلا نسير بيتهم ننششهم شوي ههههه ..
سيف : يـــــلا ..
ام راشد كانت سايرة تيب حق عبدالباسط كابتشينو ..
سيف : آمايه ما يبا قوم قوم ..
عبدالباسط بلقافه :منو قالك .. لاتحكم بروحك ..فديت روحج خالوتي عطيني ابا ..
سيف : زطي..
عبدالباسط : محد غيرك ..
.
عبدالباسط يالس يرشف من الكابتشينو ,
وجان يسمع سيف يقول : هيه يالس يشرب كابتشينو من بيتنا هيه هيه خلصه ..
عبدالباسط : يالزطي ..
سيف يكمل : هيه جنه ما شي فبيتهم ماي ونسكافيه ياي بيتنا يخلص مالنا ..
( عبدالباسط غص لانه مره يضحك ومره يرشف من القلاس ..)..
سيف : ههههههه تستاهل ..
عبدالباسط : حشى اول مره بحياتي اطالع جيه زطي شراتك ..
سيف : خلص بسرعه منسير بنت عميه احمد ..
...عبدالباسط يحليله حط القلاس وهو بعده متروس وقال :يلا ما شربنا شي من بيتكم يالزطي.
سيف : يلا سرينا ..
عبدالباسط : يلا ..( وساروا بيت قوم حمد )..
(اول ما حدرو جان يطالعون روضة يالسة فـ وحده من يلسات الحديقه)..
عبدالباسط +سيف : السلام عليكم ورحمة الله وبركاته ..
روضة حطت لابها فالطاوله ونشت بسرعه : وعليكم السلام والرحمه ..يا مرحبا الساع من وين ظاهره الشمس سيف وعبدالباسط ويانا ..؟!
سيف : احم اعرف اني مهم ..
عبدالباسط : لا تصدق عمرك ..؟!
سيف : ..أنت جب .
عبدالباسط : روضة وين حمد ومنصور ومحمد ..؟؟!
روضة : راقدين ..
عبدالباسط : ههههههه صدقت سيفوه راقدين ..
روضة : اوك يلسوا واحين بسير اصحيهم ..
سيف : هيه سيري ..
عبدالباسط يطالع ع سيف وقال : لو سمحتي ..
سيف : من وين نزلك عليك الادب ..
روضة سارت تصحى الشله الفاسده ..؟!
(سيف وعبدالباسط يلسو فالكراسي )..
سيف جرب من لابها يطالع شو كانت تسوي قبل لا ييو ..؟!!
عبدالباسط : ايــــــــــــــه عيب ..
سيف : ههههههه وربي توقعت ..
عبدالباسط : شــوو ..؟!
سيف : احين تقول عيب ..
عبدالباسط : هههههههه شوا سوي فيك ..هالريال بيخبل فيه ..
سيف : كانت يالسه تصنع تورقينات ..
عبدالباسط : حسبي الله على بليسها..
سيف: هيه سمعت محد يتحدى روضة فالكمبيوترات ..والله يا روضه وظهرتي قو ...
ييت روضه من داخل : احين بيون ..
سيف : روضة مسويه تورقنات يديده ..
روضة ضحكت :ههههههههههه وايد ..
سيف : افا عليج أنا اخوج ..آمم عطيني ..
روضة : أفا عليك تم والله واصلاتنك ..
سيف: هيه هااي الناس الي تعرف ترمس مب شرات حد من الناس ..ويطالع عبدالباسط بنص عين ..
عبدالباسط: صح روضة زهبتـي عمرج حق السيره باجر ..
روضة : وين ؟؟
سيف وعبدالباسط : ههههههههههه ما تعرف ..
روضة بسوالف : بلا عباطه اي سيره والله ما اعرف ..؟!
عبدالباسط : نحن ما نعرف شقايل روضة دلوعة ابوها ما تعرف
(روضة أول ما قال جيه سار تفكيرها فــ الفيصل ) ..
روضة بخاطرها : ما من شيء ما بعرف وانا ورايه هاللزقه الفيصل الي ما يتسمى ..
روضة : انزين وين بنسير ومنو بيسر ومتى بنسير ؟؟
سيف : حشى حشى اي سؤال تبينا نجاوبج ؟؟!
روضه : كلهم ..
سيف : طالعي بنسير المزرعة العوده مال العايلة مم مال ابوج بالاصح يعني ..
روضة : لااااه من صدقك ..؟
سيف : هيه عيل اجذب عليج ..؟!
عبدالباسط يكمل : وكلنا بنسير يعني البيوت الثلاثه ..
سيف : وان شاء الله باجر السيرة..
روضة : الله والله وناسه من زمان ما سرناها احين جم سنه ..4 سنوات ..
سيف :نحن كل سنه نسير بس انتي انقطعتي كل هالسنين ما تسيرين ويانا .. ماندري بلاج ..ولا عقب جم يوم تفاجئنا بخبر سفرتج المفاجاة ..
روضة تتذكر وترجع ذاكرتها لواء آيام سفرتها المفأجاة قبل 4 سنوات وتضايجت بالقو بس ما بينت هالشي روضة تتصنع الضحكه : هههههه حشى الشلة الفاسدة بعدها ما وصلت
(وفجأة يظهرون قوم محمد )..
.
روضة : عيل انا اترخص ..
عبدالباسط +سيف : الرب لج حافظ ..
( روضة سارت جناحها وبسرعه اول ما حدرت سارت لحجرتها ارتمت على الشبرية تتذكر قبل 4 سنوات تتذكر الخيانه الي انكتبت لها من صغرها سجين الغدر إلى نغرست وسط يوفها النار إلي ياما حرقت لها صدرها ..)
روضة : طول عمريه عشت اخفي همي بيوفي بس لحد متى انا واايد تعبانه احس عمريه خلاص انتهيت الكل ضدي وذكريات الماضي تنعاد احين جدامي ... آه يا ربي ارحمني ما قدرت انسى ما قدرت يا ربي ارحمني
( كانت تحس صدرها ثجيل بالقو .. بس كان ثقيل من الهم والتعب والجروح إلي ياما دفـنتها وسط يوفها ..!!
روضة تحاول تنسى ماضيها المر إلي عاشته طول هالسنين بس غصب عليها الزمن يعيد نفسه بنفسه والزمن ينعاد جدامها وجنه الزمن يتريا منها فرصه عسب ترجع تعاني من يديد ..
روضة كانت هالذكريات تدور برأسها وتتذكر طاري 4 سنوات الماضية يا ترا شو سر هالسنوات الماضية ..
( بنعرفه ولا بيتم هالغموض حولين روضة كالحلقة السوداء ؟؟!

روضة صحت من بعد ذكرياتها البائسة على صوت الفون ..


هــاك عمري خذ منه وتوح عذب فؤادي جان ترتاح << حمدوه يتصل بــك ..


روضة بصوتها المبحوح: آلـــــــووو


حمدوه بزيغة : ويديه راقدة وما تعرفين شو استوى ..؟!


.


(روضه بـخاطرها :مب راقده لكن الهم لعب فـيه لعب ... )


.


روضة بزيغة : لا دخيل والديج شو بعد استوى وانا ما أعرف ؟؟!!


حمدوه : ههههههه لا تخافين طالعي .. باجر بنسير المزرعه ولا أول مرة انتي بتكوني موجوده ويانا من عقب كل هالغيبه ..


روضة بخاطرها : الكل يذكرني يتحروني .. بنسى ما يدرون انه الالم عنواني .. ..


روضه تحاولي تخفي صوتها المبحوح الي يبين انها مضايجه : انزين ..


حمده : شوا نزين اقولج طالعي انا احين بسير الجمعية عسب اييب مأونة حق الرحـله خخخ.


روضة : أوك حتى انا بسير ..


حمده : يعني امر لج ..


روضة : لا عادي عقب بسير


حمده : أوك انا احين مرمسه يزوي ... ويزوي بتسير ويا أخوها سيف ..


(روضة متضايجه وما رايمه ترمس .. بس ما تبا تكسر بخاطر حمده وتقولها مب متفيجه لج أحين )


روضة : اهاا أوك عيل ..أشوفج على خير


حمده : أن شاء الله يــلا مع السلامه ..


روضة : الله يسلمج .. مع السلامه ..


بندت روضة عن حمده وردة راسها ع الوسادة ..


روضة : يا ربي تعبت خــلاص لحد متى وانا بتم جيه الكل يتعمد ييب طاري السنوات الماضية ..


.


تزلت روضة تحت وطالعت عواش يالسه بروحها : عواش يالتيس وين هالغيبه من يومين مآ شفتج وربي لج وحشه ..


.


عواش نشت تسلم على روضة : هلا والله تو ما نورة الصالة ..


روضة : حشى من زمان ما شفتج وينج مول ما تردين البيت ..؟؟!


عواش : وربي مشغوله ربيعتيه من درت انيه فالعين حلفت عليه اتم وياها وعاده ما حبيت اكسر لها خاطرها ويلست وياها ..


روضة : يحليلي انا اقول وين عواش واميه تقول لي ويا أم الريم .أحم يعني خالوه ام الريم ..


عواش: هيه ترا خالوه سلامه يوم طالعت اميه يلست تصيح وسوت مناحه وحلفت على أميه انها تم وياها هاليومين وعاده اميه تمت وانا تميت ويا ربيعتيه ..


روضة : أهــأ ..حلو حلو ..


عواش : ههههههه الا قولي لي خاطريه أعرف انتي وايد متغيره من سرت عنج هاليومين ..


روضة : شقايل يعني ..؟!


عواش : احسبج تعبانه وماادري شو والله بالضبط ..؟!!!


روضة فخاطرها ..حشى ظاهر عليه التعب والضيج ... روضة بضحكه : هههههه بسم الله عليه من التعب حشى يالسه تفاول عليه هههههه..


عواش بتصديق : والله كنت اتحرى بس ..


روضة : اوووو صح .!!


عواش : بلاج ؟؟


روضة : طالعي باجر بنسير المزرعه وقوم حمدوه تقول لازم نييب مآونه للرحله تدرين لا يدق بهن اليوع عااد كله ولا اليوع وياهن ..


عواش : ههههههه حسبي الله ع ابليسج ..


روضة : وربي.


روضة : أوكي انا احين بدق على دريوليتي وبقولها تزهب السيارة عسب نسير يلا ..


عواش اوك بقول حق اميه ..


روضة : يـــلا فديتها خالوه اشتقت لها ..


عواش : جـــآو ..


روضة ترمس بالـفرنسي :Prenez votre commodité (خذي راحتج )..


ضحكت عواش على روضة جنها بدت ترجع للغتـها الفرنسية ..


خلوني اعرفكم شووي ع عواش : عواش بنت خاله رواضي ويزوي .. لانه رواضي ويزوي بنات خاله وبنات عم فـ تفس الوقت ..~


مم مواصفات عائشه :.. عواش شوي قصيره .. وابيضانيه وملامحها جدا عاديه .. عكس اخوها منصور الي يفوقها بـ الجمال ..~


عمرها :18 سنه .



لبست روضة عبايتها و زادت على جحلتها شوي وحطت النظارة بأيدها ودخلت البوك فالجنطة وجمن ليب سيتك ومن هالاشياء فالجنطة ..كانت الجنطة لونها ابيض ساده من قوتشي .. حطتها على ايدها ويلست تعدل من شيلتها الي كانت من الجانب مطرزه بـ الكرستالات الخفيفه .. ~


تأكدت انها 100 %وراضيه من شكلها وعقب نزلت ..


( ترا روضة صدق مريضه بشيء اسمه كشخه يعني مستحيل تظهر وهي مب متأكدة انها 100% كشوخيه ) ..


اول ما نزلت طالعت على الصالة الجانبيه محد سارت صوب الصاله الفرنسيه هم محد قالت اكيد كلهم برع ..


اول ما ظهرت لبست نظارته Ray Banالكلاسيكيه ..


و صرخت اول ماشافت خالتها : خالوه اشتقت لج ..


نشت خالت روضة وسلمت عليها روضة : حشى وينج كله هالمده ما تقولين عندج بيت اختج ما تبينا خلاص عفتينا يعني ..!


ام الريم : حرام عليج وربي مشغوله هاليومين ..


روضة : برايج سامحناج ..


ام سالم : وابويه على مسودة الويه طاع هاي أونه سامحناج ..


ام الريم : برايها يعلني افداها ..


ام سالم : الا رواضي وين سايره ؟؟!


روضة : صح أمايه انا بسير الجمعيه ..


ام سالم : وتوج تقولين لا آفا عليج يوم تردين قولي لي ..


هني روضة خــــلاص انفجرت من الضحك : هههههههههههههه


ام سالم : يالله بستر هالبنت ما دري بلاها من تضحك ما تسكت مول كان ما اوديها عند الدختر يطالعون بلاها..


روضة تضحك : ههههههههه اميه خلي عنج هالرمسه ويلا أنا بسير ..حبت راس امها وخالتها وظهرت هي و عواش ..


روضة : ههههههه وابويه هههههه ..


عواش : حشى بس اسكتي ..يا بوج صدقت خالوه لازم نوديج الدختر ..


روضة : هههههههه دخيل والديج يالعيوز جب هههههههههههه ..


الدريوليه (تينا ) : MISS روضة وين يريد يسير ..؟!


روضة : الجمعيه ..ههههههه ..


الدريوليه (تينا ) : اوك ..


عواش : رويض بس صدعت من هالضحك حشى ..


روضة : هههه ( ما رايمه ترمس من الضحك وحطت ايدها على حلجها ) هههه رويض بعينج يالسلندر اسمي روضة يالتيس ..


عواش : جب انتي جب ..


روضة : كح كح جب يحبج حمار يبوسج ليلة عرسج كح كح ..


عواش : ما بغيتي تسكتين ..


وصلن البنات الجمعيه ومسكت لها روضة سله من العودات عسب تخلص الجمعية ما شاء الله خخخ ..


روضة : تعالي اول بسير اخذ بسكت وجيه ..!


عواش : يلا يا بوج وانا حق شو ياية ما دري ..؟!


روضة وهي تختار أنواع البسكت : عسب تساعدين عمتج الشيخة ..


عواش : تخسين يالتيس ..


روضة حولت نظرها بسرعه على عواش وعواش ارتعبت من هالحركه ..


وقالت :روضة وربي ما قصدت لا تزعلين ..


روضة : هههههه يالتيس حقوق النشر محفوظة وهاي كلمتيه لا تقولينها مره ثانية ..وبس ..هههههههه ..


عواش : اوف يا ربي ع بالي زعلتي ..!!


روضة بصدق : حبيبتي انا يوم اصعب المواقف واكثر الناس حقدت عليه ما زعلت منهم ... احين ازعل منج انتي ... مستحيل وربي مستحيل ..


عواش : يعلني فدى هالقلب العود يا ربيه ...فديت طيبتج والله ..


( روضة ابتسمت بألم بس عواش ما لاحظت الالم إلي نرسم فأبتسامة روضة لانها روضة صدق تعاني بداخلها ومحد يدري )..


( اختارت روضة من كل شيء وتقريبا نقدر نقول حولت كل الجمعيه وهي حذال العصاير وجيه جان تسمع واحد يالس يرمس بس مب مفهوم شو يقول .. طبعا روضة من عادتها التطنيش لانها كل حياتها تطنيش وبالاخص حق الشباب ) ..


........ : الشيخه ممكن الرقم ..


روضة مسويتله أكبر طااف ويالسه تختار هي وعواش موكا ومن هالشيات ..


........ : يعلني فدى هالدلع كله يابوج بس نظره تكفيني بس ..


( عواش جنها تعرف هالصوت بس ما عطته اهتمام ).


روضة بهمس : تصدقين جني أعرف صاحب هالصوت بس يحلم انه ارفع راسي ..


عواش : وانا والله جني اعرفه بس سكت وما رمست ..


(روضة لفت عيونها ع الارض وطالعت الصندل ..


روضة سكتت لا نها مـــــا عرفت راعي هالصندل ..)


بس فجأة قالت : اقول يالتيس ما تبا طراق احسن من الرقم ..


(عواش تفأجات !!روضة ترد على شاب لا ما أصدق )..


<< حتى نفسي متفأجاه معقول روضة ترمس واحد مني والدرب وهي ما تعرفه اول مره بحياتها تسويها ..روضة معروفه تعتبر الشباب مب من مستواها واحين ترد على واحد مغازلجي ..!!؟


\


/


\


/


\


/


\


بيت بو راشد ..


ويـا اليازيه ..~


اليازيه من الساعه 7 راده البيت واول ما وصلت سارت ترقد لانها كانت مواصلة يعني ما راقدة لحد أحين ..


على حدود الساعه 9 نشت يزوي من الرقاد ..


خذت لها شارو سريع لبست لها مخورة فخمة ولونها على الابيض وعليها زخرفات فوشيه ولبست عليها شيله صلاه صغيره سـاده لونها فوشيا..


حطت لها جحلة خفيفة وقلوس من ديور لونه مائل على البنك


وبلاشر من Dolce & Gabbana لونه على البنك الفاتح شوي ..


تأكدت من شكلها وعقب ظهرت شوي من يذلتها ( قصتها ) الي كان لونها اسود غامج...


نزلت من جناحها وسارت تطالع اذ احد فـ الصالة العودة طبعا محد عقب نزلت من الدري اول ما نزلت من الدري سارت تدور من كل الصالات المختلفة والي تقريبا عددهم يوصل 4 صالات ..


سارت حذال المطبخ وزقرت البشاكير محد يرد ..؟!!!


يزوي : حشى شو مستوي فالبيت اخلااااااااء وانا ما ادري ..!!!؟


يزوي استبعدت فكرة كون واحد من اخوانها فالبيت لانه متعوده راشد وحرمته فـ بيتهم الي حذال بيت بو راشد ...


واخوانها كلهم يظهرون من الفير أونه اشغال ..


يزوي : لا حـول محد فالبيت اكيد اميه فبيت قوم حمدوه ..دقت يزوي على امها ..


ام راشد : آلــــو ..


يزوي : هلا آمايه ..


ام راشد : هلا بج زوود غلايه ...ويديه تو الناس توج ناشه .>>تتطنز.


يزوي تحرك راسها : آمايا الشيمه اتصلت عليج عسب تحددين موقعج << اموت أنا على العربية الفصحى ..


ام راشد : يا بوج أنا احين ويا ام عبدالباسط وام سالم وام الريم ما شاء الله كلنا متيمعين الله يدومها ..


يزوي بغباء : وأنـــــا ..


ام راشد : تعالي ويانا بس روضة مب هني ..؟!


يزوي : هيه أعرف قالت لي حمدوه ..


ام راشد : يلا الحريم يتريني مع السلامه ..


يزوي : مع السلامه يا بوج ..


سارت يزوي حذال الجامه تعدل شيلتها ودخلت يذلتها ( قصتها ) لانها بتظهر فالشارع ..


ظهرت يزوي من البيت ويالسه تطالع فونها ..!!: حشى محد يفيسني آه فديتني ..


( وصلت بيت بو عبدالباسط واول ما كانت بـتحدر وجان تطالع محمد يالس حذال الباب بس شارد ومب فالدنيا شكلة ..)


يزوي بخاطرها : شقايل احين احدر يوم هو يالس ع الباب ارمس ولا لا ؟؟! اووف وشكلي جيه غلط ..


محمد توه بس ينش من ذكرياته ..واول ما طالع يزوي ابتسم ..


محمد : مرحبا الساع ..شحالج اليازيه ؟؟


اليازيه بتموت من الفشيلة : مديمه بخير وسهاله ومن صوبك ..؟؟


محمد : حالج مديم ... يسرج حاليه ..


اليازيه نزلت رأسها فالارض يعني يالذكي افهم ابا احدر


بس محمد مطول ومول مب فـ الدنيا ..


(ويالس يطالع يزوي ما ينلام الريال يحليله خخخ )..


اليازيه : احم ممكن احدر ..؟!


محمد : هـاااه هيه السموحه الشيخة تفضلي ..


( ويلس يطالع عليها وهي تمشي ) ..


محمد : ما شاء الله عليها صدق انها دلوعة ربي يحفظها ..


( حدرت يزوي البيت وطالعت فالحديقة كل الحريم يالسات سارت وسلمت عليهن وعقب يلست ويا حمده ..

\
/
\
/
\
/
\
ويـا رواضي عواش والمغازلجـي فالجمعيه ...
.
.......... : حلات الطراق من ايدج الناعمة ..
عواش خلاص ما تروم تصبر اكثر من جيه رفعت رأسها وروضة رفعت راسها ..
روضة بعصبيه : رقمي هــــــا ..(وداسته على ريله بأخر قوتها )..
عواش : هههههههه
منصور : يالحيوانه اي عورتيني ..
عواش : وانا اقول مستحيل روضة بتي وبترمس واحد مني والدرب
مستحيل ما تسويها ..
روضة : اقولج اول ما سمعت الصوت شكيت فـ الموضوع بس من طالعت الصندل والصبوع عرفت انه ها مسود الويه ..
منصور يتمصخر : هيه وانتي ليش جيه كاشفة على ويهج انا اغير عليج خطـبـتنا عقب اسبوع ..
عواش : استغفر الله يالحيوان استغفر الله ..
(روضة تضايجت وبالقو بعد .. بس ما وضحت هالشيء وهي من طبايعها انها ما تظهر الي بخاطرها يعني كتومة ..سارت عنهم وودرتهم بحالهم أونها سارت تختار ..)
عواش : انت شقايل تيب طاري الغشوة يعني ما تعرف انه روضة ما تروم تتغشى ..
منصور : لا ما أعرف ..؟!
عواش : واحين عرفت روضة عندها ضيق فـالتنفس يعني ما تروم تلبس غشوة واكيد احين تضايجت بس ما تقول أعرفها ..كتومة وما تبا ضايج بأي شخص ..
منصزر متلوم : انزين ما قصدي ..وربي ما قصدي ..
عواش : روضة قلبها عود وابيض احين بتنسى ويلا احين عسب ما نودرها بروحها ..
وصلوا قوم منصور ويا روضة بس ما كانت بروحها يالسه حذال واحد
بس هالشاب معطنهم ظهره يعني مب ظاهر منو هـالريال ..
عواش : وايديه.. منو ها ..؟؟
منصور : ههههههههههه
عواش : تضحك وواحد حذال اختك ..
منصور بعياره: روضة مسودة الويه عيني عينك ترقمين ..
روضة : كيفي حبيبي ..
عواش بصــــــــــــــــــــــــــــدمه لحد أحين ..
جربو من روضة وهالريال ..؟!!!!!!!!
عواش : روضة ..
روضة : ههههههه ( وحطت ايدها على ايد هاك الشاب ) .
عواش ييت بتسحب روضة من القهر بس انصرعت يوم طالعت منو هـا لريال ..
منصور يالس يطالع بس ومحطي ايده على ويه اونه يطالع فلم ..
عواش : حــــــــــمد ..
حمد وروضة : ههههههههههههه.
روضة : جكين فيه عواش ؟؟!
عواش : لا والله فديتج بس خفت عليج واايد ..
عواش تكمل بقهر : وانا اقول بلاه منصور جيه بارد ..؟؟!!!فالاخير يظهر حمد .
حمد : ههههه ترا انا وهو ياين ويا بعض ..
عقب سارت روضة تحاسب وعقب كل واحد ركب موتره وردوا البيت ..
( مر اليوم بسرعة ... وع حدود الساعة 9 فالليل ..)
محمد يالس فالصالة هو وروضة وحمد ومنصور وجان تحدر عليهم شما ..
(الكل نش يسلم على شما الي مختفيه من يومين ..!)
محمد : حشى انتي وينج كل هالمدة ..!!
شما : يعني ما تعرف لزوم الشغل وجيه ..
روضة مول مب عيبنها وضع اختها والحرية إلي معطينها هلها لشما ..
روضة : مرحبا الساع تو ما نور البيت ..
روضة تكمل بسخريه :باجر بنسير المزرعة بتين ويانا ولا لا ..؟
شما :لا والله تعبانة توني راده من دبي احسن شيء بيلس فالبيت ..
روضة : هاا براحتج ..
شما : منصور شحالك ..صح مبروكين ظهرت أخو اختيه ..
منصور ابتسم : الله يبارك فحياتج ..
( روضة كاتمة غيضها لانها تعرف عن سوالف اختها ويا إلي ما يتسمى طلال ..!!)
روضة بصدق : شما بلاج جيه مصفرة مريضة ولا شيء..؟َ!
شما تبتسم : لا بس تعبانه ..
( روضة قلبها عود وطيب مهما سوت فيها تنسى ...وتذكر الخير منه ...بس أختها ما سوت فيها خير ولا مرة ) .
روضة : اوك اسوي لج شيء ..؟
صرخ منصور : ما آصدق ..
حمد يكمل على منصور : روضة البطرانه تسوي شي حق حد ...!!
( شما ضحكت لانها تعرف طبع اختها ما تخدم اي شخص بهالدنيا غير أبوها وامها ..!).
شما : تسلمين فديتج بس وربي ما خاطريه فـ شيء ..
(محمد ساكت ومول ما علق ..!)
شما : محمد فيك شيء ..؟!
محمد توه بس يصحى من احلامه البائسة : لا ما فيه شيء .
طلعت شما جناحها وتركت الشلة الفاسدة تحت ..
اعرفكم ع شما شووي ...
شما :بنت بو سالم ..عمرها 25 سنه .. ولحد احين ماتزوجت والسبب الوحيد الحقد الي تملكه بـ قلبها ...كل همها نفسها وبس ودايم تضايج بـ اختها روضه لانها وايد تغار منها .. مع انها تملك جمال سبحان ربي اللي خلقه ..
.
روضة + حمد + منصور = أكبر مينن بهالدنيا ..
روضة يالسه تدور من صالة لصالة ومنصور اونه وراها ياس يلعب وياها وحمد فوق طاولة الطعام إلي تشرف على كل الصالات ويالس يعلق ..
حمد : الان روضة بنت أحمد تتغلب على منصور الطمطمه ..
ويصرخ حمد : لااااااا وتفوز روضة بنت أحمد ااااااه ما الذي يحدث امامنا كانت قـول كانت قــــوول ولكنها فاتت فاتت ..! يالله ..
يصرخ بالقو : وتتكرسع روضة اووو لااااا ما الذي يحدث امامنا المتبارية روضة تقع أرضا وتحتضنها الارض بقوة آآآآآآآه عسى سليمه عسى يا رب تكون سليمة ..
( جان صريخهم ومباغمهم إلي فالشارع يسمعه ... تخيلو... وامهم ما حد وابوهم فـ الشغل )
روضة صدق طاحت فالارض ومنصور يربع وراها يبا يزخها لكن بقوة تنش روضة وتحدر الصالة الصينيه ..
حمد يصرخ : لااااااا وتصل روضة الى حدود الصين ولكن وبقوة منصور لا يزال وراءها لن يتركها أنا متأكد .. يالله .. ما هذا ما الذي يحدث ..؟!!
روضة تربع صوب الغنفة وطلعت فوقها ويالسة تنقز ويي منصور يبا يزخها ...وروضة تبا تشرد بس ما شيء مكان كـان يدور فـ بالها انها تقفز من الغنفة إلى الارض << تتحرى عمرها سوبرمان ..
وجان روضة تقفز بس مالت شوي وطاحت على الطاولة وجان تنجسر التحفة الصينية إلى يابها بو سالم حق حرمته ام سالم وهالتحفة الكل يعرف جيمتها ويا أم سالم واايد تحبها بشكل غير معقول ..
.
روضه يوم طاحت تعورت فـ ايدها اليمين ..~
روضة : آي تعورني ..
حمد : شــــــــــــت شو سويتي انجسرت التحفة يا ربيه ... اميه بتجتلنا نزل من طاولة الطعام وطيران على الصالة الصينية ..
منصور : تعورتي روضة .؟!!
روضة : هيه وااايد << ما بتقول لا لزوم الدلع خخخخ ..
منصور : ياربي شو بيسوي فينا بوسالم وخالوه ..
حمد يكمل : أبويه بيجتلني لانه روضة تعورت وامايه بتجتلني لانه تحفة عيد زواجها انجسرت ياربية ..
روضة تصرخ : اي حمد منصور ايددددديه ..
حمد : شو هالبلوة الي سوينها حق عمارنا قومي بنوديج المستشفى ..
لبست روضة عباتها وشيلتها وظهرت ويا حمد ومنصور ..
.
حمد يسوق السيارة ومنصور جدام وروضة وراء
منصور يرمس حمد : انا الي مستغربه بنت جيه دلوعه ليش ما تصيح طالع انت , بس طالع على ايدها وما ترمس ..
حمد : هههههه روضة من اقوى الاهانات انها تصيح .. وما اظن بيي يوم فيه شخص بيقوى على روضة وبينزل دمعه من عينها ..
روضة كانت تسمعهم بس ساكته ..
لانه الالم الي بداخلها اقوى من الالم الي بأيدها بآلف مرة ..
وصلو المستشفى واتصل حمد على الدكتور الخاص بعيلتهم الدكتور هزاع
وكان وايد يعز بو سالم عسب جيه استوى دكتورهم الخاص ..
الدكتور هزاع : خير حمد سلامات منو متعور .؟؟
حمد : روضة ..
الدكتور هزاع توه بس يطالع روضة الي كانت متغطية وراء منصور ..!
روضة يحليلها ماسكه ايد منصور من الالم ..
.
روضة بهمس : منصور الا الابره ما احبها ..
منصور بحنان : خلااص فديتج ما شيء ابر ..
الدكتور هزاع والابتسامة شاقة الحلج : روضة سلامات تفضلوا ..
حدروا غرفة الملاحظة وسو حق روضة اشعة عسب يعرفون اذا فيه جسر فالايد ..
الدكتور هزاع : انسة روضة ممم عندج جسر ..
روضة بدلع رباني : هــآه ليش حرام ما ابا
الدكتور هزاع تخبل على دلعها وخاطره يرمسها اكثر : لا تخافين احين بنلفها لج يعني بنجبرها .
روضة بزيغة : لا ما ابا تجبرونها عقب بيتشوه شكلي ..
هني حمد ومنصور ما رامو يمسكوا عمارهم انفجروا من الضحك : هههههههههههههه
الدكتور هزاع : هههههه لا تخافين بس بنجبر لحد الرسغ
روضة : اوف انزين ..
الدكتور هزاع امر الممرضات انهن يجبرون ايد روضة لحد ( الرسغ) بس .. .. تعمد يقول بس عسب روضة لا تغثه ..
جبرو ايد روضة وعقب حمد شكر الدكتور وردوا البيت ..
اول ما حدروا البيت جان يطالعون سيارة بو سالم ..
حمد : لاااااااااا
منصور : بــــــــــــــــلاك ..
حمد : هني ابويه بيعقها عليه .. دومه يقولي انتبه لاختك ..يا ربيه .
روضة بطمنئة: حمد غلايه انا بقول لا ابويه ..انا السبب .
حمد : والله ..
روضة : هيه والله ..
منصور : ااخ والله لو انا ابوج لادقج بخيزرانه .
روضة : جب لا اقول لا ابوية منك انت السبب ..
منصور : ما ترومين ..
روضة : اوك طالع ..
حمد يصرخ على منصور : الحق على مستقبلك ترا تسويها محد يتحداها ..
وجان منصور يربع وراء روضة بس روضة تحاول تركض بس ما تروم وايد تسرع شراته هو ..
منصور زخ روضة : روضة حبيبتي خلاص خلاص ..
روضة : قول عمتي الشيخة روضة عفوج ..
منصور يحرك رأسه ويقول << جنه هندي : عمتي الشيخة عفوج ..
روضة : عفو منو قول اسمي ؟؟.
حمد : هههههههه تستاهل ..
منصور: سمو الشيخة روضة عفوج ..
(ضحكت روضة بأنتصار وهي اصلا مره ما تكون فيها منتصرة ..).
عقب حدروا البيت ..
اول ماحدروا جان يطالعون بو سالم جدام الباب ..
بو سالم : شو ها إلي مستوي فالبيت هاا ..؟!
حمد : أبويه اسمع بقولك ..
(بوسالم لحد احين ما شاف روضة ) ..
حمد : ابويه ..(وجان تحدر روضة )..
بو سالم :روضة شو فيها ايدج بلاج هـــآ ارمسي ..
(روضة قالت لابوها كل السالفة وعادي تفهم الموضوع بروح رياضيه)..
بو سالم : تعورج غلايه ..؟
روضة : هيه ابويه واايد
بو سالم : وانتي شحادنج تلعبي وياهم هــآه ..؟!!
روضة : ابويه مليت بروحي ..
(وبخاطرها تقول : الوحدة جتلتني يا ابويه جتلتني خاطريه اصرخ واقول كافي عذاب ليش انا الكل تركني ليش انا كل إلي كنت احبهم تخلو عني ليش الخيانه انكتبت على اول سطر بحياتي آه يا ابويه وتقول ليش ايلس وياهم )..
بو سالم كان يرمس حمد وما لاحظ شرود وسرحان روضة ..
روضة : ابويه غلايه انا بسير فوق باجر من الصبح بنش ..
بو سالم : انزين غلايه .. وانا برمس امج وبقولها حادثه واستوت ..
روضة ابتسمت لانها تدري بغلات هالتحفه ويا امها : الحمد الله هم وانزاح
(حبت راس أبوها وعقب سارت جناحها اول ما حدرت يـا ع بالها الفيصل وهمه وتذكرت المسج إلى طرشها لها أمس بالليل ..
نص المسج ...........

\
/
\
/
\
/
\
فـ المقهى ويـا الشباب ..~
منصور + حمد + سيف + عبدالباسط + محمد ..كلهم ظهروا المقهى ..محمد يالس يطالع ع المسجات إلي يته من الهنوف ..
محمد بخاطره : الله يسامج يالهنوف حبيتج من كل قلبي وتجازيني بالنكران يالحقيرة ..بس ما أقول غير الله فوق ..
وصدقيني شرات ما حبيتج بكرهج ما شيء مستحيل بهالدنيا وانا محمد إللي كل البنات هن يتبعني مب أنا , صدقيني من هالدقيقة بتغير وبنسى كل الماضي إلي عشته وكل البنات إلي ويايه حتى مهرة بقولها الله يوفقج بحياتج .. وكل البنات إلى تعرفت عليهن ليش يالس اغضب ربي فـ شيء ما يستاهل ..
(محمد كان ساكت مول ما يرمس بس وفجأة وبسرعة البرق تغير ويلس يسولف جنه ما فيه شيء )
الكل استغرب من تغيره المفأجي بس بعد استانسوا انه محمد رد شرات قبل ..
\
/
\
/
\
/
نص المسج :
يا بنت أبوج انا فكرت بالموضوع وطالعت انج ما راح تتحملين شيء عود فأخاف عليج لا ايي فـ أبوج شيء فـ عسب جيه أي شيء اقولج ايـآه تنفذينه واذا ما نفذتيه صورج ويا ابوج ..~
روضة : يا ربي ياليته لو قالي امر محدد كان ويايه عادي بس هو بـ يصعب المسألة وبيطولها اونه ما تتحملين بعده يابها بطريقة طيبة وهو كله نذاله ..
و يعني مب شيء واحد بيطلب لاااا الاف الاشياء يعني بيغثني والسبب هالصورة إلي وياه اوف بس
(روضة مسكت راسها لانها بدت تطالع الماضي يعود لها ..و
من الخوف تكورت ع عمرها والماضي يعيد شريطه جدام عيونها ) ..
تتذكر كل البنات كل إلي كانً موجودات ... و الناس إلي حوليها وأعز الناس على قلبها ...!
ولكن بلحظة الكل اختفى بعد الحادثة إلى استوت ..
اعز مخلوق بهالدنيا على قلبها حرق لها قلبها واختفى بعد ما ادمى جرح وسط قلبها بعد ما اشعل النار بيوفها بعد ما سم لها بدنها ..
روضة : آه وينج يا عهود ..!؟تركتيني بعد ما جتلتيني انا جسد بلى روح ..!
قلبي ينبض لكن بالاصل ميت ..أنا مسامحتج بس دخيلج ردي ..
ابا اشوفج ابا ارتاح ..آه يا عهود سويتي فيه الي ما يتسوى بس فالاخير اشتقت لج موت وربي احبج احبج ..انتي صديقتيه واختيه وانتي قلبي انتي كل شيء ليه بهالدنيا بس وينج ...
الكل قالي انج توفيتي بس تقبل الفكره صعب عليه وربي صعب
(تنهدت روضة وارتمت ع الشبريه من الالم ...
بدت تظهر لنا بعض من نور الحقيقة ... بدا ينجسر احد الاسور إلي مغطية على روضة يا ترا شو السالفة عهود ومنو هاي عهود بنعرف شو قصتها ولا بتظل من الماضي يلي محد يعرفه غير روضة وعهود الله يرحمها )..
.
.
الساعه 6:11
الكل صحى ومنـهم بطلاتنا روضـة وحمده ويزوي ..
حمده اول ما صحت خذت لها دش سريع ولبست بنطلون جينز اسود وعليه بلوزه حمره مكتوب على يمين الصدر بالخط الصغير G &D..لبست عبايتها وحطت جحلة خفيفة وقلوس خفيف من MAC..ولفت شيلتها الي كانت فخمه مطرزه من جدام بورود مسطحه من المخمل الاحمر ..
وبـعدها نزلت تحت ..
اول ما نزلت جان تطالع أخوها الصغير عبدالعزيز ..
حمده : عزوزي ..
عبدالعزيز : تثب مابا (جب مابا )..
حمده: شو ماتبا .؟؟
عبدالعزيز: ما احبكم ..
حمده : ههههه عزوزي بلاك منو مزعلك هــآ..؟!
عبدالعزيز : ما احبكم ..
حمدوه ودرت اخوها الخبل إلي حافظ له كلمه ما احبكم ..
حدرت حمده صالة الطعام وطالعت امها وابوها يالسين يتريقون ..
حمده: السلام عليكم والرحمة ..
ام عبدالباسط +بو عبدالباسط : وعليكم السلام والرحمة ..
يت حمدوه حبت امها وابوها على راسهم وعقب يلست ..
ام عبدالعزيز : تبين حليب ..؟
حمدوه: هيه اميه فديتج ..
ام عبدالباسط امرت البشكاره تمرر الحليب حق بنتها وحطت لها البشكاره الي يلزمها من الاكل ..
بو عبدالباسط : وين عيالج يا أم عبدالباسط ..
ام عبدالباسط: أحين بطالعهم ..
حمدوه : عزوز توني طالعته يالس ينافخ بس عبودي ما أعرف وينه ..
ام عبدالباسط تي من برع : فديته يالس يركب السامان ..
\
/
\
/
\
/
روضة بعد ما وعتها أمها يالسة تنافخ تبا ترقد << خخ ما تنلام ..
روضة يالسه تتحرطم وما ينفهم من رمستها شئ مووول .. حدرت الحمام ( وانتو بكرامه ) ..
عقب ثواني ما ينسمع غير صوت روضة يالسة تغني ..>>ها الي يبا يرقد خخخ..
سلامن عليهم بعد ما جفونا وقلبي بـِديهم ....
خلصت روضة وظهرت من الحمام بالروب يلست ع الحجرة تبديل ساعة تطالع شو بتلبس وفالاخير قررت تلبس برمودا ابيض من Next ..وبودي علاقي من إيف سان لوران لونه بنفسجي ومرسوم على حافة البودي رسومات بيضه... رفعت شعرها كـ العاده ..
ولبست عبايتها الي فصلتها من قبل اسبوع من دار المتحجبه
لبست الشيله الفخمة الي كانت عبارة عن قماش عود وفالجانب عليه طبقة ثانيه من القماش ومقصص بطريقة تخلي الكرستالات الي فالطبقة الاولى تظهر ونازلة من الجانب الثاني منها فيونكه صغيره ورقيقه ومطرزه من الحدود بالكرستال ذو اللمعة القويه كانت فخمه والعبايه شرات الشيله ..بس فالكم الثاني ما شي غير فتحه عند الرسغ على شكل نصف القمر ...والكم الثاني مطرز بالكرستال وطبقات من القماش الاسود الفاخر وكانت العبايه مناسبه واايد لها الرحله لان حسب ما عرفت روضة مزرعتهم مب عاديه , حذالهم ربع ابوها يعني اكيد من ذو الـمستوى العالي..
ونزلت روضة باللفت ( ما تبا تخرب الكشخه خخخ) والضحكه شاقه الحلج ..اول ما ظهرت من اللفت جان تطالع جدامها محمد ..
ابتسمت روضة : Bonjour حمودي..
محمد : ههههه صباح الورد .. يابوج نحن ما نروم لج ..شو هالكشخه
روضة : احم احم اي نووو اي نوو ..عنونك الاحلى ..
سارو محمد وروضة يتريقون وزقرت روضة بشكارتها ..
روضة : انجـي ( البشكاره ) ..وين ريوقي ..؟!
( حطو البشكارت حق محمد الريوق بس روضة ريوقها غير ..يت بشكاره روضة وحطت الريوق جدامها ..)
روضة : ثانكس
انجي : ولكم
تريقو محمد وروضة وعقب محمد سار جناحه ويت ام سـالم ..
ام سالم : روضة وين جنطتج هــآه ..؟!!
روضة : امايه انا مخلصة حتى قلت حق انـجي وميشيل ( بشكاراتها) ترتبهم ..
ام سالم بعصبيه : روضة انا ما يعيبني طبعج مــول ..
روضة مستغربه معاملة امها لها ..؟!!!
روضة : اميه بلاج ..
ام سالم : اوف منج متى بتودرين هالطبع انتي الوحيده من اخوانج غير عنهم
..(وسارت ام سالم وودرت روضة الي افكارها تعصف بها وترميها على طريق الاقدر الا معروفه ..
روضة بخاطرها : قلت لج ياروضة محد بهالدنيا صادق كل هالدنيا غدارين محد صادق محد , مستحيل حد يكون صادق ياروضة مستحيل ..انا اقرب الناس جيه يسوي فيه اذا ليش ألوم الغريب .. كلهم جذابين مستحيل اثق فــ اي شخص بهدنيا
(بـصراحه محد يعرف اذا غلطت روضه فــ حق امها ولا امها غلطت فـ حقها بس ولو الام مهما صار تكون تاج على رأسنا وهي الوحيدة الصادقه ويانا ..
بس ما تعرف شو صار حق ام سالم يمكن مجرد تغير فالاجواء ..).؟!!
روضة بخاطرها : من تيي شما اميه تتغير 180 درجه محد غير شما جيه سوى انا متأكدة ..!!
(جان يحدرون قوم حمد ومنصور )..
حمد : انا قلت لك بنرقد الساعه 11 قلت لي لا شو نحن دياي ..يلا طالع حتى ما رايم افتح عيوني ..
منصور: وانا اعرف انه امايه بتصحيني من الفير يلا بس شقايل مقهور ..
(روضة سمعتهم حاولت تغير تعابير ويها )روضة بخاطرها : روضة انتي اقوى من انه اي شخص بهالدنيا يضايجج ابتسمي وانسى هالدنيا لانه هالدنيا يوم وبينتهي صدقيني ..
روضة بأبتسامه صفراء : تو الناس ..
منصور : اونها تو الناس حشى طالعي الساعه جم ..؟
حمد : لا ودرها اونها هي عاده إلي ناشه من ويه الفير ويالسه تستعرض علينا ..
روضة : بسم الله الرحمن الرحيم ..حشى قطعتوني ..
(ورفعت ايد ها لحد جتفها وفتحتها وسوت حركة " ماتهموني" )
صدقوني انتو ما تهموني باي ..
وسارت روضة جناحها عسب تطالع البشكارات شو سون ..!
وما دقايق وزقروها عسب تنزل لانهم خلاص بيسيرون ..
\
/
\
/
\
/
بيت بو راشد ..
ويـا اليازيـه ..
نزلت يزوي إلي كانت لابسة بنطلون جينز اسود ولبست عليه بودي مشمشي من تحت الصدر موصل بشريط اسود وعلى جنبها فيونكه مشمشيه ..
لبست صندل برتقاليه ...وحطت جحل خفيف وقلوس مشمشي وبلاشر مشمشي لفت شيلتها السوده إلي كانت مطرزة من الجانب بشريط مشمشي وعليه فيونكه من الجنب سوده ورقيقة واايد .. لبست عبايتها ووعقب نزلت ويا هلها ..
أول ما نزلت طالعت عبدالله يالس ويا أمها ..
سارت يزوي تربع صوب عبدالله : عبودي اشتقت لك ولوت عليه ..
عبدالله : هلا والله حتى انا فديتج وايد اشتقت لج ..
يزوي : حشى وينك كل هالمدة يعني لو ما بنسير المزرعة كنت ما بتي ..؟!
عبدالله : وربي شغل ..شغل ..بلاج يزوي أخذتيني بشراع وميداف ..
يزوي : اهــآ وشوه هالشغل عاده .. ولا سري ..؟!!>>يلعن بو اللقافه
عبدالله : هههههه الله ينطبج لا ما سري ..
حدر سيف ..
سيف : السلام عليكم ورحمة ..
يزوي +عبدالله : وعليكم السلام والرحمة ..
يزوي من شافت سيف حادر .. الضحكة شقت الحلج لانها تموت فــشيء اسمه سيف ..أكثر واحد من أخوانها جيه تعزه ..
سيف : هلا والله بعبود ..تو الناس يا بوك لو ما ييت..
عبدالله: هههه تعرف أحم أحم اشغال ..
سيف : هيه صدق ما شاء الله عليك اشغال ..
سيف : يزوي وانتي حشى وينج مب جنج مول فالبيت والله اشتقنالج ..
يزوي بطير من الفرح : وانا والله واايد اشتقت لك ..
عبدالله : يالله صوبنا ..صوبنا ..
يزوي : جب ..جب .
سيف :يحليله جب ..جب .
وجان تحد رام راشد وتقولهم يلا احين بيسيرون ..
كل عايلة ركبت السيارة ..
..ام الريم عند ولدها منصور وعائشة ..
..ام سالم وابو سالم وحمد ومحمد بروحهم سيارة ..
..بو راشد وام راشد وعبدالله وسيف ..
ام عبدالباسط وابو عبدالباسط و عزوز و عبدالباسط بروحهم سيارة ..
روضة وحمدوه ويزوي ويا دريولية روضة ..
"لانها طلبت من ابوها يسيرن بـ سيارتها وقاللها اوكي عادي ,,"
بطول الطريج روضة ساكته ..
حمدوه : ههههههه اسمعي هالنكته ... مره واحد مدمن تاب رمى كل المخدرات في بركة ...شوي طلعت سمكة من البركة تقول انا أنا ....أنا تمســـــــاح ؟
يزوي : ههههههه واي خباااال..اوكي اسمعي ماليه
واحد ينن بـ راعي الدكان..يبا كافي ابوعيش آخر شي طلع يبا باونتي!
حمده ويزوي : هههههههههه
يزوي : بلاج رواضي ..؟!
روضة هـــآه .. لا ما شي
( توها بس ترد للواقع بعد ما كانت غريقة ذكريات الماضي )..
حمده : روضة غلايه انتي متعوده ما تخفين علينا شيء بلاج ولا نسيتي نحن التؤام الثلاث..
روضة بأبتسامه صفراء تحاول تعيد ترتيب ملامح ويها : ههههههه لا ماشيء..
يزوي : براحتج بس اعرفي اي شي يستوي نحن اكيد ويااج ..
(روضة ردت تطالع الطريج من الجامه وردت إلى ماضيها الاليم )..
\
/
\
/
\
/
\

سيارة بو سالم ..(الكاديلاك)..


محمد يسوق وحمد فالسيت يلي حذاله .. وام سالم وبو سالم وراء ..


بو سالم يرمس حارب : حارب انت تعرف ثقتنا فيك وفـ شركتك ولا تحاول احين تهدم كل إلي بنيناه من مصالح وعقود فـ لحظة طيش ...يا حارب ..لا اسمعني ..آهــآ..اذا هذا رايك فصدقني انا احترمه وبراحتك ..الله يوفقك خلاص ..مشكور .. مع السلامه ..


محمد : ابويه بلاك ..؟!


بو سالم : شركة الـــ*** انسحبوا من الصفقه الـ *** بشركتي الـيي فـ ألمانيا ..


حمد : ياربي واحين شو بتسوى ابويه..؟


بوسالم : صدقني أنا أحمد الــ***... ..مستحيل تأثر فيه شركة شرات شركة الــ** ,,(وانا أقول روضة على منو ظاهره فـ الغرور خخخخ)..


\


/


\


/


\


/


\


سيارة بو راشد ..


عبدالله : انا يوعان ..؟!!


سيف : هههه يوع الرجاب ..


عبدالله : يالحيوان معليه اتريا (ويرفع عمره يبا يتضارب ويا سيف )..


ام راشد : عبود قر مكانك احين بتجتلنا طالع على الطريج طالع ..


سيف خلاااص انفجر من الضحك : ههههههههههههه وكككككككك آه بطني ..هههههههه..


بو راشد :سيف عبدالله اسكتوا ما عرفت اركز( يالس يطالع ملفات الشغل )..


سيف : هههههه انزين هــاه بسكت ..


\


/


\


/


\


/


وصلت العوائل المزرعة وكانت اخر سيارة هي سيارة قوم روضة


..بعدهن ما وصلون ..


ابو عبدالباسط: لا أله الا الله ... الحمد الله على السلامه ..


ام عبدالباسط : الحمد الله ع السلامه ..


عبدالباسط يرمس عزوز عسب ينزل : عزوز انزل لا اييك طراق ..


عزوز : ما ابا..


عبدالباسط :قلت لك انزل لا اييك طراق (متمسك فالكرسي عزوز)..


عزوز: مااابااا ... ما احبكم ..


عبدالباسط :انقلع ما قلت لك حبنا انزل يلا انزل ..


عزوز ما رضى يي عبدالباسط وسحب عزوز ..وعزوز يصرخ ..


\


/


\


/


\


/


فجهة ثانيه نزل بو راشد وبو سالم وجان ينزلون بنفس الوقت ..


بو راشد :الحمد الله ع السلامه ..


بو سالم : الله يسلمك ..


ام سالم :يلا غلايه ازقر البشاكير من داخل عسب ينزلون الاغراض ..


(طبعا ام سالم ما يابت البشاكير ليش انه موجود طاقم كـامل فالمزرعة )


بو راشد : الا وين البنات..؟؟!


بو سالم : فـ سيارة روضة ..


بو راشد اعتفس : آها


(بو راشد ما تعيبه سالفة البنت بعدها 18 سنه ووياها سيارة ودريوليه )..


\


/


\


/


\


وصلن قوم روضة طريج المزارع.. وروضة منبهرة بجمال المزارع الي حذالهم والاستراحات الموجوده داخلها وكل مزرعة تيي احلى من الثانيه وارقى وافخم وهذا دليل على بزخ ورفاهية هالناس الموجوده حذالهم ..


حدرت الدريوليه المزرعه وروضة بس تطالع ..


روضة : احين هــآي مزرعتنا ..؟ّ!


حمده ويزوي : هيه..


(روضة يالسة تطالع ع المزرعه عبارة عن سور مسور ع المزرعه يمتد ألى تقريبا نصف كيلو والاشجار الطويلة الي محطوطة على المزرعة والقصر الى وسط المزرعة ..


روضة وقالت بالفرنسي: واو .. Comment merveilleux cette ( كم هو رائع..)


حمده : عيل بعدج ما طالعتي شيء ..


روضة : ليش فيه شيء بعد احلى من اللي جدامي


(جدامها شرات البحيرة العودة موصلة بجسر وفالجهة الثانيه من البحيرة حصى وايد وشوي كبير كان ينزل منه ماي على شكل شلال) : الله واايد نايس ..تينا وقفي ابنزل اطالع المكان ..والله قبل اربع سنوات مووووول مب جيه ..استووت خبال ...


.


نزلت روضة ..وقوم حمده ويزوي سارن داخل ..


روضة سارت تطالع االمزرعة إلي حذالهم ..


المزرعة الي حذالهم تخبل شوي عليها ..


بس شيء لفت انتباه روضة انه المزرعة الي حذالهم بس توهم ياين .يعني الظاهر يداد..


كملت روضة طريجها وصلت لوراء المزرعة وطالعت السومينق بول كانت عبارة عن حوض وايد عود والماي ينزل من فوق شلال حصى ..كان المنظر فــ قمة الروعة ..


روضة : فديت ابويه والله وانا اقول على منو ظاهرة ..فالاخير ظهرت على ابويه رزة وابداع وفن ..<<مادح نفسه يباله رفسه خخخ..


(مشت شوي بس لفت انتباها باب ممتد من مزرعة قوم روضة على مزرعة الناس الي تواهم منتقلين لها ..


روضة ضحكت بخبث (اكيد الكل فهم قصد روضة )..


روضة مبتسمه بخبث ومددت نظرها على الباب ..


روضة بخاطرها : لا يا روضة صدق انتي خبله بتورطين عمرج اوف بس خاطريه اطالع مزرعتهم شكلها خبال اوووف بحدر وإلي فيها فيها ..>>ملقوووفه


(روضة جذبها الفن المعماري والتصميم الجداُ راقي ..)


روضة خلاص قررت تحدر مزرعت الناس بس اطالعت ريال ظاهر من الاستراحة (بصراحة مب استراحة اقدر اقولكم قصر ) وبسرعه رجعت على وراء ..


روضة : الله ينطبني بحدر مزرعة الناس والريال احين بيطالعني احسن ارد


..ييت بترد بس شدها صوت الريال (بصراحة مب شدها بس اللقافه حق منو ..؟!!)


روضة :بسمع شو يقول وبسير << يلعن ام اللقافه ..


الريال شوي شوي يجرب صوب سور مزرعة بو سالم ..روضة بتندس بس عبايتها شبكت فالحديد مال باب روضة تسحب عبايتها بس العبايه لازقه وما رضت تتبطل والريال خلاص استوى جريب من الباب ..


روضة : الله يلعنج اووف ( وتسحب العبايه )..


الرريال خلاص وصل جهة روضة ..(وما ننسى روضة بس بأيد وحده والايد الثانيه مجبسه ..).روضة نزلت وتكورت على عمرها عسب ما يشوفها وغطت ايدها لانها بدت تعورها وبالقو بعد ..


الريال انصدم من هالبنت لانها روضة وسط الباب يعني بين مزرعتهم ومزرعة بو سالم ..!!


الريال جرب من روضة ..


الريال : منو انتي هـــآه ..؟


روضة خلاص بتموت هالصوت مب غريب عليها تعرفه !!



تريووووني فـ البارت الياي ..

وراح تبدي الاثاره والاكــشن الحقيقي ..فـ البارت الياي بـ اذن الله ..

البارت الــــــــــــــخامس ...
.
.
الريال شوي شوي يجرب صوب سور مزرعة بو سالم ..روضة بتندس بس عبايتها شبكت فالحديد مال آلباب
و روضة تسحب عبايتها بس العبايه لازقه وما رضت تتبطل والريال خلاص استوى جريب من الباب ..
روضة : الله يلعنج اووف ( وتسحب العبايه )..
الرريال خلاص وصل جهة روضة ..
(وما ننسى روضة بس بأيد وحده والايد الثانيه مجبسه ..).
نزلت وتكورت على عمرها عسب ما يشوفها وغطت ايدها لانها بدت تعورها وبالقو بعد ..
الريال انصدم من هالبنت لانها روضة وسط الباب يعني بين مزرعتهم ومزرعة بو سالم ..!!
الريال جرب من روضة ..
الريال : منو انتي هـــآه ..؟
روضة خلاص بتموت هالصوت مب غريب عليها تعرفه !!
الريال : ايـــــــه الحراميه ..لكن والله غريبه حراميه وبنت مليالدير !!
روضه بتموت هالصوت مب غريب عليها وخلاص عرفت منوه الحقير إلي جدامها ..بس ما تروم ترفع رأسها من الفشيلة ..روضة لحد أحين ما تحركت ..

الريال يى صوب روضة ..يبا يطالع منو هالحراميه..
الريال يى بيمد ايده بس روضة ما سمحت له ..بسرعة رفعت رأسها ..
الريال : مصــــــــــــــــــــــــــــــــــــــــــــــــ ــــــــــدوم من الي جدامه ..!!!
الفيصل : أنتــــــــــي ..!!
روضة بسرعة نزلت رأسها ما تحب اي شخص يطالع عليها جيه ..
رفعت ايدها بتدخل شعرها بس ايدها مجبسه يعني ما تروم تسوي فيها شيء واليسار ما تعرف تستخدمها وايد ..
الفيصل بصدمه وبخوف : بلاها ايدج ..؟!!
روضة مقهوره منه ما يحق له يطالع عليها جيه وفخاطرها قالت : انا مب من محارمه ..
روضة نزلت راسها عسب ما يشوفها ..
الفيصل فهم حركة روضة وقال : يالله يالحرامية مسويه عمرج محترمه وانتي حادره مزارع الناس هــآه ..
(روضة ما غاب عنها اهتمام وسؤال الفيصل فالبداية بس عقب تغير مره وحده )
.
وقالت فـ خاطرها :اوووووه سويله طاف ..مايهمني المهم انا واثقه من نفسيه ..
.
روضة متعوده لو استوى ما استوى مستحيل ترمس ريال دوم متعوده تسوي حق كل الناس طااف بس هذا الظاهر وايد عطته ويه فوق 4 مرات رمسته ..
روضة بخاطرها : والله يالفيصل انا وايد عطيتك ويه وجان تتحراني برد عليك فإنت غلطان لاني مستحيل فــ يوم من الايام ارمس واحد ..
(و لا زالت منزله راسها ومقهوره تباه يفهم ..
يعني سير عيب جيه يالس تطالع عليه ..)..
.
الفيصل فهم حركة روضة يوم منزلة رأسها ولا رفعته هذا دليل على ان البنت ما تباه يشوفها ..
الفيصل سار وودر روضة مكانها ما متحركه فالارض .. عسب تأخذ رااحتها ..
(اول ما حست انه الفيصل سار رفعت رأسها تطالع على ايدها مررت عيونها بحركة جدا بريئة ومب متعمدة على فوق ..بس انصدمت انه الفيصل بعده يالس يطالع عليها ..بسرعة بعدت عينها عنه..
والفيصل ما تحرك من مكانه يالس يطالع ع الملاك إلي جدامه ..
روضة بدت تحرك ايدها تبا تسحب العبايه ..الفيصل فهم وسار عنها ..
روضة ما رافعت رأسها تخاف يكون موجود وطيح عينها بعينه لانها تكره اي شخص يطالع على عيونها ,,بس طالعت انه ريول الفيصل بدت تختفي ..
روضة : آووف الحمد الله ..
بدت تحرك ايدها اليسار وتحاول تسحب العبايه بس ما فيه فايده ..والعبايه نصها من تحت اختربت يعني من الجانب كامل تبطل ..
روضة بقلة صبر : آه ياربي تساعدني ..
( العبايه من الجانب انفتحت يعني جنها روضة متعمده تسوي فتحه ..
ولا والقهر روضة لابسه برمودا يعني صدق تورطت ..).
واخيرا وبعد محاولات العبايه انفصلت من الحديد مال الباب وبسرعة البرق روضة تحاول تنش مشت تحت الشير عسب محد يطالعها بس انصدمت انه منصور ياي صوبها وهي تحت السور إلي يفصل بين مزرعة بو سالم وهذا الي ما يتسمى الفيصل ..
منصور: آفــا ليش الحلو زعلان ..
روضة تغير الموضوع لانه منصور لحد أحين ما انتبه للعبايه لانه الصوب الثاني إلي مخترب ..
(رفعت روضة جتفها اليمين ولفت راسها صوب جتفها وايدها اليسار رفعتها جنها بتعلق شي ..وابتسمت ابتسامتها المعتاده يظهر الجزئ اليمين من اسنانها البيضه )وقالت بدلع : مب زعلانه ..
منصور غطى ويه بأيدينه الثنتين وحركهم من فوق لحد تحت بحركة بطيئه: آآآآآه اذوب انا ع هـ الدلع .. (وبـ عياره ) ممكن بوسه ..؟
روضة بدلعها الرباني : ههههه ممم ويت افكر ممم اوك عادي ..
منصور جرب منها وباسها على خدها : فديت هالويه ..
روضة : خلاص بس عاده هههه..
منصور مسك ايد روضة :قومي بنحدر داخل سمعت فيه سبرايس حق دلوعة ابوها داخل القصر ..
روضة اعتفست : هــآه لا ما اروم ممم ( تحاول تخلي عمرها نورمل ) .. مم انت سير وعقب انا بتبعك ...
منصور: روضة غلايه انا حاس وراج شيء قولي لي ولو انا ولد خالتج ..
روضة : منصور مممم طالع ولفت صوب عبايتها الي مختربه ..
منصور: حشى شو هــآ شو مستوي ..؟!!
روضة : والله طحت مب متعمده ..
منصور : روضة تراج مخترشه امس مجسره ايدج واحين ريلج ارحمي عمرج ..
روضة : منــــــصور ..
منصور: واااا فديته انا , روحه عمره امري تدللي ..
روضة خلاص ما تروم تتحمل حركات منصور ..صدق حركات خبلان : ههههههه

منصور : لااا روضة بدت تضحك عاده متى بتسكت ..
روضة : هههههه الله ينطبك
منصور: لحد ما تخلصين ضحك دقي على عواش تزهب لج عبايه وانا بسير ايبها ..
(دقت روضة على عواش وسار منصور ايب العبايه )..
بعد 5 دقايق رد منصور : يلا اندوج يودي العبايه ..
روضة : يعلني ما خلى منك تسلم غلايه ..
(لبست روضة العبايه فوق عبايتها الي اختربت )..
وسارت ويا منصور داخل ..
بس تركت ناس صدق بهاللحظة حقدت واحتقرت روضة ومنصور ..
(الفيصل )شهد كل المحادثه إلي دارت بينهم لحد ما منصور قال لروضة انا ولد خالتج تركهم بعدها الفيصل وهو محتقر روضة وجرائتها إللي سمحت لمنصور يبوسها وتراويه العبايه وهي لابسه برمود وهو بس مجرد ولد خالتها ..
طبعا الفيصل هذي وجهة نظره أو نقدر نقول جميع الناس تحكم من جهة وحده دون ما تعرف الجهة الثانيه من الموضوع والفيصل كل إلي فهمه انه روضة مجرد بنت خالة منصور مب أخته ....
.
\
/
ويـــــا الفيصل
حدر الفيصل الفله وقال فـ خاطره : هههه مسويه عمرها شريفه مكه من جدامي ومن ورايه محد ما يبوسها ... لا والقهر العبايه كلها متطبطله وتراويه عاادي والله اعلم بعد شو وراها ...
.
.
.
.
اول ماحدرو منصور وروضه جان حمدوه ويزوي ينشن ويسيرن صوب روضه : أيييييييه وين كنتي ..
روضه : ممم سالفه طوويلـه عقب بقولكن ..
بوسالم يزقر روضه : روضـــــه رووضــه
روضه : لبيـــــه
بوسالم : لبيتي حاايه غلايه ..
تعالي اباج شوي ..
روضه سارت ويلست حذال ابوها ..
ولوا عليها بأيده اليمين وقال : روضه انتي مايتتي هالمزرعه من اربع سنين تقريبا وانا حبيت اسويلج شئ ضغير كـ هديه
روضه مسكت ايد ابوها وباستها وكملت بـ صدق ..: غلايه ليش تعب عمرك مب كافي اللي تسويه حقي ..
بوسالم : مم اسمعي انتي تذكرين جناحج اللي فوق ..؟
روضه : هيه ابويه اذكره ..
بوسالم: عيل سيري فوق وبتتطالعي اللي يسرج ..

ولاد عم روضه وعمامها وخالاتها كل واحد فيهم كان مشغول بشئ ..
بس شدهم بوسالم يوم زقر روضه ويلس يرمسها بهمس .."

عبدالباسط يرمس سيف : شكله وايد متعلق فيها ..
سيف : هيه الظاهر جيه حتى هي طالع عليها ..
/
\
روضه : بسير اطالع وبيي اوكي ابويه ..
بوسالم : سيري غلايه ..

طلعت روضه هي وحمدوه ويزوي فوق ع صوب الجناح ..
روضه : بنات احين جناحيه مكانه ولا غيروه ..
يزوي : لا تعالي مكانه ..
اول ماوصلت روضه خذال باب الجناح قالتلها حمده : روضه ويت ..

روضه : ليش ..؟
اخاف شي مازين مسويلي لو انه ابويه مستحيل يسويها ..
يزوي : خخخخ لا تخافي بس غمضي عيوونج .."
فتحت يزوي الباب اللي كانت مغمضه عيون روضه وحدرت روضه وكانت تحرك ايدينها ع جدام عسب تحسس الاشياء ..
يزوي : مستعده ..!
حمدوه : 1 ... 2 ...
يزوي تكمل : 3 ... 4 ... 5 أفتحــــــــي
اول مافتحت روضه جان تتطالع ...

/
\
/
\
/
\
الفيصل داخل القصر مالهم وكان يبا يطلع فوق جناحه بس سمع صوت اخته ميره تزقره ..!
ميره : الفيصـــل بلاك غلايه ..؟
( ميره 19 سنه سنه اولى جا معه ما تقل ابدا عن اخوها فالجمال متوسطه الطول يعني مب وايد طويله ، وبيضـه ، وعيونها جريبه اخوها عسليات جنهن محددات بالاخضر الغامج يعني ماشاء الله عليها قمه فالجمال شرات اخوها .." )

(الفيصل ابتسم بحنان عكس الضيجه اللي فداخل قلبه ومايدري ليش كل هالضيجه )
..
الفيصل : لبيــه .. عيونه .. امري تدللي ..؟
ميره ابتسمت بحب : فديتك والله وفديت هالطيبه .. بلاك غلايه جيه مضايج ..؟
الفيصل : هاه .. لاقلبي .. ولاشي .."
ميره جربت من اخوها اللي كان يالس فالغنفه وبمرح قالت : اعترف بنت منو هالمره تبا تأدب هـآه .. بس غريبه احيدك يوم تصيحهن تستانس بس اطالع العكس ..؟

الفيصل يت على باله روضه : ميــره ..!
ميره : لبيـه .. عيوني لك ..؟
الفيصل : تسلمين بس ابا منج خدمه (وابتسم بخبث )
(وميره فهمت عليه ) : لاااا مره ثانيه بتورطني مافيه حق المشاكل نسيت اخر مره يوم البنت قالت حق ابويه وقلت مب انا ميره كانت ربيعتها وتضاربن وانا يحليلي اول مره بحياتي اجوفها ..
الفيصـل : هههههه بس هذي غير اوعدج بتستانسين واايد عليها ..!
ميره : ههههه لا الظاهر البنت شئ مسويه فيك ..؟
الفيصل بغرور وثقه : تخســـــــي .. بس صدقيني هالبنت بتندم وغير عن كل ندم ندمته اي بنت .."
ميره وهي متحمسه : متوو هالبنت دخيلك قوولي ..؟
الفيصل : طالعي ترا البنت ما اي شخص يروملها واللي عرفته انها فقمه الغرور والثقه والبذخ الشديد ..
ميره : حـــــــــشى منو هااي ؟
الفيصل : تعرفين المزرعه اللي حذالنا ؟
لا تقول مزرعه بوسالم المليالدير
الفيصل ابتسم : حتى انتي تعرفينه ؟
ههههههه هو بشحمه ولحمه ...
ميره : وانا اقول ليش الفيصل يالس له جم يوم يخطط ويرمس ابويه عن المزارع لحد ابويه ما قاله اختار المزرعه وانا عليه البيزات ..
عسب هالسالــــــــــــــــــــفه واناااا اقووووول .."
واللله الظاهر هالبنت مب هينه الظاهر شئ قوو
الفيصل : الا بس قوو اقولج حتى ماترضى اترد على الشباب
تقول الشباب مب من مستوايه ..
ميره : خيبــــــه .. حتى يعني مارضت ترمسك ؟
الفيصل بخيبه امل : مارضت
بس فديتج انا الفيصل ولو ...
ميره : والله غريبه اول مره ما طالع بنت تربع وراك
الفيصل بقهر : لا اللي يقهرني صج برودها اللي يذبح
ميره : ههههه الظاهر مارمت عليها ولاول مره تغلبك بنت ..
الفيصل : ههههه حبيبتي مب انا الفيصل اللي تغلبني بنت طالعي بس طالعي
(وراواها صوره روضه اللي كان مصورنها فالحوي )
ميره بدهشه: يالـلـــــــــــــــــه صااروخ .. صااروخ
الفيصل : الله ينطبج انتي بنت وتقولين جيه .. عيل شو ودرتي حق الشباب
ميره : بس ماقلتلي من وين يبت هالصوره صج قوو مابتروم اتسوي شي وانت وياك هالصوره ..(وبفلسفه) يعني زخيتها يا فصيلان من ايدها اللي تعورها ..
الفيصل : البنت ايدها منجسره
ميره : هههه يحليلــــــها جني كنت اعرف
وفجأه صرخت : انت شقااايل تعرف ان ايدها منجسره ؟؟
الفيصل : هههههههه اووني بأدبها ..
ميره : انزين ماقلتلي شو تباني اسوي ؟
الفيصل : اسمعي ..
/
\
/
\
/
\
/
\
/
\
ويــــــــا البنات ...
روضه اول مافتحت عيونها جان تتطالع جناحها غير شكل كامل اسود واحمر يعني اليدران بعضها بالاسود وبعضها باللاحمر والاثاث كان بالكامل اسود ..
وعلى صوب مطبخ اوروبي جميع ديكوراته سوده وحمره ..
المطبخ عباره عن طاوله طويله بشكل طولي وحذاله كراسي دائريه سوده وحمره
اول ما مررت عيونها عـ البلازما اللي كان معلق على اليدار وكان ممدود بحاسب الي يعني تقدر تشتغل الكمبيوتر على الـ tv
.
مشت شوي بخطواتها الخفيفه لحد ماوصلت عند باب الحجره .. مدت ايدها وفتحت الباب ..
حدرت الحجره وكانت تتطالع على الشبريه السوده اللي كانت من وراء مخطايه بالمخمل الاحمر ..
ومررت ايدها على الستاير اللي كانت ممدوده من المخمل الاسود وفوقها قماش مخملي عود بالاحمر الغامج اللي كانت فيه كسرات خياليه ..
وعند نهايه الشبريه محطين غنفه من النوع الروماني الجديم المطرزه بالمخمل الاسود الاصيل .. وممدود فوقها قماش احمر بأهمال ..( يعني محطاي القماش الاحمر فوق الغنفه بدون ترتيب ظاهر شكله خباال ×خباال ..
.
مددت ايدها على اليدار اللي كان يومض بألوان جدا هاديه فيها ماسات باليدار ..
وفجأه صرخت روضه : فديـــــــــــــــــــــــــــته ياااااربي ( منو تتوقعون )؟؟
.
.
روضه كانت شابكه ايدينها فبعضهم وحطتهم حذال رقبتها ( يعني شرات ما الواحد يوم يكون مستانس من شئ وقاعد يطالع عليه بكل حب وماخوزت عيونها من الصوره اللي كانت محطايه على اليدار )
طبعا لحد الحين ما عرفتو شو روضه قاعده تتطالع ..
بوروضه يدري ان روضه والبنات يمووووتن على شئ اسمه (حمد العامري) فـ عسب جيه حب يهدي روضه هالصوره ..
كانت صوره الفنان حمد العامري فبرواز اسود ملكي رااقي جدا وتحت الصوره توقيع من الفنان حمد العامري (طبعا بأيدين حمد العامري ) وكانت الصوره ماخذه جزاء من اليدار لانها عووده ..
.
روضه على حركتها بعدها ..
جان اتيي يزوي من ورااء وتشهق : يااااااااااقلبي انـــــا .. وااافديته يااربي ..
وتربع حذال روضه ولا ارادي سوت شرات حركتها .. ياتهن حمدوه من ورا وتربع
بلاكن وشافتهن صافطات حذال الصوره جان تتطالع على الصوره وتصرخ : لاااااااااااا
حمــــــــــــــد مااصدق ...
جان يربعن بثلاثهن على الصوره ويقعدن يمسحن عليها واللي تتفدى واللي تسوي حركات انها بتموت خلاص واللي تمسح على توقيعه ..
كان شكلهن يموووت من الضحك ..
.
.
يزووي : وااافديته عمي بوسالم ..
حمده : حتى انا فديته عمي بوسالم ..
روضـه : ايــــــه لا تتفدن ابويه انا اتفداه بس ..
وه فديت ابوويه ياربي كله ذووق ..
.
.
عقبها حدرت روضه حجره تبديل الملابس اللي كانت بالاحمر الغامج وداخلها بدلات وملابس من ارقى الماركات العالميه ..
خرجن قوم حمدوه ويزوي من الحجره وسارن الصاله يلعبن بالكمبيوتر ..
اما ويا روضه بالداخل ..
مرت حذال التسريحه بس شدها فيها شئ محطاي ..
مدت اناملها الرقيقه والطويله تتلمس البرواز الوردي المجسر واللي واضح انه ملزق وكان داخل البرواز صوره لـ روضه وعهود (الله يرحمها)
يالسات حذال بعض .. والضحكه شاقه الحلج ..
اول ماشافت الصوره والبرواز المجسر نزلت بالقو على الارض (يعني ضربت الارض بركبها شرات ما الواحد يوم ينهار )
روضه وبكل حزن الدنيا : شو يـــــــــــابج انتـي هنــي هااا شو يـــابج
وكانت اتعلي صوتها وهي تصررخ على الصوره..
اكيد هلي قصدهم ايضايجون فيه ..
.
ابحرت روضه بذكرياتها .... وردت للماضي :
بعد ماردت روضه من المول وكانت صج متحطمه ومنجسره وقلبها مغروس فيه سجين الغدر ..
اول مايات عيونها على البرواز اللي هي وعهود اشترنه ويا بعض فرته روضه بقوه على الارض وتجسر البرواز وعقبها عقت عمرها فوق الزجاج المتناثر ..
وكانت اتصيح بكل عبره والم يحرق القلب وشهقاتها تتعالى كل مالها وتزيد : لااا ليش انا يااربي .. الا عهود ياربي الا عهود .. ماصدق .. اااه ياربي ارحمني (وصياحها كان يعور القلب ) ياااربي اباا امووت اكرهـــــــــا .. اكره كـــل هالدنيا كل هالناس جذابه .. محد منهم صادق .. طول عمريه بعيش وحيده .
الكل جذاب الكـــــــل .. حتى انتي ياعهود .. خنتيني وغرستي سجين الغدر بيوفي ..
واثرها بيبجا طول العمر .. آآآه ياليت لو حد غيرج سوى هالسوات ...
خلاااص انا انتهيت روحي غدرت فيه شبقى بعد ..
نشت تتطالع فونها اللي كان يرن عاد له ساعه كامله ..
واول ما نشت مرت على المرايه وطالعت منظر يخوف بصدق
كان كامل جسمها من جدام مغطى بالدم لانها كانت راقده على الزجاج المجسر ..

انشغلت بعمرها ونست الفون اللي احين بينفجر من الصياح ..
.
ردت لماضيها المر وهي تتطالع البرواز اللي بيدينها واللي واضح عليه انه قبل جيه كان مجسر ..
مررت نظرها على الصوره بس مسرع ما شالت نظرها عن الصوره ..
ماتبا تتطالع على وحده خانتها ,, بس مسرع ما ردت نظرها على الصوره وحضنتها بالقـــــــو ..
روضه من بين دموعها : اشتقت لج يا عهوود اشتقت لج .. ليتج اتعودين والله بسامحج بس ردي دخيلج ... ليش توفيتي ليش .. ليش الموت خذاج .. ليتني رديت عليج يوم تتصلين .. عسب اسمع صوتج لاخر مره بحيااتي ..
روضه وشهقاتها تعلى اكثر : آآآآآه ياعهود ليـــــــش الموت كان اقرب لج مني بس وررربي احبج .. ليش استسلمتي ليش ما دقيتي عليه مره ثاانيه ..
(روضه خلاص ويها احمر من الصيـاح ودموعها غطت ملامح ويها البريئ بالملامح الطفوليه )
روضه تنهدت بالقوو وكانت تحاول تتنفس لانها تعبت عمرها واايد والدكتور ياما حذرها بعدم بذل مجهود ..
.
حاولت تسحب كميه من الهواء لانها تحس عمرها بتختنق خلاااص ..
كانت دموعها تذرف وقلبها يذرف من الالم والجروح اللي ادمته ..
.
سمعت قوم يزوي يايات صوب الحجره ونشت بسرعه وسارت الحمام (وانتو بكرامه)
عسب مايطالعن دموعها اللي ياما حبستهن داخل يوفها اللي يشتعل من الضيج الهم اللي يسريبه ..
وهي بالحمام مارامت توقف حست عمرها مشلوله يلست بالارضيه وحضنت ريولها
ومره ثانيه عادت لماضيها وذكرياتها :
سارت حق ابوها ومن بعد الحادثه اللي استوتلها
روضه وهي خلاص متحطمه بس تحاول تخفي الالم : ابويه ابا ارمسك فموضوع واايد مهم .
بوسالم : خير بنتي بلاج جيه ..
روضه : ابويه انا قررت اكمل دراستي بالخارج
بوسالم بخوف : شـــــــــــو .. روضه انتي شو قاعده تقولين انا مستحيل اودرج لروحج مستحيـــــل ..
روضه وبكل ضيجه الدنيا بس بعدها تقاوم وتخفيها : ابويه انا قررت وخلاص .. ومستحيل اتم هني فالبلاد ..
ابويه انت طول عمرك تحترم قراراتي وتأكد انه هالقرار هو الصح ..
بوسالم : بس روضه انا اخاف عليج ..
روضه : ابويه لا تخاف ولا هم يحزنون .. وترا انا بكون فقصرنا اللي فـ باريس مب فسكن عسبت اتخاف عليه ..
والخدم والكل بيكونون ويايه .. ولا تنسى ان بعض من هلك هناك ..
بوسالم : روضه مادري بس انامول مب مقتنع بسفرتج ..
بس انا اللي اعرفه ان قراراتج كلهن ايكون عين الصواب ..
واتمنى هالقرار اللي اتخذتيه ايكون منهن ..
.
طبعا مع اعتراض اخوان روضه وامها .. الا ان ابوها وقف فصفها ومن عقب رمست بوسالم محد يتجرا ايزيد كلمه على رمسته ..
.
.

صحت من ذكرياتها المليئه بالالام المخفيه بصوت يزوي : روووضه انتي تسمعيني وينج انتي داخل ..
روضه وتوها تحس بعمرها وتحاول اتعدل من صوتها : هاا .. هيه انا هني .. (وتحاول تتصنع المرح ) حرام الواحد يحدر الحمام (ونزلت دمعتها وهي تقول هالجمله )
بسرعه مسحتها ونشت اتغسل ويها حطت بلاشر على خشمها عسب تخفي اثار الدموع ..
ظهرت روضه ويلس وياهن وعقب ثواني يات البشكاره وقالت : مس روضه فيه بنت يريد انته تحت ..
روضه : منو ؟
البشكاره : مافيه يعرف ..؟
روضه : اوكي شوفي حدريها الميلس واحين قوم يزوي بينزلن وانا ثواني اغير ملابسي وبيي .
البشكاره : اوكي ..
روضه : يزوي حمدوه احين سيرن الميلس ويا البين وانا بغير ملابسي وبنزل اوكي
سارن قوم يزوي وحمدوه تحت ..
يزوي وهي وحمدوه فـ المصعد : منو هاي اللي احين يايه ؟
حمدوه: والله مادري عنها ؟
يزوي : غريبه محد يدري انه نحن ياين المزرعه ..
سارن البنات الملحق اللي برع وهو الميلس العود .. وحدرن البنات وسلمن على البنت ..
نزلت روضه اللي كانت لابسه كندوره عربيه فخمه لونها اسود وعليها ورود صغيره مايل لونها على اللون الاخضر الفاتح ومحطيه جحل على عيونها العسليه الناعسه وقلوس مجرد لمعه من كاراشيل .. ورشت من عطر جفانشي وعقبها نزلت ..
وهي تنزل من الدري يا بويها عبدالله .. وكان عبدالله متبهت من اللي مرت حذاله بس روضه تمشي ولا تتطالع على اللي حواليها ..
الكل يقول غرور بس روضه كانت اتفكر وبصراحه ما انكر روضه فقمه الغرور ..
عبدالله : الله واكبر حتى ماتفيس .. ما منها من هالجمال
روضه ماسمعت الا اخر كلمتين وسوت له طااف ..
ظهرت من القصر وسارت الملحق اللي برع وهو الميلس التابع للقصر ..
اول ماحدرت .
روضه : السلام عليكم والرحمه
نشت البنت : وعليكم السلام والرحمه ..
روضه من سمعت الصوت بسرعه رفعت راسها بس اللي صدمها النسخه الثانيه للفيصل اللي جدامها ..
عيونها وفيسها وكل شي الا طولها ..
روضه وقفت تتطالع عليها من الصدمه لانها شاكه فالموضوع ..
ميره بس تتطالع على روضه وعلى جمالها الصارخ ..
روضه : اهاا انتي احين اختها مب جيه ؟
ميره : اخت منو ..؟
يزوي وحمدوه مول مب فاهمات شي ..
ميره بحده : لو سمحتي ابا ارمسج على انفراد ..
البنات فهمن التلميح وظهرن وتفاجأن من تغير ميره المفاجأ ..
بعد ما كانت فـ قمه الطيبه تغيرت فجأه من عقب ما شافت روضه ..
ميره : اهاا احين انتي روضه ..
روضه بغرورها المعتاد وبثقه : روضه بنت احمد ..الفخر كله لو سمحتي ..
ميره : ههههه مادري على شو كل هالغرور ..
روضه : ممم قلتيلي تبيني فموضوع شو هالموضوع بسرعه لانج واايد محظوظه
غيرج قبل لا اييون لازم يكون عندهم موعد ..
ميره : اتصدقين ارحمج لانج مغروره على لا شئ ...
يعني بيني وبينج قوليلي منو اللي قص عليج عسب اسير ارمسه لا يجذب عليج مره ثانيه ..

روضه بكل غرور الدنيا :هههههههههههه وآآي (تنرفزت ميره من ضحكه روضه )..انتــــي (ومررت أصبعها السبابه من فووق رأس ميره لحد تحت ريولها ) ..ترمسيــني ااناا (ومدت اصبعها ع نفــسها )بهــــالطريقه الوقــحه..لا والله هززلت اخر زمن وحده طراره تيي وتطلب تقابلني ومن عقب ما شافت لي شكلي ماتت من الغيره وقالت خليني اهزها . ماتدري انها تحاول تهز جبل <<امووووت ع الثقه
.
ميييييييييييره خلااااص حست عمرهــا وبــاله وبـ خاطرها قالت:الله ينطبك يالفيصل ورطنـي ويـا ناس ماترمس موول من الغرور والثقه .. اول مره بـحياتي انهان جيـه ..
وقالت بـحقره تحاول ترد من اعتبارها :هااااااااي انتي مااسمح لج ترمسيني بـهالطريه لانج بـ يوم من الايام بتستووين بـشكارتي انتي فـاهمه ..!

روضه خلااص بتموت من الضحك يتها نوبه الصحك لا والقهر ضحكتتها تنرفز و بـالقو بعد :ههههههههههههه ههههههه وآآآي هههههههههه لاحرام هههه اقولج سيري ارقدي واحلمي انه روضه بنت احمد بشكارتج او انه حتى فـ الحلم مابيتحقق هـ الشي لااحظـــي فـالحلم مابيتحقق ..شقاايل عاده بـيتحقق فـ الحقيقه ههههههههههههههه لا يااا ناس وايد قاصه ع عمرها ههه تصدقين وايد رحمتج ..واااايد وااايد ... احسج وايد تحلمين ..هههه (وفـجأه سكتت روضه) ...

.
وبعد ثواني كملت :ويــلا احين من غير مطروود برع المزرعه .. لا اطالع ويهج مره ثانيه يا راعية الاحلام الــغير واااقعه ...!

ميره خلاص تحس عمـرها انهانت وبـالقوو بعد .. اونها يايه تهيـن روضه بـس انهانت ..

(اول ما ظهرت ميره قالت رووضه : مب جنيه قسيـت عليها بـزياده ..
يــــا رووضه البنت يييت تتهجم عليج فـ بيتكم .. وتسبج ..معقووله تسكتين ولا تردين عليها .. ودري عنج هـالطيبه .. يــارووضه الطيب فـ هالزمن ما له مكــان ..والطيَب ورطـه فـ هالززمن ... مب كــافي الي ياج من طيــبج ...
وسكتت من عقب هـــ الذكررى ..
.
ظهرت من الميلس .. وسارت صوب القـصر وحدرت ..محد كان موجود فـ الصاله اااابج
الكل كانو راقدين .. .
.
يلست فـ الصاله المقابله للدري ..
عقب ثواني حست بـشخص يجرب صوبها وفـجأه يلس حذالها ..
رفعت رأسها عسب تطالع منو هاآآ ...؟!
منصور : رووضه بلاج غلايــه ..؟!
روضه بـ ابتسامه صفراء :ولاشي ...لاتشغل بالك ..
.
ماحب يضغط على روضه لانه يدري انه روضه من المستحيلات ترمس بـ اي شي يخصها ..
.
حطت رأسها بـجتف منصور وقالت : ابــا ارقـد ..
منصور :هههههه لا وين رووضه اللي الصبح تقوول ام النشـاط واحين حتى ما رايمه تفجين عيوونج ...
.
مر عبدالله عليهم الي كان يبا يسير المطبـخ .. وشاف روضه محطيه رأسها بـ جتف منصوور وقال بـ خاطره : هـ البنت مالها ولــي عسب جيه تسوي .. والله حاله ..عاده مدلــعه وبتسوي كل شي ع كيفها مب جـنه ولد خالتها بـــس
(صعب تحس بشـعور بـالكل يضلمك لا والقـهر من اجرب الناس إلـك ..
.
بسرعه رد عبدالله عسب لا يحسون فـيه ..
بس روضه ما فـاتها ظل عبدالله .. لانه عندها قوه ملاحظه شديده ..
منصور :شو تطالعين ..؟
روضه حاولت تخفي الموضوع : لا ولااا شئ ..
وحاولت تغطي ع الموضوع :ويــن البــنات ..؟
منصور : مم ع ما اظــن فــ صاله الالــعاب ..!
روضه : وين هاي بـعد ..؟
منصور:ههههههه مانلومج بـطرانه كول ماتيين ويـانا يوم نيي ..!
روضه بخاطرها وبضيجه :خلها مستووره ..
منصور :طالعي حذال ملحق الميلس العود في ملحق ثاني حذاله احدريه وبـ تطالعي مدينه العاب ..
روضه :والله ابويه متفيج يسوي حق القرود حديـقه ..
منصور :يالحيووانه ..
ونشت روضه تربع وهو يربع وراءها ..
.
ظهرت من القـصر وكان منصور وراءها ..
سارت وراء الكراسي ..:منصوور بس دخيل والديك ..والله ما اروم .. تعبانه ..ارحمني ..
منصور :ماشي رحمه لاتحلـمي ..
روضه تربع بـس مارتوم وايد شرات منصور وكانت يـالسه تصرخ وتقوول : منصور حرام عليك والله تـعبت ..احين بـيون قوم عبدالله .. وفـضيحه جيه يـطالعووني ارروووبع ..
منصور بأستغراب :شو هاي بعـد ارووبع ..؟
رووضه وقفت حذال باب المزرعه الرئيسي الي جدامه الشارع العام للمزارع ..
رووضه : منصور ترا والله بـفضحك ..بظهر برع جــيه ..عسب يقولون شباب مزرعه عيال الـ **** يسون سبب حق البنات عسـب يظهرن ..
.
(منصور سكت يابته من الايد اللي تعووره .. )
وقف منصور يوم طالع رووضه جدام الباب ..يدري بها خبــله وبتسوويها ...
.
منصور :حبيبتـي روضه بنتفـاهم خلاص خلاااص ..
وكان يجرب من صوبـها بـ خطوات مول مب ظاهره ..
.
صرخت روضه وقالت : منصور ترا اطالعك يالس تجرب صووبيه .. احسن لك ابعد يــا والله ثم والله .. بقول حق ابوويه منصور يضــربنـي ..
.
منصور بصــدمه :يالحيوووانه انا ضربتج ..هاااه..؟
رووضه :هيه انت ..
.
نزلت روضه تعدل كنـدورتها وجان يفز منصـور ويزخـها .. ومن الزيغه صرخت روضه
.
رووضه:لااا يـالحيوان وودرني ..ودرني ..منصور ودرنـي ..
كان منصور زاخ روضه من خصـرها بأيده اليمين وايده الثانيه من رأسها ..
رووضه :منصور يالتيس يالخبل ودرني ...عيب لا ايي احد ويطالعك جيه زاخني ..
اكيد بيفهم غلط ..ههههههه منصور يالتيس بموت من الضحك وودرنـي ..
مايعيبني احد يلمسني من خصري وودرنــي ..
.
مرت سياره من الطريــج و اول ما ما طالعها منصور ماره سحب رووضه ع صووبه يعني صكها ع صدره ..عسب يخفيها ..لانه روضه كانت مجابله الشارع اما هو وراء يدار ..

" الريال الي داخل الموتر شاف الموقف قبل لا منصور يسحب روضه ..
يعني شاف يوم منصوور زاخ روضه وماسكها من خصرها وهـي تضحك ..
.
منصور: الله ينطبج يارووضه .. يالخبل ..ورطـــينا .. احين الكل يعرف انه هـ المزرعه مزرعه بو سالم ..احين اكيــد بيفهمون غلط..
.
روضه :تستاهل منك انت السبب ..
منصور كتم غيصه وقال :معــليه ..
روضه :هههههههههه ( وسكتت فجـأه و طالعته بنص عين وقالت ) لاتهدد ..
.
طوول ما كانوا يتضـاربون فيـه عيون كانت تراقبهم وكـانت صج حـاقده عليهم ..
.
روضه ترمس منصور وهم يـمشون بـيحدرون الـقصر :منـصور ..!
منصور بدفاشه :هاه يـالخبل ..
روضه : احين كل الشباب برع مب جيـه ..؟
منصور :اوف ترا غثيتينيه قلت لج مليون مره جدام عيونيه ظاهرين ..وركبوا السيارت وطمنت عليهم وبستهم بـعد ..
روضه :بــعد ..
( روضه كانت شاكه فـ الوضع لانها مستحيل تحلم .. جدام عيونها مر عبدالله )
منصور بتساؤل: بس ليش تسـألين ..؟
روضه تحاول تخفي الموضوع:اونه بعد ليــش .. يعني فضيـحه يطالعوني جيه اتمخطـر فـ المزرعه ويـاك ..
منصور : انا ماادري من وين تيبين هـ الكلمات .. وبعدين شو فيها عادي انا اخووج ..
روضه : صح مافيها شي ألعب ويـاك ..بس فيــها انهم هم يطالعوني اربع وجيه فهمت يالـغبـي ..
منصور : هيه فهمت قالولج خبل ولا شو ..؟
روضه بصوت هامس :بعد هاي فيـها شك انك خـبل ..؟
منصور سمعها شو قالت بس حب يتأكد : شو قلـتي .؟
روضه بمصخره واضحه : قلت محشوم ( وتمدها ) فديـــــــــــــتك
محشووووووووووووووووم ..
منصور مد ايده وضربـها فـ ويها وردت ع وراء من الضربه : عن الــمصخره ..
.
روضه:ههههههه زين يوم دريت <<مول ماشغلها تجامل مره فـ الويه كااش خخ
.
حدروا القصــر ومنصور سار جناحهم عسب يرقد وروضه سارت جناحها ..
( اول ما حدرت مررت نظرها لـجناح وطالعت شـكثر هو فـخم ..ابتسمت بس فـجأه طرا ع بـالهـا ذكرى ..
فـ يوم كانت روضه راده من زيـاره وحده من ربيعاتها .. سارت لـ ابوها وقالت له ..
روضه : باباتــي ..
بو سالم : هـاه فديتج ..
روضه :ابوويه يا اخي عيبـتني حجره ربيعتيه كامل سوده وحمره يــالله يا ابوويه شقـايل حلووه وتخبـل ..
بو سالم ابتسم وودرها مـكانها ..
.
روضه وقتها زعلت ليش انه ابوها ما عطاها ويـه ..
.
عقبها صحت من ذكرها وابتسمت وقالت : فديت روحك يا ابويه قلت انه هاك الابتسامه مستحيل استهزاء فيـه ..ادري لو كل الناس يستهزاون فيه بـتبجي انت الوحيد ..
.
\
/
\
/
\
/
بيـت بو الفيــصل ..
.
الفيصل كان مبحر فـ افكاره غير الواقعه يعني كلهن من خياله بــس :
لا والله يـا روضه بعد حركات حب انتي وها الي مايتسمى منصور ..لاو القهر وسط الشارع مول مايستحون .. صج ماشي حيا .. كنت اتوقعها انها من هـالنوعيه بـس اليوم تأكدت اليوم بس .. ورب الـكعبه ياروضه بتندمين .. واول خطـوه اليوم بـتم ..
.
\
/
فـ شرات البيت ..
ولكن ها المره ويــا ميره ..
.
بعد ماردت ميره من مزرعه بو سالم .. كان اقل شي فـ خاطرها تسويه تجتل الفيصل اذا يكفيــه ..
ميره بقهر الدنيــا كله : امااايــــــه ... امـــــــــايه ... وين هـ الحيووان وينه ..؟
ام الفيصـل : منو ها لا يكون اخووج ..؟
ميره : هيه وفيه غيره مشكلجي .. والله براوويه يتريــاني بس ..
ام الفيصل : ميره احترمي اخوج العود عاده كله ولا اخوج انتي فـاهمه ..؟
.
( ام الفيصل فـ الاربعيـنات لكن الي يطالعها يقول هاي اكيد فـ الثلاثينات ..
يعني شخصيتها وايد جريبه من شخصيع ام سالم ..)
.
ميره من القــهر رقت الدري بســرعه بس فجـأه توقفت لانها سمعت بــاب الفله ينفـج ..
حدر الفيـصل وييهه محمر من الــحراره ..
ام الفيص :مرحبا الساع والله ...بلاك غلايه جيه ..؟
الفيصل :سلامتج الغاليه ولا شي ..
ميره صرخت من القهر اللي بـداخلها : يـالحيوان انا براوويك معــليه (
ونزلت من الدري تبا تضرب الفيصل)
الفيص بس توه يتذكر شو مكلف مييره تسووي .. لا اراديــا ضحك ..:ههههههههه
لا الظــاهر ربيــعتج أدبــتج ولا انا غلطان هههههههههه
.
ميره تصرخ :يالحيووان انا ميره الـ **** .. جيه يستوي فـيه .. اقولك خلتني ما اسوى شئ ..حسيت بـ عمريه سبــاله ..
الفيصل بمصخره :ههههه لا ميره الي مأدبه الكل تتأدب والله يـ الدنيا دواره .. وظهر من هو اقو منج واكثر عمج مـغرور يا ميروووه ...ههههههههههه..
ماقلت لج غرورها ما اظن موجود شراته فـ هالدينا .. قلتي لي لاااا انا قدها ..يلا انتي قدها احين ماتسوين سبال هههههههههههههههههههه
.
ام الفيص فهمت الموضوع بس ما عطته اهتمام وايد : الفيصل انا وابوك جم مره حذرناك تترك هـ السوالف هاه .. بسك عااد .. تعبتنا ويــاك ...
( وسارت وتركتهم بــ رواحهم ..)
.
ميره :والله يالفيصل بـتندم صددقني ..بتندم
(ورقت الدري وسارت فووق لانها مقهوووره للاخر ..)
الفيصل :ههههههههه اخــر زمن بــنت تهدد الفيصل والله حـاله ..
.
وعقبها تم الفيصل يتكتك ويرتب الامور فـ الخطه الي اليوم بينفــذها ..
.
/
\
/
\
/
ويــــا البـــنات ..
.
حمدوه: احين .. ويــن رووضه ..؟
يزووي: اكيــد راقده ..
عواش:والله حتى انا خاطريه ارقد ..
يزوي: نشن ..منسير جنــاحها ..
.
سارن البنات فوق .. واول ماحدرن جان يطالعن رضه راقده فـ حجرتها ..
يزوي: رووضه ... روضه ..روضه ..
روضه ترمس وهي راقده :هآآآه ..اووف ..وخر ..اييييييه ..وخر ..
حمدوه:هههههههه يزوي وخـــــر هههههه ..
عواش : ودريها حرام ..محد بيحس فيها غيريه انا لاني برقد شراتها ..
.
ظهرن البنات " حمدوه ويزوي" يطـالعن الـ tv .. وودرن روضه وعواش يرقـدن براحتهن ..
.
\
/
\
/
\
/
\
/
سـار عبدالله الميلس العود وطالعن بو سالم وبوراشد وبو عبدالباسط توهم يحدرون الميـلس بعد ماكانوا فـ رحله عمل قصيره ..
سـلم عليهم .. وعقب بو سالم قال : ولديـه عبدالله وين اخوانك (يقصد الشبـاب)
عبدالله: والله ظاهرين من ساعه ولحد احين ما ردوا ..
بو عبدالباسط:آهــآ عيل وين اهلك البـاجين ..؟
عبدالله : والله ع مااظن انه الكل رقوود
بو راشد :حشـى الساعه 3 ماخواطرهم يتغدوون ..؟
بو سالم :ابوويه عبدالله .. سير رمس البشاكير يزقرونهم وحطون الغداء ترا حدنا تعبانين ..
.
.
عبدالله :تأمر امر يالغالي ..
عقبها سار عبدالله .. وسار وقال حق البشاكير يزقرون هله عسب ينزلوون ..
ماثواني وكان الكل نازل ..ما عدا روضه ما رضت تنش من الرقاد
.
وبعد ما دق بو سالم ع الشباب ..ردو وكان الكل فـ غضون ربع ساعه موجود فـ الصاله ..
بـعد ما الكل يلس ع الطاوله ام سالم تتخبر يزوي عن روضه : اليازيه غلايه وين اختج روضه ..؟
اليازيه:ممم رواضي راقده اونها تعبـانه ..
بو سالم فز وقال : بلاها ... لا تكون مريضه ..؟
اليازيه بـ احترام : لا عميه الحمدالله مافيها شي بس شويه ارهاق
.
عبدالله كان صج مقهور من الي طالعه .. وقال بـصوت خافت :ما من شي بتتعب ترا مطيحه ويـا ها الي مايتسـمى ..
محمد كان وايد جريب من عبدالله عسب جيه سمعه يوم قال ها الرمسه ..
محمد : عبدالله بلاك ..؟
عبدالله بـلعثمه :هاه ..لا لا ولاشي ..
محمد سكت عن عبدالله مايبا يتضـارب وياه جدام اعمامه ..
وحول نظره لـ امه بس فـجأه طاحت عينه ع يزوي وع طول نزل رأسه ع آلصحن ..
.
محمد غصب عنه كان خاطره يرفع راسه .. بس شي يمنعه يرفع عيونه ..
بس فـجأه مره ثـانيه رفع عيونها وركزها ع يزوي ..
.
عبـدالباسط يرمس سيف : سيفووه عقب ابا اروويك شئ ..
سيف بفضوول :شو هـ الشئ ..؟
عبدالباسط :اووف اصلا انا غلطان يوم رمستك
سيف بـعياره :افا يا بسووطـــي
عبدالباسط :حوو شو هالدلع المـاصخ ..؟
سيف :افا حبيبي ماعيبك
عبدالباسط : لا ماعيبني ..ويلا انجب ترا مافيه ..
.
وفـ جهه ثـانيه ..
.
حمد يرمس منصور :امتى مباره العيــن ..؟
منصور :الليله المباره ..بس يقولوا فـالديفيا مابيحدر فـ اللعب ..
حمد :اوووووه عيل الشيمه لاتفووتنا ..
.
بـ طبع محمد وعبدالله واايد جريبين من بعض وكل واحد يعرف اسرار الثـاني ..
.
عبدالله : حموود شو اخبار الهنووف ..؟
محمد بـ ألم : خبرك عتيـج ..ظهرت البنت ماتحبني كله هـ اللعب كان بس عسب بيزاتيه .. ( وآبتسم بـألم)
عبدالله: اووووف متى هـ الرمسه ..؟
محمد تنهد: من فتـره .. ترا انت محد يشوفك موول ..
عبدالله: صج حقيره ..
محمد بـ ألم : الله يسامحها ..
من جهه ثانيه أم سالم وام راشد ياسات يرمسن بعض
أم راشد: لا يا وخيتيـه محد قالي
أم سالم : والله مادري عنها بس اللي ادري عنه انها بنت مانع الـ*** ..
وفجهه ثانيه أم الريم وام عبد العزيز يالسات ويا بعض ..
وجــان فجـأه يرمس بو سالم :
بوسالم : اسمعو حبيت اقولكم انه سعيد سالم الـ .. عازمنا اليوم فمزرعته ...
وهاه ماوصيكم اباكم كلكم اتسيرون .. ومحد يسوي لي عواذر وحجج الكل بيسير ..
بو راشد : هيه ترا منقود الريال عزمنا كلنا ومايستوي مانسير ..
بوعبدالعزيز: لا ان شاء الله الكل بيكونو موجودين ..!
\
/
\
/
\
/
\
حمده واخيرا رفعت راسها من الصحن وجان
طيح عينها فـ حمد ..
( حمد كان قاعد ياكل ومسوي طاف حق الكل<< جدامه اكل خخ)
بسرعه نزلت راسها عسب محد يلاحظ نظراتها انها قاعده تتطالع على حمد ..
حمده فخاطرها : ما شاء الله .. هب ولد قسم بالله
جنه بنت من هالجمال .. ربي يحفظه ..
وجان اتي لحمدوه دوسه محترمه ..
كانت الدوسه من يزوي لانها لاحظت نظرات حمده لـ حمد لان يزوي قاعده حذال حمده
حمدوه بغت اتغص بس مسكت عمرها وقرصت يزوي فـ ريولها بقوو
ويزوي بطلعت عيونها من الـ الالم وسوت حركه على انج
صبري عقب بلاعبج اللعب الغاوي << ناويه على شر خخخ
.
منصور بهمس : حمد صوبنا ..!
حمد وهو يبلع اللي فحلجه عسب يرمس : هـآه ..؟
منصور يهمس : مطير عيون البنات ..
حمد : منو هايل ما طالع حد يالس يطالع عليه ..!
منصور ولا زال يهمس عسب محد يسمعه ويتعمد يقول : على ما اظن اللي
جدامك اسمها حمده مب جيه ..! << (يعرف انها حمده بس نذل خخخ)
حمد اول ماسمع اسم حمده رفع راسه وطالع على منصور بصدمه ..!!!
منصور : شوي شوي على عيونك لا يظهرن ..
حمد ويرمس بسرعه وبهمس : بلاها شو سوت ، هي طالعت عليه ..
منصور : ههههههه وككككك
وجان يصرخ حمد : قــــــــــول ..
(اول ماصرخ كل اللي فـ صاله الطعام لفو يطالعو على حمد ..!!)
حمد قفط وضحك ضحكه كـ تغطيه على الموضوع : هاهاهاها << تنعرف انها مب من خاطره ..
منصور : والله وياحمده ظهرتي شئ .. آآه حمد تبا الصدق انا احب بس محد يعرف ..
حمد بهمس : عن الطنازه وقولي هي طالعت عليه ..!
منصور نش من الكرسي : الحمد لله .. اللهم ادمها من نعمه ..
حمد اول ما شاف منصور نش ، حتى هو نش وراه ..
حمد من وراء منصور : ياخي منصور قوووول << الفضول ومايفعل
منصور سار صوب المغاسل ويغني : "" احبك وابغي قربك ياحبيبي ""
حمد : حبتــــــــــــك قرده ان شاء الله .. يااخي منصور قوول
شو استوى دخيلك يلا عااد << بيذبحه الفضول خخخ
منصور يغسل حلجه وهو يغني : "" من يحبك كثر ما احبك انـــــــــا .. ""
حمد عصب: يالخااااايس قوووووووول ....!
منصور : ههههههه خلاص بقول << عقب ماذل الريال
حمد : هيه قول بسرعه ...؟؟
منصور : تعرف من قاعد يطالعك
حمد يصرخ : هيــــــه
منصور: هاكي الـ (وجان يقطع عليهم بو راشد) وحدر يغسل ..
بو راشد : شو تسون هـــآه ؟؟
حمد : لا ولا شئ قاعدين نغسل وجيه
بو راشد يعرف انهم مايغسلون بس ما ناقشهم : اهاا ( غسل بوراشد وظهر)
اول ماظهر بو راشد جان يفز حمد ويضرب منصور : يالخـــــــــــايس قووول تراك ذليتني ..؟
منصور : اووف انزين حمده كانت تتطالع عليك وعقب نزلت راسها
حمد : قوول قسم ..؟
منصور : قثـــــم قثمــــــات ..
حمد والضحكه شااقه الحلج : خخ الحمد لله
هني منصور طاح فالارض من الضحك
لان شكل حمد وهو محطي ايدينه فخصره ويضحك بضحكه
انتصار يجتل من الضحك : هههههههههههه
هههههههههههههههه فــــــديت اللي يحبوون
حمد : اقول جب .. (وظهر حمد وعقب تبعه منصور )
\/
\
/
\
/

/
\
روضه نشت من الرقاد وتحس راسها وااايد ثجيل
روضه : آه رااسي .. (مدت ايدينها على الفون عسب تتطالع الساعه كم ..)
أوووف الساعه 4 وانا ماصليت ..
نشت الحمام تتوضا وانتو بكرامه وهي تغسل ويها مررت ايدها على ويها وهي تتحسسه
روضه : الحمد لله على هالنعمه لكن شو فايده الجمال دون الراحه ( مررت ايدها على عيونها)
روضه : آآآه ياعيوني ليش كل هالحزن .. اول محد يطالعج يقول ياحلات هالعيون بس محد يعرف
شو تخفين وراج ..
حاولت تخلص بسرعه عسب لا تفكر فـ شئ وظهرت من الـ WC
وانتو بكرامه ..
صلت وعقب قرت قران عسب ترتاح ( من عاده روضه انها عقب كل صلاه تقرا صفحتين من القران)
عدلت من جحلتها ولبست شيلتها وعقب نزلت ..
مرت على الصاله المفتوحه بس محد ..
حدرت جناح الخدم والمطبخ ، طالعت كل البشاكير موجودين وزقرت بشكاراتها
(انجي ، ميشيل)
روضه : where my family ( اين عائلتي)
انجي: I think in the garden ( اظن في الحديقه )
روضه وهي ترمس ميشيل : go up and bring my phon ( اصعدي للاعلى واحظري تلفوني)
ميشيل : ok miss rawth (حسنا انسه روضه)
.
ظهرت روضه الحديقه بس محد .. سارت صوب ملحق الميالس بس بعد محد ..
سارت عند السومينق بول وطالعت الشباب يسبحون بس البنات محد ..
( أم سالم + ام الريم + ام عزوز + ام راشد ) قاعدات فـ طاوله حذال السومنق بول ( وابوها وعمومتها فـ طاوله لرواحهم ..) ..
.
روضه : السلام عليكم ..
امها وخالتها : وعليكم السلام والرحمه ..
امها : روضه حبيبتي تعبانه ..؟
روضه : لا اميه بس شوي راسي ..
ام الريم : شربتي بندول ؟
روضه : لا
ام راشد : عيل اميه سيري خذيلج بندول ترا بيروح منج العوق بأذن الله ..
روضه : ان شاء الله خالوه احين بسير بس وين البنات ؟
ام عبدالعزيز : والله داخل عند ملحق التسالي اونهن يسبحن ..
روضه : بعد شئ داخل الملحق سومينق بول ؟
ام سالم : هيه اميه ترا هاك الملحق زاده ابوج اونه حرام حق البنات ..
روضه : فديت ابويه ..
وجان اتسير روضه صوب الملحق .. اول ماوصلت صوب الملحق بس وقفت
تتطالع عليه شكله واايد عود ..
اول مافتحت الباب اللي يحتاج لقوه دفع عسب يفتح
وهي تحاول تفتحه حست بهواء يندفع لصوبها بقوه .. وغمض عيونها ..
واول مافتحت عيونها امتد نظرها للسومينق بول اللي جدامها وتسمع مباغم البنات
.
حمده وهي تصرخ : رووووووووضه لو مايتــــــــــي
عواش : ويلي انـا يا ويلي .. يا القمر صوبي ..
روضه : هههههه ..
وتصرخ روضه فجـأه : وااااابويه يزوي بلاها جيه صااخه لا يكون فيها شي ..!!
البنات حمده وعواش : هههههههههههه
عواش : اسكتي عنها احين .. اونها تغوص اللي اكثر تقدر تصبر من دون اكسجين ..خخخ
روضه : هيــــــه اجتــلن البنت ..
حمده : تعالي روضه اسبحي ويانا
روضه : لا رااسي يعورني ..
( ومشت عنهن عسب تستكشف المكان )
حدرت من باب كهربائي .. ع صاله عوده مفتوحه اول ما مررت نظرها تتطالع جدامها
صاله ألعاب ومب اي صاله .."
( بليارد ، بولينق ، تنس ، وعلى صوب يلسه كراسي وغنفات وشاشه بلازما ممدود عليها
( X box ) .. طبعا البولينق ماخذه نصف المساحه ..
مشت شوي طالعت شرات المطبخ الصغير المفتوح وداخله ثلاجات عصاير من كل الانواع
وكابتشينو وحذاله طاوله مستطيله وجدامها كرامي بيضه وسوده ..
روضه : هههههه والله يا ابويه انك متفيج ..
ظهرت من الصاله العوده وسارت صوب السباحه
يلست ع الكراسي الموجوده ومدت ايدها للطاوله اللي جدامها
واخذت قطعه كيك وعصير برتقال ..
وقعدت تتطالع على البنات يوم يسبحن ..
فنفس الوقت يزوي كانت قاعده اتمثل انها ميته فالبركه وموول مايتحرك فيها شئ
يعني صدق جنها ميته << الها مستقبل فـ التمثيل خخخ
وحمده وعواش بيموتن من الزيغه مصدقاتنها
ويصارخن على روضه مب عارفات شو يسون ،
(روضه تدري عن حركات يزوي عسب جيه ماسوت سالفه )
حمدوه وهي شوي وبتصيح : يزوي والله بموووووووووت نشي دخيل والديج
والله مابطفربج عقب اليوم
وبسويلج مساج فريولج فليل والله
وبسويلج اللي تبينه بس نشي دخيييييييلج .. ( والعبره زاختنها)
عواش وهي تهز يزوي وتصارخ : يزوووووووي يرحم والديـــــج نشي .."
(وبدن يصيحن حمده وعواش )
يزوي فـ ذيج الساعه مارامت تمسك عمرها جااااان تنفجر من الضحك
يزوي : ههههههههههههههههههههههههههه
ومسكت بطنها من الضحك وستون عيونها حمرر من كثر ماتضحك
وحمده وعواش فاجات عيونهن مب مستوعبات شئ!!!!!!!!!!
جااان يصرخن مره وحده : يالخااااااااااااااااااايسه ...
وطلعن فوقها بثنتينهن اللي تمط شعرها واللي تدحها وهن يسبن ويلعنن فيها
ويزوي بس تضحك لحد ماستوت حمره ..
رووضه وهي تضحك : بسسسسكن بتجتلن البنت ماتسوى عليها
نزلن حمده وعواش من فوق يزوي اللي ستوت شرات السمسوم
يحليلها من الضرب
وسارن يكملن يسبحن ..
يزوي : اقوول حميده تراج قلتي والله انج بتسويلج مساج فليل حق ريولي ههههههه
حمده وبقهر : حميـــــــــده فعينج يالدغمه السوده انزين
ومابسويلج شئ اوكي
يزوي وهي تضحك : ههههه الله بيعقج فـ الناار وانا بقعد اطالع عليج
واضحك .. لانج ماوفيتي باللي قلتيه
حمده : وااي زيغتيني سيري قصي ع عزوز بـ هالرمسه
مب انا يالخــــــايسه << خيبه تنعرف انها مقهوره خخخ
وعقب صرخت روضه حق يزوي : يزووي تعاالي اباج فـ سالفه ..!
حمدوه: وانااا ماتبيني فسالفه ؟؟
عواش : وانا وانا ..
روضه : عن اللقافه قلنـا يزوي ..
يزوي وهي تدلع لحمدوه وعواش وطلع لسانها : وييييييييو
(ظهرت يزوي من السومينق بول وتوجهت ع صوب روضه عند الكراسي ..
مدت ايدها على المناشف المعلقه فاليدار ونشفت عمرها وخذت الروب المعلق
فاليدار وغطت نفسها .. عقب يلست فالكراسي ..
يزوي وترمس روضه : تو الناس لو ما يتي ..!
روضه : والله بموت من الصداع .. راسي بينفجر ..
يزوي : سلامت راسج غناتيه ..
روضه : الله يسلمج غلايه ..
يزوي : هاه شو تبين ؟
روضه : اخوج عبدالله
يزوي : بلاه عبدالله ؟
روضه : مادري بس حركاته اتزيغني ..(ورشفت رشفه من عصير البرتقال وكملت )
تدرين احسه يراقبني ..
ومن وين ما اسير يطالع عليه .. حتى تدرين احسه مايباني اكون ويا منصور مادري ليش ؟
(يزوي بحكم انها واايد جريبه منها هي وحمدوه فـ عادي تقولهن كل شئ)
يزوي : بصراحه فاجأتيني معقوله عبود جيه يسوي ؟؟
روضه : انا بروحي مستغربه من حركاته .. حتى اقولج من وين ما اسير يظهر جدامي ..
يزوي وبسرعه بديهيه : هذا ما اله الا معنى واحد
روضه : واللي هو ؟
يزوي : مايباج تكونين ويا منصور ..
روضه : وانا شو اقول من ساعه اقولج جنه مايباني اكون وياه ..
يزوي : يالغبيــــــــه هذا معناته انه يغير عليج
روضه بصدمه : يغير عليه ؟؟
يزوي : هيه يغير عليج .. ياويل حاليه ( وتغني يزوي ) : "" انا من حقي اغير
حولك العالم كثير كلهم يبغون قربك لكن ادري قدري في قلبك
كبيــــر ..""
روضه وبعصبيه : يزووووي جب.. وفجأه قالت : بس منصور اخويه ..!
يزوي : وعبدالله مايدري بـ هالشئ ولا نسيتي انه بس من فتره ياي ويانا ..
يعني اكيد مايدري بالساالفه ..
روضه بعصبيه : وما بقى الا اخوج يتحكم فيه ... وهو يتوقع بهالحركات انه
بيحدر مزاجي يحلــــــــــــم ...!
يزوي وهي تبتسم لروضه : رووضه لا تعصبي انا بفهمه السالفه كلها ومن البدايه بنحاول انكف الشر ..
وبقوله لا تحاول لانك انت اخوها الرابع وبـ جيه من البدايه بنوقفه ..
روضه ارتسمت فـ شفايفها البسمه من سمعت رمست يزوي
لانه باين فـ رمستها الحنيه والجد فنفس الوقت : فدييتج يااربي ..
يزوي وبعفويه : بس انا خاطري اعرف ليش تكرهين الريايل كل هـ الكره ؟ ..
( اول ما يابت يزوي هالطاري خفق قلب روضه بالقــــــو وتذكرت مأساتها انه السبب فيها
الشباب ولا لو للحين ربيعتها بعدها حيه ..
بس مسرع ما استغفر ربها انا شو قاعده اقول الاعمار بأيد الله بس طوول عمري يالشباب
بظل اكرهكم طوووول عمري )
.
يزوي : حوووو حـوووو وين سرتي ... نحن هناا ..
روضه : عيل اتحراج هنااك
يزوي : لا حوول بلاج روضه احسج وااايد غامضه ..؟
روضه : بدينا بطير يألي ... قلت مافيه شئ ونشت وحدرت حجره فيها شبريتين
قالت : الظاهر هذي حجره الراحه .. تمددت فالشبريه ومسكت راسها من اللالم
كل ماله ويزيد ..
روضه وهي ماسكه راسها : يااربي .. آه .. رحمتك ياربي .. ماثواني وتحس انه النعاس
كان اقوى منها ورقدت ...
وبعد دقايق بدت تحلم .....
روضه : لا يا عهووود ما توقعتج انتي مستحييل ...!
عهود : رووضه لا تفهميني غلط ارجوج اعرفي السالفه وافهميها
الشباب اللي ورا عهود : ههههههههه احين بتتطالع
روضه : شو تفهميني .. حسااافه الثقه اللي عطيتج اياها
حســـــــــافه ... حســـــــــــافه ...
ومشت روضه وماتسمع ورها غير الضحكات كل مالها وتزيد
وكانت روضه تتحرى انه عهود تضحك .. مادرت انه عهود بهالوقت نزلت دمعه
منها زلزلت كل كيانها ...
.
بســــــرعه البرق نشت روضه من الحلم ومسكت راسها ..
وبدت تضرب راسها .. ليش يا الغبي ليـــــــــش لييش ..
ليش كل يوم تذكرني بهــ الحادثه .. مستحيل انسى مستحيل
ليش تذكرني لييش .. دفنت راسها تحت المخده ( الوساده) وبدت دموعها
تنزل اربع اربع وهي تتذكر الموقف اللي مر عليه 4 سنوات ..
ولا زالت تتذكر فيه كل حركه وهمسه وبكل تفاصيلها ...
تتذكر شكل عهود تتذكر تؤام روحها وحياتها ..
تتذكر شبيهتها .. تتذكر الحب والاخوه الصادقه اللي كانت من بينهن ..
تتذكر كـــــل شئ ...
.
مر طيف عهود فـ بال روضه : آآآآه ياعهود آآه ياروحي كيف اشتقت لج ..
ورربي بمووت من الشوق خلاااص ماعاد فيه صــــبر ..
ليتج تردين ليـه ليتــج .. والله بساامحج والله ..
( عهود كانت النسخه الثانيه من روضه كان بينهن شبه مب طبيعي اللي
يطالعهن يقول هذولي اكيـــد اكيد توؤام بس الفرق بينهن عيون عهود
سود بس روضه عسليات )
شرات الجسم والطول والحركات والغرور وكل شئ فيهن متشابه
كانن ايتين فـ الجمال اللي ابدع ربي فـ خلقهن ...
بس عهود اصلها من البريمي ( مم اذا ماتعرفو البريمي ، البريمي بين حدود الامارات وعمان
يعني فوسطهن ومايفرق بين البريمي والامارات غير اقل من دقيقتين )
كان المستوى المادري لقوم عهود جدا جدا عالي يعني
ماتفرق عن المستوى المادي لقوم رواضي ...
.
.
ماثواني غير يين عواش ويزوي وحمدوه ..
( روضه كانت دافنه راسها فـ المخده ودموعها ينزلن اربع اربع )
حمده : رووضه قلبي انتي راقده ؟؟
عواش : روااضي .. روااضي ..؟
(روضه مارفعت راسها لانه دموعها كانت تنزل بدون توقف ، وكانت تنزل بقهر
من حالها )
يزوي : ودرنها الظاهر راقده .. تقول راسها يعورها
عواش بلقافه : توها ناشه من الرقاد
حمدوه : خلاااص عوااش .. يلا ودرنها قومن منسير نلعب بولينق ..
(ظهرن البنات ويزوي كانت حاسه بنغزه فقلبها لانها من عقب ماعقت
ذيج الرمسه على روضه وهي مب طبيعيه وكانت حاسه بالذنب
لو انه يزوي قالتها من دون قصد
بس ماحبت اتوضح لحمده وعواش شئ .. وسارت تلعب وياهن ..)
.
.
روضه اول ماحست ان البنات سارن رفعت راسها عسب تمسح دموعها
اللي كل مالها وتزيد ..
حدرت الحمام وغسلت ويها وعقب ظهرت ..
.
سارت حذال المرايه تتطالع عيونها .. كانت حمره بالقــو ( روضه يوم تصيح
يظهر لون عيونها واايد ويظهر جنهن عدسات مب طبيعيات)
.
ماثواني وتحس انه الباب ينفتح بالقوو ومن قوه الضربه كان بـ ينجسر
رووضه بسرعه لفت راسها تبا تتطالع منو ها اللي جيه محتشر
.. ضحكت اول ماطالعت اللي حذال الباب مجرد انها تتطالع على هـ العيون
تنشر فـ قلبها الامان والطمأنيه حتى لو كانت فأصعب اوقاتها ..
\
/
\
/
\
/
ظهرو الشباب من السومينق بول وسارو ييلسون ويا قوم بوسالم
وبوراشد وبو عزوز ..
بوسالم : هاه اخيرا شبعتوا من هالتخليل ..!
منصور : ههههههه لا ماشبعنا لكن خلاص احين بيأذن المغرب ..
بوسالم : هههههه والله انك يا وليدي عليك حركات
فز حمد بلقافه : من دون بلكات ..
الكل ضحك على حركات منصور وحمد اللي ماتخلص ..

.
جدرن الحريم داخل عسب يصلن ويتزهبن حق العزيمه وعقب دقايق ساروا الريايل
المسيد عسب يصلون صلاه الجماعه ..
.
.

وبمكان ثاني وبعيد عن اجواء مزرعه بو سالم ... فيه شخص تعب من التفكير تعب
من الظلم من الشوق شخص كره حياته
لانه فـ يوم من الايام كان ضحيه جذب وخداع ونفاق ...
.
.
روضه : هههههههه يا هلا ويا مرحبا ..
يزوي : ههههه يلا تعالي ويانا ...
روضه : انزين جسرتي الباب ماترومي تحدري من دون هـ الشي ..
يزوي بعفويتها : يالخبله هـ الحركات تلفت الانتباه وتخلي الكل يطالع عليج
غصب عن عينه ..
روضه : ههههههههه آآه انتي مادري امتى بتعقلين
يزوي : يوم انتي تعقلين ..
روضه : هههههههه عيل ماشي امل انج تعقلين ..
يزوي : هههههه يلا منسير نصلي وعقب نتزهب حق العزيمه
روضه : والله حاله انا يا ختي ما اروم تعبانه ..
يزوي : بدينا عياره .. بدينــــــــا .. (محطيه ايدينها فخصرها وتهز عمرها
شرات المصريات وتلوي بوزها وتغمض وتفتح عيونها خخ << خبله فاصل عقلها)
روضه وهي تضحك من قلب : هههههههههه الله ينطبج وربي ما اجذب صدق راسي يعورني
يزوي : روااضي ورربي وناسه بنكون انا وانتي وحمدوه وااااو طرر الصراحه
بنعلق وبنحش على اللي هناك كلـــــهم ويا بعض ، وهي تقرص عينها وتحرك حيانها ويمكن
انشوفلنا جمن غرشوب مني ولا مناك .. خخ
روضه وهي تضحك ع تفكير يزوي اللي مامنها فاايده فاصل فاصل عقلها : هههههه
ونسيتي عواش ..؟
يزوي : آووه صح هاي القمله نسيتها .. (وتلوي بوزها)
رووضه وهي خلاص مب متحمله من كثر ماتضحك ع يزوي الخبله : هههههههههههههههه
(روضه ماتنكر ان يزوي بهالطله ونستها واايد ونستها همها شوي
وخلتها تضحك من قلب ع حركات يزوي العفويه ..)<< لان اصلا يزوي
حاسه بالذنب حست انه لازم اتسوي شئ حق روضه
لانها هي اللي خلتها تتضايج حتى لو كان من دون قصدها ..
مع انه روضه ماوضحت هالشي جدام يزوي بس شرات ماقلتلكم
روضه ويزوي وحمده شرات الروح الوحده يحسن فـ بعضهن ..
.
يزوي وترمش بعيونها ببرائه شرات اليهال وماده بوزها: دخيلج روااضي حيااتي
عنووني ريولي راسي خشمي قوومي سيري ويانا ..
رواضي : هههههههه انزين ترا انا ماقلت لا بس اقولج راسي يعورني
ما اروم اسير وانا جيه فضيحه ..
يزوي تسحب روااضي : آووه تعالي يلاااا ..
(يزوي ظهرت رواضي من صاله التسالي كامل )
روضه وهي تظهر ويا يزوي من الباب الكهربائي لبرع : حشى عاده الدنيا مظلمه
يزوي : وهيه ماشاء الله ع رواضي ما مصليه ..
رواضي : استغفر اللــــــــه .. يلا بسرعه بسرعه ..
يزوي: يلا سباق منو بتوصل قبل ..
روضه : خخ بيطلعن سيقاني اثتحي ..
يزوي : خخخ كلنا فالهواء سوى حتى انا عيل بس محد هني يلا بسرعه
1 .. 2 .. 3
ونطلقن يزوي ورواضي كل وحده تزخ الثانيه عن تتجدم على الثانيه والسيقان
طالعات << متولفات بثنتينهن فاصلات عقولهن خخخ
بس كان هناك شخص يراقب حركات يزوي ورواضي ودعى لهن بثبات عقولهن .

حدرن روضه ويزوي ع القصر وهن مسويات طاااف للكل وطياااره ع سويت روضه


منو بتفوز منهن .. وهن يايات يحدرن السويت جان يطيحن بثنينهن فوق بعض


قبل لا يوصل باب السويت .. وجان روضه تحرك عمرها


بيدينها وتركض بيدينها وتحدر السويت قبل يزوي وتصرخ روضه : فـــــــــــــــــــــــــــــــــزت


ويييييييييييييو ويييييييييييو ويييييييييييو


يزوي وهي بين انفاسها : أ نـ ..ـا خـ ـلـ ـيـ ..ـتـج تفـ وز يـن


روضه وهي تضحك ع شكل يزوي اللي متسدحه فالارض وهي تتنفس بالقو


:ههههه سيري سيري قال خليتج اتفوزين اول رمسي شرات الخلق وعقب تعالي


رمسيني هههههههه


.


روضه حدرت تتوضى وعواش وحمدوه يصلن .


ظهرت رواضي من الـ wc (وانتو بكرامه) وعقب سارت صوب السياده ولبست جلباب


الصلاه ولفت ع يزوي وشافتها على حالتها مب متحركه


متسدحه مكانها ع الارض جربت روضه من يزوي وداستها فأيدها


وقالتلها : اييييييه قوومي صلاه يلااا ماتصدقي تدورين سبب عسب ماتصلين


يزوي : هههههههه يالخااااايسه ايدي


روضه : تستاهلين يلااا صلاه ..


يزوي : اندين ..


روضه : ههههه عفان الله مب صاحيه البنت .. قال اندين قال ..


وسارت يزوي تتوضئ وبدت رواضي اتصلي ..


.


.


عقب ماصلن البنات يزوي وحمدوه وعواش كانن محتشرات كل وحده تصرخ من


صوب اللي تدور شو بتلبس واللي ماتدري شو بتحطي من المكياج ..


خلصت رواضي مصليه وقاريه قران صرخت عليهن :


اييييييييييه عنلات هالويوه حتى ماعرفت اصلي حسبي الله ع بليسكن


البنات ضحكن لانه رواضي شكلها صج منقهره منهن وهن حتى ماحسن برواضي ..


.


سارت رواضي على حجره تبديل الملابس ويلست تحرك كل مره شئ


ماعرفت شو تلبس .. فالاخير قررت تلبس بنطلون جينز سكيني وبلوزه


بنك مشجره ، وظهرت من كبت العبايا عبايه مسكره كامل وعليها زخرفه


خفيفه تظهر جمالها ..


يزوي + حمده+ عواش من وراء رواضي : ونحــــــــــــــــن


روضه من الزيغه صرخت : بسم الله الرحمن الرحيم ..


يزوي : شو جدامج ينانوه خخخ


حمدوه : والله اطالعها ..


عواش بقله صبر : اووف عن الضرابات احين بتيي خالوه وبتهزبنا شو نلبس ؟!


حمدوه : صح شو بنلبس


يزوي بصوت واطي بس محد سمعها : يونيه خخخ << تنكت حظرتها


روضه : ماشاء الله ع كثر ملابسكن والعبايا وماعرفتن شو تلبسن ؟!!!


يزوي : طالعتي عاده ترا يقولج هاك المثل ( يوم يستوي عندج ملابس وايد


ماتعرفي شو تلبسي )


هني عاد الكل انفجـــــــر من الضحك لانه هالمثل مب صدقي يزوي


بروحها مسويتنه ...!


البنات حمدوه ورواضي واعواش : ههههههههههههههههههههههه


روضه : هههههه ، استغفر الله ، اقولكن انا عندي خطه تعالن ..


(وظهرت من حجره التبديل ع حجرتها والكل تبعها)


.


البنات : يلا قولي ..؟


روضه : كل وحده تطلع اغراضها ..يلااا


البنات ماصدقن كل وحده منهن صفطت اغراضها


يزوي وتسوي حركات استهبال اونها بياعه وتبيع


( اررب اررب وتصفق بيدينها ومحطيه شحاطتها تحت ايدينها


وقاعده فالارض ومربعه اريولها ورافعه كندورتها يعني ظاهرات عساقيلها )


يزوي : اررررب ارررب الاطعتين بـ 6 جنيه وبدت اتصفق من قلب وتغني :


(بص وشوف يزوي بتبيع ايـــه )..


( بص وشوف يزوي بتبيع ايــــه )..


أررررب أرررب ...


جان اتيها دحه (بكس) من ورا محترمه خلتها اتصخ مره وحده ..


يزوي : اااااااي عنلات هالويه يالمعفنه جتك نيله اتنيلك يا ست عواش


قولي وبعطيج دسكاون مايحتاي اتدحيني ..


عواش وبقهر: انتــــــي متفيجه حق كل شي نقولج مستعيلين وانتي


مستويتلنا وحده من هاكي البياعات مااالت عليـــج ..


يزوي وهي تسوي عمرها زعلانه وماده البوز : انزين مابرمس 560 سنه زين جيه ..


عواش وهي تصرخ : هيـــــــــه زيــــن ووااايد زين بعد ..


عواش وهي تكمل : روضه غلايه كملي شو كنتي تبين اتقولين ؟


روضه : ممم حمدووه انتي احلى لون عليج وصج يبرز لج جمالج الفوشي ..


وانتي يا عواش فالتركواز .. اما انتي يا يزوي فالـ الليلكي عليج طررر


البنات سمعن بنصيحه رواضي .. وكل وحده بدت تلبس اللي قالت لهن عليه روضه


ظهرت حمدوه بالفوشي وكان شكلها جنها بيبي يعني صج رووعه


البنات صرخن : واااااو طـــــــــــــــر


روضه : يلا عواش دورج ..


سارت عواش تلبس التركواز وعقب دقايق ظهرت


بالعبايه المرصعه بالكرستال الموزعه على الصدر والايد كان شكلها خباال ..


روضه : ماشاء الله عليج طررر طررر ..


عواش : احيم .. اخجلتم تواضعي ..


روضه وتطالع على يزوي : يزوي دورج يلاا ..


سوت يزوي حركه براسها شرات الهنود على انه اوكي


وسارت تلبس بس جنها تأخرت ..!


روضه تتريا يزوي تظهر وماظهرت وحمدوه وعواش بدن يتمكيجن ..


روضه : يزووووووي بسسرعه يلااا انا لحد احين مالبست


يزوي من ورا الحجاب : اوكيك اوكيك


ظهرت يزوي بالعبايه المفتوحه والمخصره واللي كانت كامل الكم مفتوح


وعليه نقشات باللون الليلكي وممدود بالكرستالات ...


روضه شهقـــت : يالحيوااااااااانه وااااااااو وااو وااااو ...


البنات من سمعن شهقت روضه بسرعه التفتن


حمدوه : وااااا فديت انا العيناويه واللـــــــه


عنلاتج خبال خبال خبال يالثور هههههه


عواش : حشى كل ها مدح .. آآآه طر طر


يزوي : احم .. احم .. اعرف انه طر .. عيونكن الحلوات اندوكن بوسه


امواااااح ..


عواش : عاااش بالشر اقصد بالخير ..


البنات : ههههههههههههههه


روضه : احم ... احين دوري ..


حدرت روضه حجره تبديل الملابس وبدت تلبس ، لبست بنطلون جينز سكيني


وعقب بدت تلبس البلوزه البنك المشجره من مانقو ..


ظهرت لها جمال خصرها الصغير ومسكت العبايه بأيدها وشعرها البني الفاتح


فلته وغطى على لها ظهرها كامل ..


ظهرت من الحجره وقالت : تا تا تا (ورفعت ايدها)


يزوي : واااااو يالحنوااااانه ماباا مابااا


حمدوه : غسلتنا ..


عواش: اوف اصلا لبسي حلو


البنات :هههههههه


وكملن البنات الميك اب مالهن بس روضه بعدها مابدت لحد احين ..


رواضي تدق ع فون ميشيل بس ماترد ..


رواضي : اووف بلاها ماترد


حمدوه : منوو ؟


رواضي : بشكارتي ميشيل .."


حمدوه : وبشكارتج الثانيه ..!


رواضي : لا هاكي مالها دخل فأغراضي الخاصه ميشيل اللي دوم ترتب اغراض التسريحه


حمدوه : اوكي ازقريها ..


رواضي .: ممم جهاز الاتصالات بالمطبخ اللي بجناحي خربان ..


حمدوه : اوكي سيري الصاله


رواضي : مارايمه ريولي يعورني .. وراسي يدور


حمدوه : اووف فهمت تبيني اسير انا ادق عليها


رواضي : هههههه .. شطوره


حمدوه : اوكي ويت بلبس عبايتي والشيله


رواضي : لا تخافي محد فالصاله ...


حمدوه .: ممم اوك


سارت حمدوه الصاله تدق ع ميشيل من الصاله ومحد يرد وعقبها دقت ع قسم الخدم


بس محد يرد بعد ..


حمدوه : اووف .. (وردت اتدق مره ثانيه )


بس جنها سمعت حد يطلع من الدري وقالت : عنلاتها هالهيازه مارامت اترد عليه وطلعت


عيل وين اسهل تردين ولا تتطلعين فوق والله حاله ..


حمدوه وايدها على خصرها : لــــو ماييتي يامســــوده الويه


حمد : لو مايتي ، ومسوده ويه ، كل ها حقي ..


.


حمدوه شوا قولكم احين موقفها تبا تموت شوي عليها تبا الارض تنشق وتبلعها


بعد شوي عليها ..!


حمدوه لا زالت ايدها على خصرها وهي لابسه بلوزه فوشيه وبنطلون جينز


ابيض مخصر عليها..


وشعرها اللي مرفوع بشباصه والنص نازل ع جتفها ومحطيه ميك اب خفيف مرره ..!


حمد: أحم ... (قصده مايستوي جيه يلا سيري )


حمدوه احين بس صحت من الحلم وطيران على جناح رواضي وتصفق الباب بالقوو


حمد: لا اله الا الله كل ها عسب انا طالعتج ههههههه


لكن مسوده الويه غااويه آآه فديت انا الغزال اللي خطف قلبي آآه يالفوشي اموت فيك امووت واللللللله


.

داخـــل الجنـاح ..


.


رواضي : حشـــــى جسرتي البااب


حمدوه وبعصبيه : انتـي جــــــــب كله منــــج ..!


رواضي : شو سويت ..؟


حمدوه : تقولي لي محد برع واخوج هذا الملقوف برع


عواش ويزوي : هههههههههههههههه


حمدوه بقهر : هيه اضحكن عنلات هالويه


يزوي تتطنز : عيل بحجز لج مكان حذالي فالنار


فالسيد اللي جدام خخخخخخخ


عواش : هههههههههه


روضه : هههههه بنات خلاص اسكتن ..


عواش : لا بالله عيل اخوج يا رواضي الليله خاطب خاطب


يزوي : وانا بشهد هههههه


رواضي : والبشكاره << طااع وين التفكير


حمدوه : وانتي هني تفكرين ماالت بس


رواضي : يعني شوا سوي اسير اقوله رد يالموقف وحمد لا تطالع على حمدوه والله حاله


عواش ويزوي : ههههههههه


حمدوه بعصبيه : جــــــــب انتن


عواش ويزوي انخرسن مره وحده << الزقره بنت العرب خخخ


رواضي ردت تتصل مره ثانيه على ميشيل واخيرا ردت ..


رواضي : لو مارديتـــــــي بسرعه تعالي فووق


ميشيل : اووكي


بندت رواضي عن ميشيل وماثواني غير تيي ميشيل وظهرت علب الميك اب


والمنكيرات ..


يزوي : بنــــــــات تعالن هني عيـــــوش


حمدوه : هههههه عيبتني هذي عيوش


ظهرت روضه من علبه المنكيرات اللي ممتليه من كل انواع المنكيرات ومن اغلى


الماركات ، ظهرت مناكير بنك من شانيل هادي وراقي جدا


حطت المناكير جدام ميشيل وقالت : يلا ابدي


ميشيل: اوك ( بدت ميشيل تحطي المناكير بخفه على اظافر روضه وعقب نثرت


عليه لمعه ظهر خباال ×خباال


رواضي : بنات منو تبا ؟؟


حمده: الله ظهر واايد حلو فأيدج انا انا ابااا .."


عواش : احين بتقولج لان ايدي حلوه


رواضي بثقه: لانه انا حلوه ياحياتي فهمتي ..×


يزوي بلقافه: شكرا حبيبتي من ذوقج مايحتاي تمدحيني انا اثتحي احيد اني حلوه


روضه : منو مدحج ياللقافه انا امدح عمري ..


يزوي وماده البوز : مالت .. ولفت ترمس ميشيل : يلاا بسرعه عسب تبدين فأظافري


سارت رواضي صوب التسريحه عسب تبدي تحطي ميك اب .. فالبدايه وزعت كريم اساس


من MAC وعقب بدت تنثر الباودر اللي من Dior بالفرشاه وحطت روج وردي خفيف


من شانيل وحطت جحله داخل عيونها ومررت القلم 4 مرات تقريبا عسب

تمتلي عيونها من الداخل باللون الاسود ..


وزعت بالفرشاه بلاشر بنك خفيف وحطت شدو بنك جدا جدا خفيف اللي صج برز من لون عيونها


العسليه ...


وفالاخير حطت الماسكرا ..


تتطالعت على البنات كلهن مشغولات ردت تلبس عبايتها ولفت الشيله عليها


وظهرت قمر 14 ..


نزلن البنات تحت والكل كان متواجد يترياهن ماعادا الشباب كانو برع ..


ام سالم : واايد تأخرتن ..


ام عزوز : لا والله تحريناكن رقدتن ..!


البنات : هههههه


ام الريم : يلا معليه بسرعه خلنا نظهر ..


ظهرو الكل وركبو السيارات وطبعا روضه ومنصور وحمد ومحمد كلهم فـ سياره


رواضي ...


روضه سارت صوب منصور : احم ... سلامن عليكم


منصور لف عسب يرمس روضه بس فاجأها بطراق :


حيــــــــــــوانه


رواضي : يا قليل الادب


منصور : ابا اعرف من وين يبتيه كل هالحلا هـــــآه ..؟


( روضه كانت من البدايه تعرف انه الطراق مال سوالف بس يعني مب صدقي)


روضه بخجل وبلباقه : عيونك الاحلـى


منصور يسحب روضه : اركبي السياره مابا حد يطالع ع خطيبتي يلا اركبي


روضه : هههههه استغفر ربك ..


( وركبت روضه السياره وماثواني غير تتيمع الشله الفاسده كلها فسياره وحده


محمد + حمد + منصور + روضه )


رواضي مطيحه مسجات لحد ماوصلو مزرعه الريال


حمد : حشـــــــى مب جنهن مفترقات الا بس ثواني


رواضي : اقول انت جب


حمد : انا جب


منصور : لا انا . عيل منو ماتسمع حياتي قالت لك جب يعني ماباك اسبوع ترمس


انت فاهم ولا لا ..


رواضي : فديت منصور والله يا بعدي يا بعدي واللله


محمد : ماتبوا تنزلو يلاا انزلوا


نزلو كلهم وروضه يوم نزلت سارت صوب محمد عسب مايضربها حمد


محمد : رواضي اندوج يودي الفون والسويج


يودتهن روضه لحد ما تأكد محمد انه العقال ضابط عقب رجعت له الفون


بس السويج مارجعته حطت السويج فجنطتها ..


محمد : محد بـ يسرقه عنج ...


رواضي : اعرف بس تعرف اخاف اتسير تخمس بسيارتي


محمد : مالت عليج ..


سارو الشباب ويا عمومتهم وولاد عمومتهم


ورواضي سارت ويا الحريم ..


حدرن الحريم قصر سعيد .. وكل حريم عيله سعيد كانن موجودات


عسب يستقبلن حريم قوم بوسالم .. وسلمن عليهن سلام حار ..


.


.


يلسن كل الحريم فـ صاله مفتوحه داخل القصر ..


البنات حذلهن صوب لرواحهن عسب ياخذن حريتهن فالسوالف والحش ..


حمدوه : غاويه هالصاله ..


يزوي : هيه والله غاويه جان ما اصادرها


روضه : اييييييييه سكتن فضحتنا ، اللي يسمعكن بيقول مول مب شايفات خير


حمدوه تكمل : يزوي ترا الارباح النص بالنص ..


يزوي : انزين يصير خير ,, وبصوت واطي : ان مانصبت عليج ماكون يزوي خخخخ


حمدوه: والله لتوطى فـ كرشتج


يزوي : خيبــــــه مب اذون عليج رادارات جان سمعتيني


روضه وبنفاذ صبر: عنلاتكن تصادرن فـ بيت الخلق ولا من احين يضاربن


ع الارباح ، عنبو شكلكن اشــــــك انكن بنات عز وشايفات خيــــــر ...


يزوي وتسوي عمرها جديه : هيــــه والله .. فضحتنــا سكتن انتن محد ايوديكن مكان


اااف .. فضيحه انتن (وتسوي حركات بيدينها


وتأشر على الفقيرات حمده وعواش ) << دخيلج مب جنج انتي الراس العود خخخ


هني روضه وحمده وعواش مارامن يمسكن اعمارهن


وكلهن مره وحده: هههههههههههههههههههههه


روضه : ماشاء الله عليج آحين عرفتي أنه ( تقلد صوت يزوي)


فضحتنــــــــــاآآآ .. انتي أولهن يا مسوده الويه ...


ام سالم والحريم عطنهن نظره على انكن انجبن ..


البنات سكتن وهن يتحلفن ويتوعدن لـ يزوي اللي فشلتهن وخلتهن يضحكن


وهي جنها مول مب مسويه شئ ...


روضه:ماشاء الله عليج آحين عرفتي انه (تقلد صوت يزوي)فضحتنـــــــــآآآآ..آنتي اولهن يا مسوده الويه..


عواش:اوف كفن ضرابه بسكن ..!


ييت بنت سعيد بن سالم ويلست حذالهن.."


فاطمة :يامرحبا الساع


روضه:مرحبا الملااين ولايسدن فذمتتتتيه


فاطمة:المرحب باجي ولاهان..


وتكمل:تو مانور البيت والله...!


البنات:منور بهله..!!

يزووي تهمس فأذون روضه:آوووف مليييت



رووضه:حتى انا لكن شو نسووي خلينا نصبر .... وتراه يا بنيتي آلصبر مفتاح الفرج خخخخ


يزووي:دخيلج يالعيوووز..


حمدوه ترمس فاطمة: آنتي جم عمرج..!؟؟


فاطمة:19 سنه..


حمدوه:اها العمر كله آن شاء الله ...عيل ننحن كلنا 18 سنه .


فاطمة :العمر كله ياربيه – بعدكن عيل فالمدسه


يزووي:لا خلصنا قبل شهرين تقريبا


فاطمة:بالتوفيج..


(فاطمة كانت يالسه تطالع ع روضه ..وروضه آنتبهت ع نظرات فاطمة..)


فاطمة بتسآؤل:عيل وين روضه ؟؟!


(الكل تعجب ليش فاطمة تسأل عن روضه)


روضه رفعت رأسها إلي كان بالارض .تفكر ,وبهدوء قالت:آنآ هنــي,,...


فاطمة بسرعة حركت عيونها وركزتها ع روضه وقالت بلعثمه:هاه ..هيه انتي روضه....يـ ــ ــآ هلا ..و ..مـ ..رحـبا


روضه ماتدري ليش حست آن قلبها ينغزها من شافت هالفاطمة..!


فجأه ظهرت كلمه من عواش بدون قصد :وليش تسألي عن روضه آنتي تعرفيها ..؟


فأطمه بلعثمه:هآه لى ...بس ..يـ..يعني...سمعت ..و .ما..وبس..!


روضه عندها قوه بديهيه وبسرعه فهمت انه هالفطوم شي وراها...


روضه فخاطرها:لا بالله هالفطوم شي وراها وانا متأكده بعد ...الله يستر ..


نشت فاطمه عنهن وودرتهن بروحهن..


فزت حمدوه وقالت:هالفاطمه ينخاف منها..


يزوووي:هاي شكلها ماتروم تجتل سمسوم شقايل بتضركن اقول ودرنها


روضه بهدوها المعتاد:الله يستر..."


/


\


/


\


ويــــآ آلحريم....


آم عبدالله:يا مرحبااا الساع والله


ام سالم:مرحبا الملاين والله


ام حمدان :الا يا ام سالم وين بنتج روضه..؟


(عواش قاطه أذونها ويا الحريم)


عوواش ووبسرعه ترمس:ولـــــحقي يا روووويض الحرمه بتخطبج..!


آم عبدالله:مآشآء الله عليج يا ام راشد من وين يبتيها فها المده القصيره ..؟


ام راشد:والله لحد مايبتها وايد تعبتني ..!


ام عزووز كانت ترمس ويا ام الريم.!


ام عبدالله :عيل آم الريم مانشوفها بنتج الريم..


ام سالم ترمس ومن دون نفس:ويا ريلها سالم الله يحفظها


(ام الريم + ام سالم ..كانً ما عايبنهن وضع الريم و سالم جنه ماعندهم أهل مول)


عقب بتعرفون شو قصتهم ..


/


\

\
وبآلــــــدآخل...
فاطمة:هيه آحين ........بسرعه .......لا ماشي وقت.........ما اروم ..........باااااي
فاطمه اول ماطالعت روضه جدامها فرت الفون عند المغاسل ..!
فاطمه:انتي شو تسوين هني ...؟
روضه:ماشئ ييت الحمام شرات كل الخلايج.!
فاطمه:آهـــآ
روضه تكمل ع فاطمة وبسخريه وترفع حايبها وتنزله بطريقه تقهر..وتمدها : هـــــيـــــه....
ظهرت فاطمه من الحمام ( وانتو بكرامه ) وتركت روضه يالسه عند المغاسل (أول ماظهرت فاطمه بسرعه روضه تسير من وين ما فررت فاطمه فونها ..!)
مسكت الفون بأيدها وبدت تفتح أخر المكالمات هي تنزل تحت عسب تطالع الرقم الي احين داق ولــكن قطعت عليها فاطمه وهي يايه...!
فاطمه:تدورين شي..؟!
روضه وبثقه وبدون ماتحس بأأي آحراج:لآ سلآمتج ..!
فاطمه :وتقوليها بثقه بعد...
روضه وتحاول تضغط ع فاطمه :ليش لا ..الا اذا آنتي من النوع آلي ينشك فيه وانتي فاهمه( تقصد يعني مال شباب)..؟!
فاطمه:اييييييييييييه انتي شو تقصدين..؟
روضه ظهرت من الحمام وودرت ورآها فاطمه مستغربه من قوة هالبنت ..؟
سارت روضه حذال البنات وكل الحريم يطالعن عليها وهي تمشي لانه الرقه تصرخ منها ..!
وهي ماهمها أحد يالسه تفكر ومسويه طااااااف ...!
روضه وهي تيلس وبهمس:اررروم احلف انه هالفاطمه وراءها بلووووه عووده..!
حمدوه:لــــيش..؟!
روضه بنرفزه:مآ آدري ..مآدري..!
يزووي:آحين بلاكن والله هالويه مايظهر منه المشاكل أسألني اناااااا...!
حمدوه:وانا امتأكده انه وراءها شئ..
رووضه:اووووه خلاص اسكتن رأسي بينفجر...
عواش:لا والله خلنها تلتعن جنه محد غيرها ..>>غيرانه خخ
البنات:ههههههههههههه
يزوي:استغفر الله
حمدوه والبنات انفجرن مره وحده:من وين ظهر هالادب .؟
البنات:ههههههههه
ام سالم :بنات تعالن حذالنا هنــي...!
حمدوه:لا حوووول احين بيبدن الشغل.."
روضه:لا والله صدق احين بيبدن..

"سآرن الـــبنات ويـــــــا الحريم"

ام عبدالله :الا يا حمده وين تدرسين..؟
حمدوه:توني بس مخلصه ثآنوويه..!
آم عبدالله :اهاااا ...بالتووفيج غلاااايه..
حمدوه:اليميع ان شاء الله ..!


أم حمدان : أم عبدالله عيل وين بنتج فطوم ..
ام عبدالله : احين والله كانت هني ما احيد وين سارت
روضه بخاطرها : تقردن وين يعني سارت .. هههههه
عواش تهمس فأذون يزوي : وين بعد يالسه ترمس حبيب القلب ..
يزوي مارامت تمسك عمرها : هههههههههههه
ام راشد تتطالع على يزوي على انج ايييييييييييه اسكتي
يزوي سكتت وقرصت عواش من ظهرها : معليــــه
روضه راسها بدا يدور وتحس انه الدنيا يالسه تدور ..
ام الريم : روضه قلبي بـــلاج ؟!
روضه : خالوه بطيح راسي يدور ..
ام الريم : لاحول احين وقته ..
روضه : خالوه انا مابيلس اذا يلست اكثر عن جيه بطيح ..
ام الريم : انزين غلايه قومي سيري البيت ..
روضه : وامايا منو بيرمسها ..
ام الريم : انا برمسها بس انتي سيري ..

ام الريم وتعلي صوتها متعمده برايج غلايه مسموحه عاذرينج ..!

ام عبدالله : بلاها روضه ..
ام الريم : والله تقول انها تعبانه شوي ..
ام سالم : غلايه مريضه بلاج ( نشت ام سالم )
روضه : امايا برايني بسير البيت وبرتاح ..
ام عبدالله : ويديه وانتي احين يايه لاوالله سيري داخل جناح الضيافه عسب ترتاحي
روضه بأدب : لا خالوه برايني بسير البيت
ام عبدالله : بس توج يايه ..
روضه : خالوه فديتج المهم تعرفت عليكم واليايات اكثر عن السايرات ان شاء الله اكيد بيي ..
ام عبدالله من سمعت رمسه روضه حست انه هالبنت صدق مؤدبه ومحترمه
ام عبدالله : الرب لج حافظ غلايه لكن ترا والله الدريول موجود
ام سالم : لا غلايه برايها بتصل على دريولتها
روضه تسلم على ام عبدالله وام حمدان والحريم وبنات عمات ام عبدالله ..
روضه : لا برايه خالوه انا بروحي بسير ..
تشرفت بمعرفتكم .. ( ومن الرمسه الحلوه ومني ومناك ظهرت روضه ومحد انتبه انها بروحها بتسوق )
( على فكره روضه تسوق بس بعدها ما عندها ليسن واخوها محمد هو اللي معلمنها السواقه ومعروفه سواقه روضه ولا سواقه واحد من الشباب حتى الكل يشك انها بنت اللي تسوق لانه محمد يوم علمها علمها السواقه الصدقيه مب اي لعب ..)
ظهرت روضه من القصر وتحس راسها بصدق يدور ..
فون روضه يصيح بس هي مب متفيجه حق شي تمسك عمرها ولا تسكت هالفون ..
تنزل من الدري وهي تحمد ربها انه الميلس مال الريايل فهاك الصوب وسيارتها حذال ميلس الحريم فأخر دريه تنزلها حست الدنيا بدت تسود ماتحس بعمرها غير تنزل من الدري كامل وتطيح على الارض ...
بس فجأه فتحت عيونها وتطالع عمرها مب على الارض انا واقفه غريبه والله احيدني طحت فتحت عيونها زين وطالعت شخص حذالها استغربت منو ها اللي حذالي ..

لفت راسها على صوب هاك الشخص وطالعت ايده على جتفها وماسكها ..
بدت تستوعب الامر شوي شوي .. انا كنت بطيح بس حد يـا وساعدني بس منو ما رايمه اطالع منو ( حاولت تفتح عيونها زين عسب تتطالع منو ها الشخص )
اول ما التفتت صوب هالشخص وفتحت عيونها زين انصدمت صدمه بحياتها ما انصدمت شراتها اللي جدامها مستحيل انسان هذا ملاك سبحان الله
.
.
.
وبـ جيه نكون خلصـنا البارت الــخامس ..
مع تمنيآتي لمن بـالقراءه الممتعه ..